24 qazan. Týǵan kún ıeleri
ESІMDER
123 jyl buryn (1895-1983) balalar ádebıetiniń negizin salýshylardyń biri Saparǵalı BEGALIN dúnıege kelgen.
Qazirgi Shyǵys Qazaqstan oblysy Degeleń aýylynda týǵan.
1915 jyly Semeı qalasyndaǵy orys-qyrǵyz (qazaq) ýchılışesin bitirgen. 1929 - 1935 jyldary Degeleń oblystyq atqarý komıtetiniń tóraǵasy, Qarqaraly ýezdik atqarý komıtetiniń múshesi, bólim meńgerýshisiniń orynbasary, aýdandyq halyq sýdıasy boldy. Qazaq eginshilik halyq komıssarıatynda, Túrksib basqarmasynda jaýapty jumystar atqardy. 1935-1956 jyldary «Temirjolshy» gazetinde, Qazaq KSR ǴA-nyń Til jáne ádebıet ınstıtýtynda (qazirgi Ádebıet jáne óner ınstıtýty), Qazaqstan Jazýshylar odaǵynda qyzmet etti.
Alǵashqy óleńi - «Qazaq boz-balalaryna» 1914 jyly «Aıqap» jýrnalynda basyldy. «Qyran kegi» (1943), «Tsımlıan teńizi» (1953), «Tańdamaly» (1956), «Syrly qaınar» (1963), taǵy basqa óleńder men poemalar, «Kóksegenniń kórgenderi» (1948), «Ermektiń almasy» (1955, 1985), «Sátjan» (1947), «Jas butaq» (1953), «Jetkinshekter» (1960), «Mektep túlekteri» (1961), «Shoqan asýlary» (1971), «Qyran týraly ańyz» (1976), «Eki tomdyq shyǵarmalar» (1976), taǵy basqa áńgime, povester jınaqtary, «Zamana belesteri» (1975) romany jaryq kórdi.
58 jyl buryn (1960) Astana qalalyq sotynyń tóraǵasy Tilektes Esheıuly BÁRPІBAEV dúnıege keldi.
Almaty oblysy, Jambyl aýdany, Qastek aýylynda dúnıege kelgen.
1981-1986 jyldary S.M. Kırov atyndaǵy Qazaq memlekettik ýnıversıtetinde bilim aldy.
Mamandyǵy boıynsha eńbek jolyn 1986-1987 jyldary Qaskelen qalasyndaǵy ІІB ınspektory bolyp bastady. 1987-1990 jyldary Jambyl aýdandyq ІІB tergeýshisi. 1992-1995 jyldary Jambyl aýdandyq sotynyń sýdıasy. 1995-1999 jyldary Jambyl aýdandyq sotynyń tóraǵasy. 1999-2002 jyldary Almaty oblystyq sotynyń tóraǵasy. 2002-2003 jyldary Almaty qalalyq soty azamattyq ister boıynsha sot alqasynyń tóraǵasy. 2003-2007 jyldary Ońtústik Qazaqstan oblystyq sotynyń tóraǵasy. 2007-2012 jyldary Almaty qalalyq sotynyń tóraǵasy. 2012-2013 jyldary Almaty oblystyq sotynyń tóraǵasy.
Qazirgi qyzmetinde 2013 jylǵy jeltoqsannan beri.
«Qurmet» ordeni (2012), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń táýelsizdigine 20 jyl» (2011) mereıtoılyq medaldarmen jáne Qazaqstan Respýblıkasy Prezıdentiniń alǵys hatymen (2001) marapattalǵan.
56 jyl buryn (1962) Qostanaı oblysy Sarykól aýdanynyń ákimi Amantaı Kákimbekuly BALǴARIN dúnıege keldi.
Qostanaı oblysy Áýlıekól aýdanynnyń Tımofeev poselkesinde dúnıege kelgen. 1981 jyly Qostanaı aýyl sharýashylyq tehnıkýmyn veterınar feldsheri mamandyǵy boıynsha, 2005 jyly Almaty ekonomıka jáne statıstıka akademııasyn esep jáne aýdıt mamandyǵy boıynsha támamdaǵan.
1981 jyldyń naýryz-mamyr aılarynda Semıozer aýdanynyń «Qaımaqkól» keńsharynda veterınarlyq sanıtar bolyp jumys istedi. 1981 jyldyń mamyry men 1983 jyldyń maýsymy Sýhýmı qalasynda Sovet Armııasy qatarynda boryshyn ótedi. 1983 jyldyń shildesinen 1998 jyldyń shildesi aralyǵynda «Qaımaqqól» keńsharynda veterınar dárigeri, kásipodaq komıtetiniń tóraǵasy, «Qaımaqkól» keńsharynyń bas veterınary qyzmetterin atqarady. 1998 jyldyń shildesinen bastap 2004 jyldyń naýryzy aralyǵynda Áýlıekól aýdandyq aýyl sharýashylyq basqarmasynda jetekshi maman, bas maman, bastyqtyń orynbasary, bastyǵy bolyp jumys istedi. 2004 jyldyń naýryzy men 2008 jyldyń qarashasy aralyǵynda «Tımofeevka-Agro» JShS-iniń atqarýshy dırektory boldy. 2008 jyldyń qarashasynan 2010 jyldyń jeltoqsany aralyǵynda Áýlıekól aýdanynyń «Ketebaeva Zaýresh» sharýa qojalyǵyn basqardy. 2010 jyldyń jeltoqsany men 2011 jyldyń sáýiri aralyǵynda «Qostanaı oblysy ákimdigi aýyl sharýashylyǵy basqarmasy» MM bastyǵynyń orynbasary, 2011 jyldyń sáýiri men qarashasy aralyǵynda Aýyl sharýshylylyǵy basqarmasynyń bastyǵy bolyp jumys istedi. 2011 jyly Naýryzym aýdanynyń ákimi bolyp taǵaıyndaldy. 2013-2016 jyldary Áýlıekól aýdanynyń ákimi; Arqalyq qalasynyń ákimi (2016-2018).
Qazirgi laýazymyn atqarýǵa 2018 jyldyń shildesinde kiristi.
54 jyl buryn (1964) Qazaqstan Respýblıkasynyń ınvestıtsııalar jáne damý vıtse-mınıstri Qaıyrbek Aıtbaıuly ÓSKENBAEV dúnıege kelgen.
KSRO Іshki ister mınıstrliginiń Qaraǵandy Joǵary mektebin, L.N. Gýmılev atyndaǵy Eýrazııa ulttyq ýnıversıtetiniń Dıplomatııalyq akademııasyn bitirgen. Ekonomıka ǵylymdarynyń kandıdaty.
Indýstrııa jáne saýda, týrızm jáne sport mınıstrlikterinde basshylyq qyzmetter atqardy. 2007-2011 jyldary QR Týrızm jáne sport vıtse-mınıstri, 2013-2014 jyldary Óńirlik damý mınıstriniń birinshi orynbasary, 2014 jyldyń tamyz aıynan 2016 jyldyń mamyr aıyna deıin QR Ulttyq ekonomıka mınıstriniń orynbasary; «Báıterek» Ulttyq basqarýshy holdıngi» AQ basqarýshy dırektory (2016-2018).
Qazirgi laýazymyn atqarýǵa 2018 jyldyń qańtarynda kiristi.
«Astana», «Qazaqstan Respýblıkasy Táýelsizdiginiń 10 jyldyǵyna oraı» medaldarymen marapattalǵan.
42 jyl buryn (1976) Qazaqstan Respýblıkasy Prezıdenti Іs basqarmasynyń apparat basshysy Azamat Halımedenuly ÁMІRǴALIEV dúnıege kelgen.
Ol Almaty qalasynda týǵan.1998 jyly Qazaq quqyqtaný jáne halyqaralyq qatynastar ınstıtýtyn «zańger - halyqaralyq quqyqtaný» mamandyǵy boıynsha bitirgen.
Eńbek joly: Qazaqstan Respýblıkasy Ádilet mınıstrliginiń bas mamany, bólim bastyǵy, dırektor orynbasary, dırektor, komıtet tóraǵasynyń orynbasary (1998 - 2006); Qazaqstan Respýblıkasy Parlamenti Májilisiniń zańnama bólimi meńgerýshisiniń orynbasary (2006 - 2009); «Alıans Bank» AQ korporatıvtik hatshysy (2009 - 2011); Qazaqstan Respýblıkasy Prezıdenti Іs Basqarmasy zań bóliminiń meńgerýshisi (2011 - 2017).
Qazirgi laýazymyn 2017 jyldyń qańtar aıynan beri atqaryp keledi.
«Eren eńbegi úshin» medalimen marapattalǵan.
525 jyl buryn (1493-1541) dáriger jáne alhımık, zamanaýı medıtsına ǵylymynyń negizin salýshylardyń biri PARATsELЬS (Fılıp Aýreol Teofrast Bombast fon Gogengeım) dúnıege keldi.
386 jyl buryn (1632) Nıderland natýralısi, mıkroskop jasaýshy, ǵylymı mıkroskopııanyń negizin salýshy Antonı van LEVENGÝK dúnıege keldi.