24 qarashadan bastap tutynýshylyq nesıe alý qıyndaıdy

ASTANA. KAZINFORM – Elimizde kepilsiz tutynýshylyq nesıe alý qıyndaıdy. Qarjy naryǵyn retteý jáne damytý agenttigi bekitken bul qaýly 24 qarashadan bastap kúshine enedi. 

Munda bank nesıesin 30 kúnnen, al mıkronesıeni 1 kúnnen asa ýaqytqa keshiktirse jańa nesıe alý qıyndaıtyny jazylǵan. Qarjy sarapshysy Merýert Qýanyshbekqyzy jańa erejeniń qoǵamǵa qalaı yqpal etetinin aıtyp berdi.

Sarapshynyń aıtýynsha, buryn bızneske, kólikke, úıge arnalǵan resmı nesıe men tutynýshylyq nesıe múldem bólek boldy. Bankterdiń jeke tulǵalarǵa arnalǵan skorıng júıesinde tutynýshylyq nesıe kórinbeıtin.

– ıAǵnı adamnyń jalaqysy 500 myń teńge bolsa, resmı nesıesi 150 myń teńge dep kórsetiledi de, 250 myń teńge tutynýshylyq nesıesi kórinbeıtin edi. Sonda 400 myń teńgesi nesıege ketip, ózine az qarajat qalatyn. Sol sebepti qazir eki nesıe túrin qosyp, bir júıege engizýi óte durys, – dedi M. Qýanyshbekqyzy Jibek Joly telearnasyndaǵy «BÚGІN. Live» baǵdarlamasynda.

Qoǵam úshin bul sheshim paıdaly bolǵanymen, satýmen aınalysatyn kásipkerler úshin tıimsiz, sebebi olardyń taýarlary satylmaı qalýy múmkin.

– Qazir taýarlardyń kópshiligi bólip tóleý ádisimen alynatyny jasyryn emes. Bólip tóleý dep atalǵanymen, bul da nesıeniń bir túri. Ondaǵy jasyryn paıyzyn bankke kásipkerdiń ózi tóleıdi nemese kásipker sol shyǵyndy taýardyń qunyna qosyp qoıady, – deıdi baǵdarlama qonaǵy.

Mamannyń pikirinshe, Qazaqstanda nesıesiz ómir súrýge bolady. Ol úshin qarjylyq jospar quryp, ımpýlsıvti saýda jasamaı, marketıng qurbany bolmaı, qosymsha tabys kózin kóbeıtýge tyrysý kerek.

– Shetelde kerisinshe, tutynýshylyq nesıe az. Bıznes úshin alynǵan nesıeler kóp. Qazir nesıesin tóleı almaı júrgen azamattardyń 90 paıyzy – kepilsiz nesıe alǵandar. Bul jerde syn-qater deńgeıin boljaı almaǵan, klıenttiń tólem qabiletin, jalaqysyn teksermegen bankter de kináli. Sóıte tura, boryshkerdiń múlkin alyp qoıyp, esepshottaryn buǵattaıdy, kásibin dóńgeletip áketýge múmkindik bermeıdi. Sondyqtan kepilsiz nesıeni azaıtyp, shekteýler engizý qoǵamdaǵy qaryz júktemesin azaıtady, – dedi M. Qýanyshbekqyzy. 

Aıta keteıik, bıylǵy 9 aıda kepilsiz tutynýshylyq kredıtter eki eseden astamǵa azaıdy.

Azamattardyń kredıtterin kollektorlarǵa satýǵa moratorıı 2027 jylǵy 1 mamyrǵa deıin uzartylmaq.