24 qańtarda Qazaqstanda 1 qalada ǵana aýa sapasy nasharlaıdy
ASTANA. QazAqparat - 24 qańtar kúni meteorologııalyq jaǵdaılar elimizdiń tek bir qalasynyń atmosferasynda lastaýshy zattardyń shoǵyrlanýyna yqpal etedi, dep habarlaıdy QazAqparat «Qazgıdromet» RMK-ǵa silteme jasap.
Sınoptıkterdiń málimetterine qaraǵanda, Oral qalasynda meteorologııalyq jaǵdaı aýaǵa zııandy zattar shoǵyrlanýyna yqpal etedi. Al qalǵan qalalarda meteorologııalyq jaǵdaı jaǵymdy bolady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
