24 qarashada el aýmaqtarynda tuman men kúshti jel kútiledi
ASTANA. QazAqparat - 24 qarasha kúni antıtsıklonnyń yqpalymen Qazaqstannyń basym bóliginde jaýyn-shashynsyz aýa raıy kútiledi, tek batysta, soltústik-batysta jáne ońtústikte jaýyn-shashyn jaýady. Respýblıkanyń keı jerlerinde tuman bolyp, jel kóteriledi, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Almaty oblysynyń Jalańashkól aýdanynda jeldiń jyldamdyǵy - 15-20 m/s-qa, ekpini 25 m/s-qa jetýi yqtımal.
Jambyl, Qostanaı, Qaraǵandy, Shyǵys Qazaqstan oblystarynyń keı jerlerinde tuman kútiledi, jel 15-20 m/s kúsheıedi.
Ońtústik Qazaqstan, kúndiz Qyzylorda oblystarynda jeldiń jyldamdyǵy 15-20 m/s artady.
Mańǵystaý, Batys Qazaqstan, Soltústik Qazaqstan, túnde Pavlodar, túnde jáne tańerteń Atyraý oblystarynyń keı jerlerinde tuman kútiledi.
