24 qyrkúıek. Kazinform kúntizbesi. Tulǵalar týǵan kún

Ǵalıasqar SARYBAEV, Qazaqstannyń memlekettik qaıratkeri

1963 jyly Almaty oblysynyń Kerbulaq aýdanynda dúnıege kelgen. S. M. Kırov atyndaǵy Qazaq memlekettik ýnıversıtetin bitirgen, ınjener-konstrýktor (1985); Qazaq eńbek jáne áleýmettik qatynastar akademııasy, zańger.

Eńbek joly: Pavlodar traktor zaýytynda ınjener-konstrýktor (1985-1986); Saryózek-Almaty temir joly lokomotıv deposy komsomol komıtetiniń hatshysy (1986-1988); Taldyqorǵan oblysy Kerbulaq aýdandyq komsomol komıtetiniń nusqaýshysy, uıymdastyrý bóliminiń meńgerýshisi, birinshi hatshysy (1987-1991); Kerbulaq aýdandyq partııa komıtetiniń keńesshisi (1991); halyq depýtattary Kerbulaq aýdandyq Keńesiniń uıymdastyrý bóliminiń assıstenti (1991-1992); Taldyqorǵan oblysy Kerbulaq aýdany ákimshiligi basshysynyń kómekshisi (1992-1993); Kerbulaq aýdany Y. Altynsarın atyndaǵy orta mekteptiń dırektory (1993-1994); Kerbulaq aýdandyq tilder bóliminiń meńgerýshisi (1994-1995); Kerbulaq aýdandyq jastar isi, týrızm jáne sport basqarmasynyń basshysy (1995-1996); Kerbulaq aýdany ákimi apparatynyń bas mamany, bólim meńgerýshisi (1996-1999); «Otan» QB Ortalyq keńesi tóraǵasynyń orynbasary, «Tumar» saqtandyrý kompanııasynyń vıtse-prezıdenti (1999-2001); «Toqsyn Qulybekuly atyndaǵy jastardyń ǵylym men mádenıettegi shyǵarmashylyǵyn qoldaý» qoǵamdyq qory dırektorynyń orynbasary, Almaty (2001); «Jasa Fırma» JShS bankrottyq jónindegi basqarýshysynyń orynbasary, Taldyqorǵan q., QHASK Samal (2001-2002); Almaty oblysy boıynsha aqparatty basqarý basqarmasynyń bas mamany, basshysy (2002-2004); Almaty oblysy Іshki saıasat departamentiniń bólim bastyǵy, dırektorynyń orynbasary (2005-2011); Taldyqorǵan qalasy ákiminiń orynbasary (2011-2015); Almaty oblysynyń ishki saıasat basqarmasynyń basshysy (2015-2016); Almaty oblysy Kerbulaq aýdanynyń ákimi (2020-2022); Qazaqstan Respýblıkasy Parlamenti Senatynyń Jetisý oblysynan saılanǵan depýtaty (2023-2026).

Murat QABDENOV, QR ІІM Ákimshilik polıtsııa komıtetiniń tóraǵasy

1969 jyly Shymkent qalasynda dúnıege kelgen.

Shymkent pedagogıkalyq ınstıtýtyn (1992), Qazaqstan Respýblıkasy ІІM-niń Qaraǵandy joǵary mektebin (1996) bitirgen.

Arnaıy ataǵy: Polıtsııa general-maıory.

Eńbek joly: Shymkent qalasy Іshki ister basqarmasy QІB jedel ýákili (1992-1993); Ońtústik Qazaqstan oblysy Іshki ister basqarmasynyń aǵa jedel ýákili, bólimshe bastyǵy, asa mańyzdy ister jónindegi aǵa jedel ýákil, bólim bastyǵynyń orynbasary, Ońtústik Qazaqstan oblysy Іshki ister basqarmasy bastyǵynyń orynbasary, Ońtústik Qazaqstan oblysy MTKB bastyǵynyń orynbasary (1993-1997); Ońtústik Qazaqstan oblysy BІІB uıymdastyrýshylyq-ádistemelik jáne KPQ sheteldiktermen jumys jónindegi basqarmasynyń bólim bastyǵy, basqarma bastyǵy (1997-1999); Saryaǵash aýdany Іshki ister basqarmasy polıtsııa bóliminiń bastyǵy (1999-2001); Shymkent qalasy 1-polıtsııa bóliminiń bastyǵy (2001-2003); Aqmola oblysy BІІB bastyǵynyń orynbasary (2003-2005); Batys Qazaqstan oblysy ІІD bastyǵynyń birinshi orynbasary (2005-2007); Batys Qazaqstan oblysy ІІD-niń bastyǵy (2007-2009); Qazaqstan Respýblıkasy Іshki ister mınıstrligi Ákimshilik polıtsııa komıtetiniń tóraǵasy (2009-2011); Qazaqstan Respýblıkasy Іshki ister mınıstrligi Kóshi-qon polıtsııasy komıteti tóraǵasynyń orynbasary (2011-2012); Pavlodar oblysy Ekonomıkalyq qylmysqa jáne sybaılas jemqorlyqqa qarsy kúres (Qarjy polıtsııasy) departamentiniń bastyǵy (2012-2014); QR Іshki ister mınıstriniń keńesshisi (2014-2017); QR Іshki ister mınıstrligi Kóshi-qon qyzmeti komıtetiniń tóraǵasy (2017-2022 jj.); Túrkistan oblysy polıtsııa departamentiniń bastyǵy (2022-2026).

Qazirgi laýazymyn 2026 jylǵy qańtardan beri atqaryp keledi.

Arman MÝHATOV, «Biryńǵaı jınaqtaýshy zeınetaqy qory» aktsıonerlik qoǵamy Basqarmasynyń múshesi, Basqarýshy dırektory

1970 jyly dúnıege kelgen. Almaty energetıka ınstıtýtyn «Ónerkásiptik qondyrǵylar men tehnologııalyq keshenderdi avtomattandyrý» (1992); jáne Halyqaralyq bıznes ýnıversıtetin «Ómirdi saqtandyrý jáne aktýarlyq esepteýler» (2003) mamandyǵy boıynsha bitirgen.

Eńbek joly: Qazaq aýyl sharýashylyǵy ınstıtýtynda elektrotehnıka kafedrasynyń assıstenti (1992); «Aktsept» ShK kommertsııalyq dırektory (1992-1993); «Fırma Aktsept» JShS kommertsııalyq dırektory (1993-1995); «Aktsept-Elektronıka» JShK dırektory (1995-1996); «Aktsept-Elektronıka» JSAQ departament dırektory (1996-1997); «Aktsept Fresh» JShS dırektory (1997-1999); «Pana Inshýrans» Saqtandyrý kompanııasy» JAQ prezıdenti (1999-2005); «Pana Inshýrans» Saqtandyrý kompanııasy» AQ Basqarma tóraǵasynyń qarjylyq máseleler jónindegi orynbasary (2005-2007); «Lancaster Securities» AQ Dırektorlar keńesiniń múshesi, táýelsiz dırektory (2009-2011); «Syrymbet» AQ Dırektorlar keńesiniń múshesi, táýelsiz dırektory (2010-2013); «Qazaqmys» saqtandyrý kompanııasy» AQ Basqarma tóraǵasynyń orynbasary (2013-2015); «Qazınvestbank» AQ Dırektorlar keńesiniń múshesi, táýelsiz dırektory (2013-2016); «Qazaqstan ıpotekalyq kompanııasy» IU AQ Basqarma tóraǵasynyń keńesshisi, basqarýshy dırektory (2018-2021).

Hasen ÓZDENBAEV, jazýshy, aýdarmashy, Qazaq KSR eńbek sińirgen mádenıet qyzmetkeri

1904 jyly Qostanaı oblysynda dúnıege kelgen. Orynborda muǵalimder daıarlaý kýrsyn (Ahmet Baıtursynuly, Mirjaqyp Dýlatovtardyń dárisine qatysqan), Máskeýde oblystyq gazet redaktorlaryn daıarlaý kýrsyn, Qostanaı muǵalimder ınstıtýtyn bitirgen.

1920-1928 jyldary keńes zań organdarynda qymet istedi, 1928-1973 jyldary baspalardyń redaktory boldy. Ádebı qyzmetin 1929-1930 jyldary bastady. 1937 jyldyń kókteminde Shyǵys Qazaqstan óńirinde shyǵyp turǵan gazetke redaktor, bir jyldan soń partııalyq baspanyń bas redaktory boldy. Al sodan jarty jyl ótkende halyq jaýy retinde partııa qatarynan shyǵaryp, kontrrevolıýtsııalyq qyzmeti úshin qamaýǵa alady. Basqa da túrli aıyptaýlar taǵylyp, 1938 jyly sottalyp, 1941 jylǵa deıin túrmede otyryp shyqty. Ol sottalyp shyqqannan keıin uzaq jyldar boıy QazTAG aqparat agenttiginde (qazirgi «QazAqparat» HAA, bıyl agenttikke 102 jyl tolyp otyr) qyzmet etti.

Qostanaı okrýgtik «Aýyl» gazetinde feletondary, ocherkteri jarııalandy. M. Alekseevtiń «Bolshevıkter», M. Sholohovtyń «Kóterilgen tyń», «Tynyq Don», I. Goncharovtyń «Oblomov», O. Balzaktyń «Shegiren bylǵary» romandaryn, P. Merımeniń, I. Vazovtyń áńgimelerin qazaqshaǵa aýdardy. Ǵ. Mustafınniń «Daýyldan keıin» romanyn N. Kýzmınmen birge qazaq tilininen orysshaǵa aýdardy, A. Muhtardyń «Apaly-sińliler» romanyn ózbeksheden, Á. Enıkıdiń «Aıtylmaı qalǵan ósıet» povesin tatarshadan tikeleı qazaqshalady. «Eńbek ardageri», «Eńbektegi erligi úshin» medaldarymen, Qazaq KSR Joǵarǵy Keńesiniń Qurmet gramotasymen marapattalǵan.