24 qarashada Astanada «Kaztraffic-2022» halyqaralyq kórmesi ashylady
Eki kún bolatyn «Kaztraffic-2022» halyqaralyq kórmesi ǵylymı-tehnıkalyq baǵyt, IT-ındýstrııa, avıatsııa, agrarlyq sektor, ónerkásip óndirisiniń barlyq túrleri, óndirýshi keshen, qurylys jáne turǵyn úı-kommýnaldyq sharýashylyq ókilderiniń maqsattary men múddelerin biriktiredi.
«Kaztraffic-2022» pavılondarynda jol-qurylys tehnıkasynyń, jańa materıaldardyń, jabdyqtar men aspaptardyń prezentatsııasy ótedi. Ol jaqyn bolashaqta jol qurylysy men kólik ınfraqurylymyn ornatý týraly ádettegi túsinikti kúrt ózgertedi. Qazaqstan, AQSh, Ýkraına, Reseı, Belarýs, Germanııa, Frantsııa kásiporyndary jol qurylysy, joldardy jóndeý jáne kútip ustaý salasyndaǵy ózderiniń úzdik ázirlemelerin usynady. Ystambul qalasyndaǵy Bosphorus EXPO kórmesiniń seriktesi uıymdastyrǵan Túrkııa ekspozıtsııasy bólek usynylady. Kórme aıasynda bos jumys oryn jármeńkesi de ótedi. Bul eń jaqsy jumys usynysyn tabýǵa biregeı múmkindik.
«Kaztraffic-2022» mańyzdy iskerlik baǵdarlamasy derbes kelissózder, sondaı-aq «Avtojol salasyn damytý perspektıvalary» konferentsııasy formatyndaǵy kezdesýler múmkindigin qarastyrady, onda ár adam QR IIDM AJK, «Qazavtojol» UK AQ, «Jol aktıvteriniń ulttyq sapa ortalyǵy» RMK, QazjolǴZI AQ qoldanystaǵy jáne josparlanyp otyrǵan jobalary týraly tolyq aqparat ala alady.
Osy jáne olarǵa baǵynysty vedomstvolyq uıymdardyń aǵymdaǵy qyzmeti men qol jetkizilgen jumys nátıjeleri týraly «Kaztraffic-2022» plenarlyq sessııalaryndaǵy sóılegen sózder men prezentatsııa formatynda tolyq aqparat usynylady.
Іs-sharany turaqty uıymdastyrýshylardyń biri – «Qazaqstan jol ǵylymı-zertteý ınstıtýty» AQ. Jarty ǵasyrdan astam tarıhynda óziniń ǵylymı-tehnıkalyq qyzmetinde orasan zor tájirıbe men nátıje jınaqtaı otyryp, ınstıtýt búginde negizgi ulttyq jobalardy iske asyrýǵa belsendi qatysyp jatyr.
Indýstrııa mınıstrliginiń Jol aktıvteriniń ulttyq sapa ortalyǵy avtomobıl joldaryn salý, jóndeý jáne paıdalaný sapasyn baqylaýdy qamtamasyz etedi. Búgingi tańda Sapa ortalyǵy kásiporynnyń barlyq bıznes-protsesteriniń joǵary tıimdiligi men ashyqtyǵyn qamtamasyz etý úshin tsıfrlandyrý elementterin belsendi engizýde.
«QazAvtoJol» UK» AQ avtomobıl joldarynyń ulttyq operatoryna keletin bolsaq, onyń mıssııasy men saıasaty avtomobıl joldary jelisin qaýipsiz jáne yńǵaıly paıdalaný úshin únemi jaǵdaı jaqsartýǵa baǵyttalǵan.
Aıta keteıik, is-sharaǵa qatysý tegin. Tek uıymdastyrýshynyń saıtynda tirkelip, shaqyrý bıletin alý qajet. Barlyq múddeli jýrnalıster men blogerler oqıǵany qandaı da bir shekteýsiz jazyp alyp, túsirilim júrgizip, suhbat ala alady jáne kez kelgen qoljetimdi resýrstar men alańdarda aqparat jarııalaı alady.
