24 qańtarǵa arnalǵan aýa raıy boljamy - Qazgıdromet
ASTANA. QazAqparat - 24 qańtar, senbi kúni elimizdiń birqatar óńirleri antıtsıklonnyń yqpalynda bolady. Sonyń áserinen aıaz kúsheıedi, dep habarlaıdy Qazgıdromet. Respýblıkanyń tek ońtústik, ońtústik-shyǵys, shyǵys óńirlerinde ǵana aýa raıynyń túraqsyzdyǵy saqtalady, boran soǵyp, kóktaıǵaq bolady.
Jambyl oblysynyń keı óńirlerinde tuman, kóktaıǵaq bolady, jeldiń kúshi 15-20 m/s. Ońtústik Qazaqstanda kóktaıǵaq bolyp, tuman túsýi yqtımal, boran soǵady. Almaty, Atyraý oblystarynda da tuman túsip, kóktaıǵaq bolady. Qyzylorda, Mańǵystaý, Qostanaı, Soltústik Qazaqstan oblystarynda tuman bolady. Qaraǵandy oblysynda túnde boran soǵady. Shyǵys Qazaqstan oblysynyń birqatar óńirlerinde boran bolyp, jeldiń kúshi 15-20 m/s bolady.
«Temperatýranyń anaǵurlym tómendeýi respýblıkanyń soltústik bóliginde kútiledi, onda túngi temperatýra keı jerlerde 40-43º aıazǵa deıin tómendeıdi. Ońtústik oblystarda da sýyq, túnde keı jerlerde 25-30º, shetki ońtústikte 13-20º aıaz bolady, ol klımattyq normadan anaǵurlym tómen», - dep jazylǵan habarlamada.
