24 qazan. Tulǵalar týǵan kún
Búgin, 24 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
56 jyl buryn (1968) QR Іshki ister mınıstri Erjan Saparbekuly SÁDENOV dúnıege kelgen.
Shyǵys Qazaqstan oblysynda týǵan. 1993 jyly S. Amanjolov atyndaǵy Shyǵys Qazaqstan memlekettik ýnıversıtetin, 1998 jyly QR Ulttyq qaýipsizdik komıteti Qaraǵandy joǵary mektebin bitirgen.
Eńbek joly: Іshki ister organdarynda 1993 jylǵy shildeden bastap orta jáne aǵa basqarýshy quramnyń ártúrli jedel laýazymdarynda qyzmet atqarǵan. Basshylyq laýazymdardaǵy tájirıbesi mol. Ár jyldary Rıdder, Óskemen qalalary polıtsııa basqarmalarynyń, Shyǵys Qazaqstan oblysy Polıtsııa departamentiniń Esirtki bıznesine qarsy kúres basqarmasynyń bastyǵy, Mańǵystaý oblysynyń Polıtsııa departamenti bastyǵynyń birinshi orynbasary, ІІM Jedel departament bastyǵy, Kóliktegi Polıtsııa departamentiniń bastyǵy bolyp qyzmet etti. 2016 jylǵy maýsymnan bastap QR Іshki ister mınıstrligi Aqmola oblysynyń Polıtsııa departamentiniń bastyǵy laýazymyn atqardy. 2019-2022 jyldary Astana qalasy polıtsııa departamentiniń basshysy qyzmetin atqaryp, 2022 jyly QR Іshki ister mınıstriniń orynbasary qyzmetine taǵaıyndaldy.
2023 jyldyń qyrkúıek aıynan bastap qazirgi qyzmetinde.
ІІ dárejeli «Aıbyn» ordeni, «Qazaqstan Respýblıkasyna 20 jyl», «Qazaqstan konstıtýtsııasyna 20 jyl», «Qazaqstan Respýblıkasynyń táýelsizdigine 25 jyl» medaldarymen marapattalǵan.
47 jyl buryn (1977) Qaraǵandy oblysy Temirtaý qalasynyń prokýrory Arman Naımanbaıuly OMAROV dúnıege keldi.
Almaty oblysynda dúnıege kelgen. Qazaq memlekettik zań ýnıversıtetin «Quqyqtaný» mamandyǵy boıynsha támamdaǵan.
Prokýratýra organdaryndaǵy qyzmetin 1999 jyly Almaty oblysy prokýratýrasynyń Kerbulaq aýdany prokýrorynyń kómekshisi laýazymynan bastaǵan.
Ár jyldary Almaty oblysy prokýratýrasynyń azamattyq jáne ákimshilik ister boıynsha sot qaýlylary men atqarýshylyq is júrgizýdiń zańdylyǵyn qadaǵalaý basqarmasy bastyǵynyń orynbasary, oblys prokýrorynyń atqarýshylyq is júrgizý jónindegi kómekshisi, Taldyqorǵan qalasy prokýrorynyń kómekshisi, Taldyqorǵan qalasy prokýratýrasynyń sottarda qylmystyq isterdi qaraýdyń zańdylyǵyn qadaǵalaý bóliminiń basshysy, Almaty oblysy prokýratýrasynyń memleket múddelerin bildirý jónindegi basqarma basshysynyń orynbasary qyzmetterin atqardy. Almaty oblysy Raıymbek aýdanynyń prokýrory bolyp qyzmet etti, al 2016-2022 jyldary Almaty oblysy Uıǵyr aýdanynyń prokýratýrasyn basqardy.
Qazirgi qyzmetin 2022 jyldyń tamyz aıynan beri atqaryp keledi.
45 jyl buryn (1978) Qaraǵandy oblysy prokýrorynyń orynbasary Talǵat Baqytuly MUQAShEV dúnıege keldi.
E.A. Bóketov atyndaǵy Qaraǵandy memlekettik ýnıversıtetin quqyqtaný mamandyǵy boıynsha támamdaǵan.
Eńbek joly: 2000 jyly Qaraǵandy qalasy prokýratýrasynyń sot qaýlylary jáne atqarýshylyq is júrgizý zańdylyǵyn qadaǵalaý bólimi prokýrorynyń m.a., 2000-2001 jyldary Qaraǵandy qalasy Sovet aýdany prokýrorynyń kómekshisi, 2001-2002 jyldary Qaraǵandy qalasy Qazybek bı atyndaǵy aýdan prokýrorynyń kómekshisi, 2002 jyly Qaraǵandy qalasy Qazybek bı atyndaǵy aýdan prokýrorynyń aǵa kómekshisi, 2002-2004 jyldary Qaraǵandy oblysy prokýratýrasynyń qylmystyq ister boıynsha sot qaýlylarynyń zańdylyǵyn qadaǵalaý basqarmasynyń prokýrory, 2004-2007 jyldary Qaraǵandy oblysy Abaı aýdany prokýrorynyń orynbasary qyzmetin atqardy. 2007-2009 jyldary Qaraǵandy qalasy Oktıabr aýdany prokýrorynyń orynbasary, 2009 jyly Qaraǵandy oblysy prokýratýrasy sot aktileriniń zańdylyǵyn qadaǵalaý jáne memleket múddesine ókildik etý basqarmasynyń bastyǵy, 2010-2013 Qaraǵandy oblysy prokýratýrasynyń sotta memlekettik múddelerdi qorǵaý bóliminiń basshysy, 2013-2017 jyldary Qaraǵandy oblysynyń mamandandyrylǵan tabıǵatty qorǵaý prokýrory, 2017-2020 jyldary Qaraǵandy oblysy Abaı aýdanynyń prokýrory boldy.
2020 jyldyń naýryzynan bastap qazirgi qyzmetinde.
38 jyl buryn (1986) QazaqGaz ulttyq kompanııasynyń basqarma tóraǵasy Sanjar Serikbaıuly JARKEShOV dúnıege kelgen.
Qaraǵandy oblysynda týǵan. 1995 jyly Qazaq ekonomıka, qarjy jáne halyqaralyq saýda ýnıversıtetin qarjy mamandyǵy boıynsha, 2010 jyly Ostın qalasyndaǵy Tehas ýnıversıtetin (AQSh) munaı-gaz ınjınırıngi mamandyǵy boıynsha támamadaǵan.
Eńbek joly: 2008-2010 jyldary Ostın qalasynda munaı jáne geojúıe ınjınırıng ortalyǵynda ǵylymı qyzmetker, Kalıfornııa, Kolorado jáne Tehas shtattary (AQSh) boıynsha burǵylaý ınjeneri boldy. 2010-2016 jyldary Irakta burǵylaý boıynsha aǵa ınjener, Sahalın araldarynda burǵylaý boıynsha bas ınjener, Atyraýda ExxonMobile korporatsııasynyń aǵa jobalaýshy ınjeneri qyzmetterin atqardy. 2016-2018 jyldary Kásiptik sýpervaızer bastyǵy, Shotlandııanyń pert qalasynda Merlin ERD kompanııasynda burǵylaýdyń jetekshi ınjeneri boldy. 2018-2019 jyldary McKinsey and Company kompanııasynyń munaı salasyndaǵy jahandyq sarapshysy, 2019-2020 jyldary QR Ekologııa, geologııa jáne tabıǵı resýrstar vıtse-mınıstri, 2020-2022 jyldary Ýkraına «Naftogaz» UAQ ken oryndaryn barlaý jáne óńdeý blogynyń basshysy qyzmetin atqardy.
2022 jyldyń naýryz aıynan beri qazirgi qyzmetinde.
38 jyl buryn (1986) Aqmola oblysy ákiminiń orynbasary Ernar Serikbaıuly JARKEShOV dúnıege keldi.
Qazaq ekonomıka, qarjy jáne halyqaralyq saýda ýnıversıtetin bitirgen. «Bolashaq» baǵdarlamasy boıynsha shetelde bilim alǵan.
Eńbek jolyn taǵylymger retinde QR Prezıdenti Ákimshiligi Memlekettik baqylaý jáne uıymdastyrý-kadr jumysy bóliminde bastaǵan. Sıngapýr Ulttyq Ýnıversıteti Lı Kýan ıÝ atyndaǵy Joǵary memlekettik saıasat mektebinde assıstent-zertteýshi bolyp jumys istedi. 2011-2017 jyldary Ekonomıkalyq zertteýler ınstıtýtynda, Qazaqstandyq memlekettik-jekeshelik áriptestik ortalyǵynda jaýapty laýazymdarda, QR Prezıdenti janyndaǵy Memlekettik basqarý akademııasy Ǵylymı-zertteý ınstıtýty dırektorynyń orynbasary, dırektory, Birikken Ulttar Uıymy Damý Baǵdarlamasynyń Qazaqstandaǵy keńsesinde jobalar portfeliniń jetekshisi bolyp jumys istedi. 2017-2023 jyldary Qazaqstandyq iri jekemenshik konsaltıng kompanııasynyń bas dırektory bolyp, Birikken Arab Ámirlikterinde Ýaıtshıld Partners (Whiteshield Partners) halyqaralyq konsaltıng kompanııasynyń Eýrazııa elderi boıynsha dırektory boldy jáne bızneste basshy qyzmetterdi atqardy. 2024 jyly QR Parlamenti Senaty Tóraǵasynyń shtattan tys keńesshisi laýazymyn atqarǵan.
Qazirgi qyzmetin 2024 jyldyń maýsym aıynan beri atqaryp keledi.
