24 qazanda elimizdiń qaı avtojoldarynda kólik qozǵalysyna shekteý engizildi
ASTANA. KAZINFORM — «QazAvtoJol» ulttyq kompanııasy Qazaqstannyń avtojoldaryndaǵy ahýal týraly málimet berdi, dep habarlaıdy Kazinform agenttiginiń tilshisi.
24 qazan kúni saǵat 08:00–degi jaǵdaı boıynsha, atalǵan jol ýchaskelerinde kólik qozǵalysyna shekteý engizilgen.
Shyǵys Qazaqstan oblysy
Qolaısyz aýa raıyna (qar jaýyp, kóktaıǵaqtyń paıda bolýyna) baılanysty respýblıkalyq mańyzy bar kelesi avtojol ýchaskelerinde jazǵy shınalarmen jabdyqtalǵan kóliktiń barlyq túriniń qozǵalysyna shekteý engizildi:
— «Almaty — Taldyqorǵan — Óskemen — Shemonaıha — RF shekarasy» avtojolynyń 1089-1191-shaqyrym aralyǵy (Óskemen qalasy — Shemonaıha qalasy);
— «Almaty — Taldyqorǵan — Óskemen — Shemonaıha — RF shekarasy» avtojolynyń 1194-1212-shaqyrym aralyǵy (Shemonaıha qalasy — RF shekarasy).
Sonymen qatar kelesi avtojol ýchaskesinde júk kólikteri men jazǵy shınalarmen jabdyqtalǵan avtokólikterdiń qozǵalysyna shekteý qoıyldy:
— «Óskemen — Altaı — Úlken Naryn — Katonqaraǵaı — Rahman qaınary» avtojolynyń 7-166-shaqyrym aralyǵy (Ýshanovo aýyly — Altaı qalasy).
Soltústik Qazaqstan oblysy
Kópirdi jóndeýge baılanysty KAZ 13 «Jezqazǵan — Arqalyq — Petropavl» avtojolynyń 875-shaqyrymynda (Pokrovskıı kópiri mańynda) júk kólikteriniń qozǵalysyna shekteý qoıyldy.
Qosymsha baǵyttar:
— KZ15-04 «Roşınskoe — Korneevka — Voloshınka» avtojoly, 46-86,87-shaqyrymdar;
— KZ15-05 «Voloshınka — Sergeevka — Tımırıazevo» avtojoly, 0-56-shaqyrymdar;
— KAZ-13 «Jezqazǵan — Arqalyq — Petropavl» avtojoly, 876-946-shaqyrymdar;
— KT-29 «Pokrovka — Korneevka — Gornoe» avtojoly, 34-0-shaqyrymdar.
Eske sala keteıik, buǵan deıin ShQO men Qaraǵandy oblysyndaǵy avtojoldarda kólik qozǵalysyna shekteý qoıylǵany habarlanǵan bolatyn.
