24 qazan kúni elordada ótetin mańyzdy sharalar ańdatpasy
Kazinform halyqaralyq aqparat agenttigi 24 qazan kúni Astanada ótetin mádenı jáne qoǵamdyq mańyzdy sharalar ańdatpasyn usynady.
9.00-de Hilton Astana qonaq úıinde Alǵashqy medıtsınalyq-sanıtarııalyq kómek jónindegi Almaty deklaratsııasynyń qabyldanýynyń 45 jyldyǵyna jáne Astana deklaratsııasy qabyldanýynyń 5 jyldyǵyna arnalǵan halyqaralyq konferentsııanyń ekinshi kúni ótedi.
11.00-de Astana qalasy Kommýnıkatsııalar qyzmetinde «Medıtsınalyq týrızm» týraly onlaın brıfıng ótedi. Spıker: «Astana damý ortalyǵy» JShS medıtsınalyq týrızmdi damytý jónindegi basqarýshy dırektory Darına Demıan.
Onlaın baspasóz konferentsııasy Astana qalasy kommýnıkatsııalar qyzmetiniń Fasebook paraqshasynda tikeleı efırde ótedi.
11.00-de Qazaqstan ortalyq kontsert zalynda Respýblıka kúnine oraılastyrylǵan saltanatty is-shara ótedi. Onda elimizdiń týrızm jáne sport salasyna eleýli úles qosqan qyzmetkerler men ardagerler Memlekettik nagradalar, QR Premer-Mınıstriniń qurmet gramotasy jáne vedomstvalyq tós belgilermen marapattalady.
12.00-de ál-Farabı atyndaǵy oqýshylar saraıynda Respýblıka kúnine oraı bilim salasynyń qyzmetkerlerine qurmet kórsetý rásimi ótedi.
12.00-de QR Prezıdenti janyndaǵy Ortalyq kommýnıkatsııalar qyzmetinde «24 qazan - Kitaphanashylar kúni» atty baspasóz máslıhaty ótedi.
Spıkerler: QR Mádenıet jáne aqparat mınıstrliginiń arhıv, qujattama jáne kitap isi komıtetiniń tóraǵasy Borash Qýat Qaharmanuly; QR Ulttyq akademııalyq kitaphanasy kitap saqtaý qyzmetiniń ǵylym, sırek kitaptar jáne manýskrıpter sektorynyń jetekshisi Daýrenbekova Darıǵa Asqarqyzy.
Kórsetilim siltemeleri: youtube, facebook.
14.30-da Mega Silk Way saýda-oıyn-saýyq ortalyǵynda Nazarbaev zııatkerlik mektebiniń oqýshylary Respýblıka kúni qarsańynda fleshmob ótkizedi.
19.00-de Jastar teatrynda «Ómir-ǵaıyp» melodramasy sahnalanady.
19.00-de Jas kórermenderdiń mýzykalyq teatrynda «Abaı-Toǵjan» mýzykalyq dramasy qoıylady.
19.00-de «Naz» memlekettik bı teatrynyń ǵımartynda Respýblıka kúnine oraı «Respýblıkam Qazaqstan» atty kontserttik baǵdarlamasy ótedi.
