24 qazan - «Baıqońyr» ǵarysh aılaǵynda qaza tapqan synaqshylardy eske alý kúni

ASTANA. 24 qazan. QazAqparat - Búgin «Baıqońyr» ǵarysh aılaǵynda qaza tapqan synaqshylardy eske alý kúni. 1955 jyldyń 12 aqpanynda KSRO Úkimeti «Baıqońyr» ǵarysh aılaǵyn salý týraly sheshim qabyldady.  

1960 jyldyń 24 qazanynda M.ıAngel qurastyrǵan R-16 atty jańa kontınentaralyq ballıstıkalyq zymyran synaq barysynda apatqa ushyrady. Apat elektrlik synaq júrgizý sátinde janarmaımen jabdyqtalǵan zymyrannyń 2-inshi satydaǵy qozǵaltqyshynyń júıege ruqsatsyz qosylyp ketýinen boldy. Saldarynan órtten jáne janarmaıdan ýlanǵan 76 áskerı qyzmetker men ónerkásip ókilderi opat boldy. Olardyń arasynda artıllerııanyń bas marshaly M.Nedelın, polıgonnyń synaq jetekshileri polkovnıkter A.Nosov pen E.Ostashev bar. Búginde olardyń esimderi Baıqońyr qalasyndaǵy kóshelerge berilgen.

Jyl saıyn qazan aıynyń 24-shi juldyzy «Baıqońyr» ǵarysh aılaǵynda qaza tapqan synaqshylardy eske alý kúni retinde atap ótiledi.