24 qyrkúıek. QazAqparat kúntizbesi
24 qyrkúıek, DÚISENBІ
Dúnıejúzilik júrek kúni
2001 jyldan bastap Dúnıejúzilik júrek federatsııasynyń bastamasymen Júrek aýrýlarynyń qaýiptiligin nasıhattaý maqsatynda atap ótiledi.
Gvıneıa-Bısaý Respýblıkasynyń Ulttyq meıramy - Táýelsizdik kúni (1973)
Gvıneıa-Bısaý - Soltústik-Batys Afrıkada ornalasqan memleket. Soltústigi Senegalmen, shyǵysy men ońtústigi Gvıneıamen, batysy Atlant muhıtymen shektesedi. Memleketke 60-qa jýyq araldar kiredi. Astanasy - Bısaý qalasy. Memlekettik tili - portýgal tili. Aqsha birligi - peso.
Búkilálemdik teńiz kúni
1978 jyly BUU Bas Assambleıasy H sessııasynyń sheshimimen qabyldanǵan.
Búkilálemdik teńiz kúniniń maqsaty - teńizder men muhıttarda balyqty shekten tys aýlaýdyń, sýattardy lastaý men jahandyq jylynýdyń qanshalyqty orny tolmas zııan shektiretinine halyqaralyq qoǵamdastyq nazaryn aýdarý. Mańyzdy eki mindet - teńizdegi qaýipsizdikti arttyrý jáne teńiz aýmaǵyn, sonyń ishinde munaımen lastaýdyń aldyn alý.
ESTE QALAR OQIǴALAR
1934 jyly Uıǵyr mýzykalyq komedııa teatry quryldy. Teatr 1941-1961 jyldary Eńbekshi qazaq aýdanynda bolǵan, keıinirek Almaty qalasyna qonys aýdarǵan. 1964 jyly ataýy Respýblıkalyq uıǵyr mýzykalyq drama teatry dep ózgergen.
1993 jyly TMD múshe-elderiniń memleket basshylary keńesiniń kezekti otyrysy ótti. Kezdesý barysynda Ázerbaıjan, Armenııa, Belarýs, Qazaqstan, Qyrǵyzstan, Moldova, Reseı, Tájikstan men Ózbekstan elderiniń basshylary TMD-ǵa múshe-elderiniń ekonomıkalyq ózara qarym-qatynasynyń jańa mazmuny toltyrylǵan 18 qujatqa qol qoıdy. QR Prezıdenti N.Á.Nazarbaev TMD elderi arasyndaǵy jańa ózara tıimdi ekonomıkalyq qatynasty qalyptastyratyn Ekonomıkalyq odaq qurýdy atap ótti.
1997 jyly Frantsııa ulttyq tıpografııasynda jańa qazaqstandyq poshta markasy jasaldy. Onda Táýelsiz Qazaqstannyń tuńǵysh Prezıdenti N.Á.Nazarbaevtyń sýreti men respýblıka kartasy beınelengen.
2005 jyly Almatyda ál-Farabı atyndaǵy Qazaq ulttyq ýnıversıtetiniń mehanıka-matematıka fakýltetinde qazaqstan-nemis esepteýish ǵylym jáne joǵary ónimdi eseptep shyǵarý taqyrybyndaǵy alǵashqy semınar bolyp ótti.
Semınardyń negizgi maqsaty - esepteýish ǵylymy salasyndaǵy sońǵy jetistikterdi talqylaý jáne Qazaqstan men Germanııa ǵalymdary arasyndaǵy tyǵyz yntymaqtastyqty damytý.
2005 jyly Petropavlda saıası qýǵyn-súrgin qurbandaryna arnalǵan eskertkish ashyldy.
Jobanyń avtory - Qazaqstan Respýblıkasynyń eńbek sińirgen óner qaıratkeri Hasen Abaev. Petropavlda eskertkish ornalasqan jerde buryn Halyqtyq Іshki ister komıssarıatynyń ǵımaraty ornalasqan bolatyn. Eskertkishtiń irgetasyna shoıyn jolǵa bekitilgen pıramıda ornatylǵan. «Saıası qýǵyn-súrgin qurbandaryna» degen jazý qazaq jáne orys tilderinde jazylǵan. Úshburyshty pıramıda - bul bárine belgili adam sımvoly bolyp tabylady. Ol shoıyn jolǵa bekitilgen sııaqty, sol jolmen kezinde repressııaǵa ushyraǵandardy Qazaqstanǵa jetkizgen. Shetinde - úsh jol, ol jarlyq shyǵarǵan stalındik «úshtikti» beıneleıdi. Kompozıtsııada úsh tús paıdalanylǵan: qara tús - ólim, qyzyl tús - qan, aq tús - bolashaqqa degen senim men úmit. Eskertkish ornatylǵan alańda qazirgi zamanǵy talaptarǵa saı jasalǵan shaǵyn baq ashyldy.
2007 jyly Astanadaǵy Jastar saraıynda jańadan jabdyqtalyp ashylǵan kınozaldyń tusaýkeseri ótti.
2007 jyly Pavlodar oblysynyń Baıanaýyl aýylynda akademık Ábiken Bekturovtyń (1901-1985) eskertkishi ornatyldy.
Á.Bekturov qazaqtyń alǵashqy akademıgi Qanysh Sátbaevpen birge Qazaq KSR Ǵylym akademııasyn uıymdastyrýǵa qatysty, búginderi óziniń esimimen atalatyn Hımııa ǵylymdarynyń ınstıtýtyn quryp, oǵan basshylyq etti.
2008 jyldyń shildesinde Alataý aýdanynyń boı kóterýine baılanysty, Almaty ákimshiliginiń jáne máslıhatynyń HІ sessııasy sheshimimen Jetisý ákimshilik aımaǵynyń jańa shekarasy belgilengen.
2009 jyly Qazaqstan Respýblıkasy Ulttyq kitaphanasynda Aqparattyq damý ortalyǵy ashyldy.
Bul ortalyq Qazaqstan Respýblıkasy Ulttyq kitaphanasynyń Dúnıejúzilik bank, Ortalyq Azııadaǵy aımaqtyq ekonomıkalyq yntymaqtastyq departamenti, Eýrazııa damý banki, Islam damý banki, Birikken Ulttar Uıymy sııaqty halyqaralyq uıymdarmen seriktestigi nátıjesinde quryldy.
Aqparattyq damý ortalyǵynyń mindeti - Qazaqstanda tirkelgen halyqaralyq uıymdardyń ozyq tájirıbeleri men jınaqtaǵan bilimderin barsha jurtshylyqqa keńinen taratý. Ortalyq damý salasyndaǵy aqparattarǵa ashyq jáne aqysyz qol jetkizýge múmkindik beredi jáne barlyq múddeli tulǵalarǵa qazirgi zamanǵy únemi jańartylyp turatyn resýrstardy, halyqaralyq uıymdardyń ozyq bilimderi men tájirıbelerin paıdalanýdy usynady.
2009 jyly Almatyda Jetisý aýdanynyń «Qulager» yqshamaýdanynda ornalasqan jańa ákimshilik ortalyǵy ashyldy.
2010 jyly Astanadaǵy Kongress-holda «Bazar joq» baǵdarlamasymen ázil-syqaq teatrynyń saltanatty ashylý rásimi ótti. Shyǵarmashylyq topqa teatr dırektory ári ujymnyń shyǵarmashylyq jetekshisi Tursynbek Qabatov, tanymal qazaqstandyq satırık Nurjan Tutov, Erbolat Tólegenov, Amanǵalı Sypabekov jáne t.b. ázilkeshter kirdi.
2010 jyly tanymal qazaqstandyq aqyn jáne qoǵam qaıratkeri Oljas Súleımenov «Jáńgir» tarıhı dramasynyń stsenarısi jáne prodıýseri atandy.
2012 jyly Pavlodarda Shoqan Ýálıhanov pen Grıgorıı Potanınge arnalǵan eskertkish ashyldy.
XIX ǵasyrda turyp, Qazaqstannyń mádenıeti, ǵylymy jáne ádebıetine úlken úles qosqan eki kórnekti tulǵa, eki dos qoladan jasalǵan músindik kompozıtsııada máńgi este qaldyryldy.
«Sh. Ýálıhanov pen G. Potanın» músindik kompozıtsııasynyń bıiktigi 3,6 metr, ol tanymal qazaqstandyq músinshi Murat Mansurovtyń jumysy. Onyń tuǵyry óńdelgen granıtpen qaptalǵan.
2013 jyly 26 eldiń 200-den astam ǵalymy Almatydaǵy «ıAdrolyq fızıka ınstıtýty» Respýblıkalyq memlekettik kásiporny bazasynda ótken «ıAdrolyq jáne radıatsııalyq fızıka» atty 9-shy Halyqaralyq konferentsııaǵa qatysty.
Konferentsııa jumysynyń eki kúninde ǵalymdar birqatar mańyzdy máselelerdi, atap aıtqanda, jańa zamannyń ıadrolyq-energetıkalyq qurylǵylaryn qurý jáne ıadrolyq energetıka qaýipsizdigin qarastyrdy.
2013 jyly «Shal» fılminiń stsenarısi ári rejısseri Ermek Tursynov XXII ashyq kıno festıvaliniń bas júldesin - «Altyn lozany» jeńip aldy. «KınoShok-2013» - TMD, Latvııa, Lıtva jáne Estonııa elderiniń ashyq festıvali. Baıqaý qorytyndysy boıynsha, bas júlde qazaqtyń «Shal» fılmine berildi. Al atalǵan fılmde basty róldi somdaǵan Erbolat Toǵuzaqov «Úzdik er adam róli» atalymyndaǵy júldeni jeńip aldy.
2015 jyly Qazaqstandaǵy tsıanıd óndirýshi jalǵyz zaýyt Qarataý qalasynda ornalasqan «Talas Investment Company» JShS óziniń alǵashqy ónimin berdi.
2000 jyly Berlındegi Mysyr murajaıynda Kleopatra qoltańbasynyń álemdegi jalǵyz danasy tabyldy
2007 jyly BUU-nyń Nıý-Iorktegi shtab-páterinde klımattyń ózgerý problemalaryna arnalǵan joǵary deńgeıdegi kezdesý bolyp ótti.
Prezıdentter men úkimet basshylary, sondaı-aq ókilder delegatsııalary klımattyń ózgerýiniń saldaryn jumsartý, zııandy aýa qaldyqtarynyń aýaǵa shyǵarylýyn azaıtý sııaqty taqyryptaryn, sondaı-aq atalmysh problemalardyń tehnıkalyq jáne qarjylyq aspektilerin talqylady. 1992 jyly Rıo-de-Janeıroda álemniń 180-nen astam eli qol qoıǵan Klımattyń ózgerýi týraly BUU-nyń negizgi konventsııasy qabyldanǵan bolatyn. Ol kelisimde klımattyń ózgerý problemasy boıynsha qatysýshy elderdiń ortaq is-qımyl qaǵıdalary kórsetilgen. Taraptardyń naqty mindettemeleri zııandy gaz kvotalarynyń tetigin anyqtaıtyn Kıoto hattamasynda jazylǵan.
2014 jyly Venetsııadan 45 shaqyrym jerde ornalasqan 4 juldyzdy SPA-qonaqúıinde álemdegi eń tereń basseın ashyldy.
Onyń tereńdigi - 40 metr, al eni - 20 metr. Ondaǵy sýdyń temperatýrasy ár ýaqytta 32-34 gradýs deńgeıinde bolyp turady.