24 qazaqstandyq Tájikstannan oraldy

NUR-SULTAN. QazAqparat –Tájikstannan Qazaqstannyń 24 azamaty elge oraldy, dep habarlaıdy QazAqparat www.coronavirus2020.kz saıtyna silteme jasap.

Bizdiń azamattarymyzdy shet elderden qaıtarý jónindegi sharalar aıasynda, Qazaqstan Respýblıkasy Qorǵanys mınıstrligi men Syrtqy ister mınıstrliginiń, sondaı-aq Tájikstannyń memlekettik organdarynyń birlesken kúsh-jigerimen ú.j. 28 naýryzda osy memleketten bizdiń otandastarymyz elge shyǵaryldy.

Qazaqstannyń Áskerı-áýe kúshteriniń áskerı-kólik avıatsııasynyń qoldaýymen 24 QR azamaty elge aman-esen shyǵaryldy. Bul azamattar Tájikstan aýmaǵynda bolǵan jáne tájik bıligi qatań shekteý sharalaryn engizgennen keıin shyǵa almaı qalǵan.

Osy bort arqyly Tájikstannyń 23 azamaty óz otanyna oraldy.