24 qańtar. Tulǵalar týǵan kún
ASTANA. QazAqparat – Búgin, ıaǵnı 24 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.
ESІMDER
74 jyl buryn (1951) jazýshy, Qazaqstan Respýblıkasy Memlekettik syılyǵynyń laýreaty, Qazaqstan Jazýshylar odaǵynyń múshesi, Qazaqstannyń eńbek sińirgen qaıratkeri Álibek Asylbaıuly ASQAROV dúnıege keldi.
Shyǵys Qazaqstan oblysy Qatonqaraǵaı aýdanynda týǵan. Almaty kórkemsýret ýchılışesin, Qazaq memlekettik ýnıversıtetin bitirgen.
1975-1986 jyldary «Bilim jáne eńbek» (qazirgi Zerde) jýrnalynyń kórkemdeýshi redaktory, ádebı qyzmetkeri, bólim meńgerýshisi, jaýapty hatshysy bolǵan.
1986-1991 jyldary - «Óner» baspasynyń bas redaktory, 1991-1993 jyldary – QR Prezıdenti men Mınıstrler Kabıneti Apparaty ishki saıasat bóliminiń aǵa referenti.
1993-2003 jyldary Qazaqstan Respýblıkasy Baspasóz jáne buqaralyq aqparat mınıstriniń orynbasary, birinshi orynbasary bolǵan.
1997-2003 jyldary - Qazaqstan Respýblıkasy Aqparat jáne qoǵamdyq kelisim mınıstrligi Memlekettik baspa baǵdarlamalaryn uıymdastyrý departamentiniń dırektory.
2003-2005 jyldary - Qazaqstan Respýblıkasy Aqparat mınıstrligi Baspa jáne polıgrafııa departamentiniń dırektory, Mınsk qalasynda Táýelsiz Memleketter Dostastyǵy elderiniń Merzimdi basylymdar, kitap basý isi, jáne polıgrafııa salasyndaǵy yntymaqtastyq jónindegi Halyqaralyq Keńestiń tóraǵasy, Qazaqstan Respýblıkasy Prezıdenti Ákimshiliginiń Іshki saıasat bóliminiń sektor meńgerýshisi, bas ınspektory boldy; QR Ulttyq akademııalyq kitaphanasynyń bas dırektory (2012-2014) qyzmetterin atqarǵan.
«Qutmeken», «Taıga tolǵaýy», «Jasyl álemge saıahat», «Erte túsken bozqyraý», «Aǵalardyń ázili, qurdastardyń qaljyńy», «Ór Altaı, men qaıteıin bıigińdi», «Rodnıkı rojdaıýtsıa v gorah», «Munar taýdy, muzart shyńdy ańsaımyn», «Nazerkege hat», «Skrıp solenogo serdtsa», «Sotsıalızm áńgimeleri», «Sotsıalızm hıkaıaty», «Ston dıkoı dolıny», «Keshegi kúnniń hıkaıasy», «Shabanbaıdaı jer qaıda», «I smeh, ı slezy, ı lıýbov...», «ALTAI-altyn besik, ata jurt», «Nadeısıa ı jdı!», «Kóńildiń kók dóneni» atty kitaptary jaryq kórgen. Medaldarmen marapattalǵan.
72 jyl buryn (1953) kınorejısser, akter, stsenarıst, prodıýser, Qazaqstan Respýblıkasynyń óner qaıratkeri Ermek Bektasuly ShYNARBAEV dúnıege keldi.
Almaty qalasynda dúnıege kelgen. Búkilodaqtyq kınematografııa ınstıtýtynyń 1974 jyly akterlik, 1982 jyly rejısserlik bólimderin bitirgen.
1974-1977 jyldary «Qazaqfılm» kıno-stýdııasynda akter boldy. 1981 jyly alǵashqy qysqametrajdy «Qaraly sulý» kórkem fılmin túsirip, ol «Bastaý» respýblıkalyq báıgesinde Birinshi júldeni ıelenedi.
1990 jyldary Shynarbaev «Qazaqfılm» kınostýdııasynyń «Álem» shyǵarmalyq-birlestiginiń kórkemdik jetekshisi boldy.
«Ápkem meniń Lıýsıa» (1985), «Ormannan alańǵa shyǵý» (1987), «Kek» (1989), «Sur úsh saıly baskıimdegi oryn» (1992), «Názik júrek» (1993), «Perishtege jazylǵan hattar» (2009) jáne kóptegen taǵy basqa kórkem fılmderdiń; 20-ǵa jýyq derekti fılmniń, onyń ishinde «Roıal janyndaǵy monologter», «Dýet», «Provans kúndeliginen» fılmderiniń rejısseri.
Qazaqstan Kınematografıster odaǵynyń múshesi (1986 jyldan). «Álem» birlestiginiń shyǵarmashylyq jetekshisi (1989 jyldan), Almatydaǵy Ulttyq prodıýserlik ortalyqtyń dırektory (1996 jyldan), «Eurasia Film Production» kompanııasynyń art-dırektory men rejısseri (2005 jyldan).
«Jiger» shyǵarmashylyq jastar baıqaýynyń laýreaty (1983). «Ormannan alańǵa shyǵý» kınofılmi úshin Halyqaralyq kıno baıqaýyndaǵy (Amen qalasy,Frantsııa, 1987) syılyqtyń, A. Langlýa atyndaǵy Halyqaralyq kıno baıqaýyndaǵy (Týr qalasy, Frantsııa, 1992) Halyqaralyq mádenıet, óner men kınonyń damýyna kómek kórsetý uıymy SIDALK syılyǵynyń, Halyqaralyq kıno baıqaýyndaǵy «Altyn qabylan» syılyǵynyń (Lokarno qalasy, Shveıtsarııa, 1993) jáne taǵy basqa júldelerdiń ıegeri.
57 jyl buryn (1968) Qaraǵandy oblysy ákiminiń orynbasary Baýyrjan Qońyrbaıuly ASANOV dúnıege keldi.
Qaraǵandy qalasynda týǵan. 1992 jyly K. Skrıabın atyndaǵy Máskeý veterınarlyq akademııasyn bitirdi. 2003 jyly E. Bóketov atyndaǵy Qaraǵandy memlekettik ýnıversıtetinde zańger dıplomyn aldy. 2009 jyly Qaztutynýodaǵy Qaraǵandy ekonomıkalyq ýnıversıtetin bitirgen. 2019 jyly Reseı Federatsııasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademııasynda bilim aldy. Іskerlik ákimshilendirý doktory. Mamandyǵy boıynsha veterınar, zańger, ekonomıst.
Eńbek joly: «Nura» AQ veterınarlyq dáriger (1992); «AZııA» JShS dırektory (1996-2006)); Qaraǵandy qalasynyń Aýyl sharýashylyǵy, jer qatynastary derbes bólimderiniń bastyǵy (2006-2009); Qaraǵandy oblysy jer qatynastary basqarmasynyń jerdi josparlaý, boljaý jáne paıdalaný bóliminiń bastyǵy (2009-2011); Qaraǵandy oblysy Aýyl sharýashylyǵy basqarmasy basqarmasynyń bastyǵy, bastyǵynyń orynbasary (2011-2013); QR Eńbek jáne halyqty áleýmettik qorǵaý mınıstrliginiń Halyqty jumyspen qamtý departamenti halyqty jumyspen qamtý saıasaty basqarmasynyń bastyǵy (01.2013-10.2013); Qaraǵandy oblysy Aýyl sharýashylyǵy basqarmasynyń bastyǵy (2013-2016); veterınarııa basqarmasynyń basshysy Qaraǵandy oblysynyń ákimi (2016-2017); Qaraǵandy oblysy Abaı aýdanynyń ákimi (2017-2022).
2022 jyldyń jeltoqsannan bastap qazirgi qyzmetinde.
51 jyl buryn (1974) Qazaqstan Respýblıkasy Qaýipsizdik keńesi Jalpy máseleler bóliminiń meńgerýshisi Rasul Qabdoluly ORAZǴULOV dúnıege kelgen.
Pavlodar oblysynda týǵan. Aqmola qarjy-ekonomıkalyq tehnıkýmyn (1994); Shákárim atyndaǵy Semeı memlekettik ýnıversıtetin (2000); S. Toraıǵyrov atyndaǵy Pavlodar memlekettik ýnıversıtetin (2010) bitirgen.
Eńbek joly: Pavlodar oblystyq qarjy basqarmasynyń jetekshi mamany, bas mamany (1994-1998); QR Qarjy mınıstrliginiń AÓK jáne qorshaǵan ortany qorǵaý basqarmasynyń ekonomısi, jetekshi ekonomısi, bas mamany, bólim bastyǵy, basqarma bastyǵynyń orynbasary (1998-2002); QR Ekonomıka jáne bıýdjettik josparlaý mınıstrliginiń Salalyq organdardyń shyǵyndaryn josparlaý departamenti dırektorynyń orynbasary, basqarma basshysy (2002-2006); Qaraǵandy oblystyq ekonomıka jáne bıýdjettik josparlaý departamentiniń dırektory (Basqarma basshysy) (2006-2009); Qaraǵandy oblysy ákiminiń birinshi orynbasary (2009-2010); «Nur Otan» HDP Ortalyq apparaty basshysynyń orynbasary (2010-2014); Pavlodar oblysy ákimi apparatynyń basshysy (2014-2018). 2018-2019 jyldary Astana qalasynyń Strategııalyq jáne bıýdjettik josparlaý basqarmasynyń basshysy bolǵan. Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bólimi meńgerýshisiniń orynbasary (2019-2021).
2021 jylǵy naýryzdan beri qazirgi qyzmetinde.
«Eren eńbegi úshin» medalimen, mereıtoılyq medaldarmen marapattalǵan.
50 jyl buryn (1975) Qazaqstan Respýblıkasy Joǵarǵy sotynyń sýdıasy Madııar Temiruly BALKEN dúnıege kelgen.
Almatyda týǵan. Q.ıAsaýı atyndaǵy Halyqaralyq qazaq-túrik ýnıversıtetin (1996); Qazaq memlekettik zań akademııasynyń aspırantýrasyn (1999) bitirgen.
Eńbek joly: «Ádilet» Joǵary quqyq mektebiniń oqytýshysy, aǵa oqytýshysy, dotsenti (1996-2005); «Eýrazııa ST» zańgeri, «TURKUAZ» kompanııalar tobynyń keńesshisi, zań qyzmetiniń dırektory (2001-2005); Ońtústik Qazaqstan oblysy mamandandyrylǵan aýdanaralyq ekonomıkalyq sotynyń sýdıasy (2006-2009); Astana qalasynyń mamandandyrylǵan aýdanaralyq ekonomıkalyq sotynyń sýdıasy (2009-2012); Ońtústik Qazaqstan oblystyq sotynyń azamattyq jáne ákimshilik ister jónindegi apellıatsııalyq sot alqasynyń tóraǵasy (2012-2015); Qazaqstan Respýblıkasy Joǵarǵy sotynyń sýdıasy (2015 jyldan); BAQ-pen yqpaldastyq jónindegi úılestirýshi sýdıa (2016), Qazaqstan Respýblıkasy Joǵarǵy sotynyń halyqaralyq baılanystar jónindegi úılestirýshi sýdıasy (2016); Qazaqstan Respýblıkasy Sýdıalar keńesiniń hatshysy (2016 jyldan).
49 jyl buryn (1976) Qazaqstan Respýblıkasy Ekologııa jáne tabıǵı resýrstar mınıstriniń birinshi vıtse-mınıstri Núrken Qojamuratuly ShARBIEV dúnıege keldi.
Soltústik Qazaqstan oblysynda týǵan. S.Seıfýllın atyndaǵy Aqmola agrarlyq ýnıversıtetin AÓK ekonomıka jáne menedjment mamandyǵy boıynsha bitirgen (1998); Qazaq gýmanıtarlyq-zań ınnovatsııalyq ýnıversıtetin quqyqtaný mamandyǵy boynsha bitirgen (2012).
Eńbek joly: sharýa qojalyǵynyń bas ekonomısi (1998); Qazaqstan Respýblıkasy Aýyl sharýashylyǵy mınıstrligi Indıkatıvti josparlaý jáne ekonomıkalyq taldaý departamenti Strategııa jáne memlekettik retteý departamenti aýyl sharýashylyǵy basqarmasynyń jetekshi mamany, bas mamany (2000-2002); Qazaqstan Respýblıkasy Aýyl sharýashylyǵy mınıstrligi qurylymynda basshylyq laýazymdarda jumys isteý (2002-2011); Indýstrııa jáne jańa tehnologııalar mınıstrligi Strategııalyq josparlaý departamentiniń dırektory (2011-2012); Eýrazııalyq ekonomıkalyq komıssııanyń Agroónerkásiptik saıasat departamenti dırektorynyń orynbasary (Máskeý q.) (2012-2013); «QazAgro» Ulttyq basqarýshy holdıngi» AQ basqarýshy dırektory (2013-2014); jeke uıymda jumys isteý (2014-2017); «QazAgroQarjy» AQ basqarma tóraǵasynyń orynbasary (2017-2018); «SPK Taraz» AQ basqarma tóraǵasy (2018-2020); Basqarýshy dırektor – «Atameken» UKP departamentiniń dırektory (2020-2022); AMANAT partııasynyń «Aýyl Amanaty» jobalyq keńsesi hatshylyǵynyń meńgerýshisi (2022-2023); Qazaqstan Respýblıkasy Ekologııa jáne tabıǵı resýrstar vıtse-mınıstri (2023).
2023 jyldyń mamyr aıynan bastap qazirgi qyzmetinde.
45 jyl buryn (1980) QR Jazýshylar Odaǵy tóraǵasynyń birinshi orynbasary, aqyn Aqberen Elgezekuly ELGEZEK dúnıege keldi.
Semeı oblysy Shubartaý aýdany Mádenıet aýylynda E. Rahmadıev atyndaǵy orta mektepti bitirgen. Ál-Farabı atyndaǵy QazUÝ-diń tarıh fakýltetiniń túlegi.
Qazaqstan Jazýshylar odaǵynyń múshesi. Qazaqstan «Serper» jastar syılyǵynyń, T. Aıbergenov atyndaǵy syılyqtyń jáne Memlekettik «Daryn» jastar syılyǵynyń, «Altyn qalam» qoǵamdyq syılyǵynyń ıegeri.
«Qazaq ádebıetin qoldaý» qoǵamdyq qorynyń jetekshisi. «Kentavr» ulttyq ádebı aptalyǵynyń negizin qalaýshy. «Kóleńkeler kúbiri» atty jyr jınaǵy jaryq kórgen. Ivan Býnın, Dmıtrıı Merejkovskıı, Varlam Shalamov, Vladımır Vysotskıı, Gııom Apollıner shyǵarmalaryn aýdarǵan. Eńbek jolyn 2002 jyly Almaty qalalyq ishki saıasat departamenti qoǵamdyq-saıası bóliminiń bas mamany bolyp bastaǵan.
2003-2015 jyldary «Qazaqstan Respýblıkasynyń Ulttyq ınjenerlik akademııasy» respýblıkalyq qoǵamdyq birlestigi prezıdentiniń keńesshisi, Almaty qalalyq aqparattyq-taldaý ortalyǵynyń dırektory, ál-Farabı atyndaǵy Qazaq ulttyq ýnıversıteti jastar birlestikterimen jumys isteý bóliminiń bastyǵy, Dúnıejúzi qazaqtary qaýymdastyǵynyń «Atajurt» baspa ortalyǵynyń bas redaktory, «Bóbek» ulttyq ǵylymı-praktıkalyq bilim berý jáne saýyqtyrý ortalyǵy Adamnyń úılesimdi damýy ınstıtýtynyń dırektory, Ońtústik Qazaqstan oblysy ákimdiginiń apparat basshysynyń orynbasary laýazymdaryn atqarǵan.
Ońtústik Qazaqstan (Túrkistan) oblysy ákimi apparaty basshysynyń orynbasary (2016-2017); QR Prezıdenti janyndaǵy ulttyq qoǵamdyq senim keńesiniń múshesi, QR Prezıdenti janyndaǵy Ulttyq Quryltaı múshesi (2022 jyldan bastap).
38 jyl buryn (1986) «Samuryq-Qazyna Bıznes Servıs» JShS bas dırektory Aıdar Allabergenuly NURALIEV dúnıege kelgen.
Ál-Farabı atyndaǵy Qazaq ulttyq ýnıversıtetin bitirgen, halyqaralyq quqyq bakalavry; Ál-Farabı atyndaǵy Qazaq ulttyq ýnıversıtetiniń zań ǵylymdarynyń magıstri; London ýnıversıtettik kolledji, jobany basqarý magıstri (MSc jobasy jáne kásiporyndy basqarý); Jeneva bıznes mektebi, Executive MBA dárejesi; Reseı Federatsııasy Úkimeti janyndaǵy Qarjy ýnıversıteti, qarjy magıstri.
Eńbek joly: Batys Qazaqstan oblysy ákimi apparatynyń uıymdastyrý-baqylaý jumysy bóliminiń jetekshi mamany (2008-2010); Qazaqstan Respýblıkasy Ekonomıka jáne bıýdjettik josparlaý mınıstrligi Halyqaralyq baılanystar departamenti Reıtıngtik agenttiktermen jáne halyqaralyq ekonomıkalyq uıymdarmen ózara is-qımyl departamentiniń sarapshysy; Qazaqstan Respýblıkasy Prezıdenti Ákimshiliginiń Strategııalyq zertteýler jáne taldaý ortalyǵynyń sarapshysy (2010-2012); Batys Qazaqstan oblysy ákimi apparaty basshysynyń orynbasary (2012-2014); Qazaqstan Respýblıkasy Qarjy mınıstrligi Halyqaralyq qarjylyq qatynastar departamenti dırektorynyń orynbasary (2016); Atyraý oblysynyń ekonomıka jáne bıýdjettik josparlaý basqarmasynyń basshysy (2017-2020); Qazaqstan Respýblıkasy Energetıka mınıstrliginiń Strategııalyq jáne aqparattyq damý departamentiniń dırektory (2020 j.); Batys Qazaqstan oblysy ákiminiń orynbasary (2020-2021); ÁQBUU Basqarma tóraǵasynyń orynbasary (2024).