24 qarasha - mańyzdy oqıǵalar kúntizbesi

Tańǵy saǵat 9:00-de QR Ulttyq mýzeıinde «Alash» qozǵalysynyń 100-jyldyǵyna arnalǵan «Alash - Qazaqstannyń ulttyq birlik ıdeıasy» atty halyqaralyq konferentsııa bastalady.

Týra osy ýaqytta Astanadaǵy «Wyndham Garden Astana» qonaqúıinde «Kreatıvti Ortalyq Azııa» forýmy uıymdastyrylady. Oǵan Qazaqstan, Qyrǵyzstan men Ózbekstannyń mamandary qatysady. Shara aıasynda Ulybrıtanııa sarapshylary da óz oılaryn ortaǵa salmaq. Negizgi maqsat - Ortalyq Azııada kreatıavti ekonomıkany, kreatıvti mádenıetti qalyptastyrý.

9:30-da «Rixos President» qonaq úıinde «KASE day in Astana» atty shara ótedi. Tańǵy astyń ústinde bırja basshylyǵy qazaqstandyq qor naryǵynyń damý bolashaǵyn baıandap beredi. Budan bólek, KASE-tiń jańa jobalary, bıznes úshin jasalatyn jańa múmkindikter jaıy sóz bolmaq.

Tańǵy 9:30-da «Rıtts Karlton» otelinde de úlken shara uıymdastyrylady. Halyqaralyq konferentsııanyń taqyryby - «Qazaqstan Respýblıkasyndaǵy sot bıliginiń táýelsizdigi jáne osy saladaǵy negizgi máseleler».

10:00-de QR Parlament Májilisinde «Qazaqstan Respýblıkasynyń eldi mekenderin sapaly aýyz sýymen qamtamasyz etýdiń ózekti máseleleri» taqyrybynda parlamenttik tyńdaýlar ótedi.

QR Joǵarǵy sotta Sot tóreligi akademııasy dıspýt-trıbýna ótkizbekshi. Atalǵan shara da 10:00-de bastalady.

Týra osy ýaqytta «QazJol» qonaq úıinde «Qazaqstan Respýblıkasyndaǵy balalar quqyqtaryn qorǵaý salasyn táýelsiz baqylaý men taldaý» atty «dóńgelek ústeldiń» otyrysy ótedi. Atalǵan sharaǵa barlyq quziretti memlekettik organdar qatysady.

10:45-te QR Din isteri jáne azamattyq qoǵam mınıstri Nurlan Ermekbaev dıplomatııalyq korpýs úshin arnaıy baspasóz máslıhatyn ótkizedi. Sol jerde ol din salasyndaǵy zań jobasy jaıynda keńinen baıandap beredi.

Al QR Mádenıet jáne sport vıtse-mınıstri Aqtoty Raıymqulova EKSPO-2017 kórmesi aıasynda uıymdastyrylǵan mádenı sharalar boıynsha esep bermekshi. Onyń baspasóz máslıhaty 11:00-ge josparlanǵan.

15:00-de Ortalyq kommýnıkatsııalar qyzmetinde «Tabıǵı monopolııalardy retteý men básekelestikti qorǵaý» taqyrybyna arnalǵan baspasóz máslıhaty uıymdastyrylady. Oǵan QR Ulttyq ekonomıka mınıstrliginiń ókilderi qatysady. Osy sharadan keıin QR Aýyl sharýashylyǵy mınıstrligi veterınarlyq jáne fıtosanıtarlyq baqylaý sharalary boıynsha esep bermek.

16:00-de Astana qalalyq máslıhatynda ýchaskelik ınspektorlardyń jumysy boıynsha tyńdaýlar ótedi. Sol jerde qoǵamdyq tártipti saqtaý men qoǵamdyq qaýipsizdik máseleleri de talqyǵa salynady.

16:45-te QR Prezıdenti janyndaǵy Memlekettik basqarý akademııasynda qoǵamdyq kelisim men birlikke arnalǵan respýblıkalyq ǵylymı konkýrstyń jeńimpazdary marapattalady.

Al keshki saǵat 17:00-de «Jastar» saraıynda Halyqaralyq jemqorlyqpen kúres kúnine arnalǵan saltanatty shara uıymdastyrylady.

El aımaqtarynda da birqatar sharalar ótedi. Máselen, Manash Qozybaev atyndaǵy Soltústik Qazaqstan memlekettik ýnıversıtetinde elimizdiń basqa da joǵary oqý oryndarymen telekópir uıymdastyrý josparlanǵan. Negizgi maqsat - akademııalyq ádildik prıntsıpterin nasıhattaý. Oblystyq kásipkerler palatasy isker áıelder konferentsııasyn ótkizedi. Al Dostyq úıinde káristerdi Qazaqstanǵa deportatsııalaýdyń 80-jyldyǵyna arnalǵan ǵylymı-tájirıbelik konferentsııa uıymdastyrylady.

Al Aqtaý qalasynda «Talas» pen «Embi» býksırlerin saltanatty qabyldaý sharasy ótedi. Atalǵan býksırler «Qazteńiztransflottyń» tapsyrysy boıynsha Gollandııada jasalǵan bolatyn. Úshinshi býksır kelesi jylda jetkizilmekshi.

Shymkent qalasynda Ońtústik Qazaqstan oblystyq kásipkerler palatasynyń Sybaılas jemqorlyqqa qarsy kúres keńesiniń kezekti otyrysy ótedi. Ol jerde memlekettik satyp alýlar salasyndaǵy ákimshilik kedergiler máselesi kóteriledi. Oblys ákimi Janseıit Túımebaev Saıram aýdanyna sapar jasaıdy.

Al Batys Qazaqstan oblysyna QR Eńbek jáne halyqty áleýmettik qorǵaý mınıstri Tamara Dúısenova keledi degen jospar bar. Aqtóbe oblystyq tilderdi damytý basqarmasynyń uıymdastyrýymen «Táýelsizdik - jyr-ánim» atty óner festıvali ótedi. Festıvaldiń maqsaty - «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen mindetterdi júzege asyrý, óskeleń urpaqtyń Otanǵa, týǵan jerge, tilge, qazaq halqynyń rýhanı murasyna degen súıispenshiligin arttyryp, patrıotızmge tárbıeleý, elimizdiń rýhanı qundylyǵy - tól ónerimizdi nasıhattaý. Aqtóbe qalasynyń bas josparyna sáıkes qoǵamdyq tyńdaý da ótedi. Oǵan Aqtóbe qalasynyń ákimi Іlııas Espanov, máslıhat depýtattary men qoǵamdyq uıym ókilderi qatysady. Aqtóbe aglomıratsııasy aıasynda atqarylatyn jańa jobalar tanystyrylady.

Al Kókshetaýda alǵash ret Ákeler forýmy uıymdastyrylady.