24 qańtar. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

24 qańtar JUMA

ESTE QALAR OQIǴALAR

9 2 jyl buryn (1922) danııalyq Krıstıan Nelson shokoladpen kómkerilgen balmuzdaq tekshesine patent aldy. Ol ony «eskımo-paı» - eskımos búktemesi dep ataǵan. Birneshe onjyldyqtar ótse de bul ónim búkil álemde, sonyń ishinde Qazaqstanda da balalar men úlkenderdiń súıikti taǵamdarynyń birine aınaldy.

Qazaqstandaǵy balmuzdaq naryǵy alýan túrli, mundaı táttiniń dara kóshbasshysy retinde otandyq Food Master kompanııasyn ataýǵa bolady, al odan keıingi oryndy Reseıdiń «Gýllıver» fabrıkasy ıelenedi.

7 5 jyl buryn (1939) Chılıde alapat jer silkinisi boldy. 50 myńnan asa adam qaza tapty. Jer silkinisi saldarynan Chılıan qalasynda úsh-aq ǵımarat aman qalǵan.

1 9 jyl buryn (1995) Brıýsselde bolǵan kezdesýde Qazaqstan Respýblıkasynyń Prezıdenti N.Nazarbaev pen NATO-nyń Bas hatshysy Vılı Klaes «Beıbitshilik jolyndaǵy seriktestik» baǵdarlamasy sheńberindegi yntymaqtastyq týraly kelisimge qol qoıdy. Dál osy kúni Brıýsselde Qazaqstannyń Benılıýks elderindegi elshiliginiń ashylý saltanaty bolyp ótti. Oǵan Qazaqstannyń memleket basshysy jáne Belgııa koroli otbasynyń músheleri jáne úkimet adamdary, osy elde tirkelgen basqa elderdiń elshileri qatysty.

18 jyl buryn (1996) Elbasy N.Á.Nazarbaevtyń «Qazaqstan Respýblıkasynyń memlekettik rámizderi týraly» zań kúshi bar Jarlyǵy shyqty.

7 jyl buryn (2007) halyqaralyq baspasóz ortalyǵynda «Jańa Astana» jańa qoǵamdyq uıymynyń tusaýkeser rásimi ótti.

«Jańa Astana» ózine barlyq qyzmet salasynyń ókilderin biriktiredi. Oǵan tutynýshylar qoǵamynyń ókilderi, jastar uıymdary, maslıhat depýtattary, qoǵam qaıratkerleri men kásipkerler kiredi.

6 jyl buryn (2008) Reseı Federatsııasy Syrtqy ister mınıstrliginiń qabyldaý úıinde syrtqy saıasat vedomstvosy bastyǵynyń birinshi orynbasary Andre Denısov Eýrazııalyq ekonomıkalyq qoǵamdastyqtyń burynǵy bas hatshysy Serik Pirimbetovke «Dostyq» ordenin tabys etti.

A. Denısov S.Pirimbetovtyń bul nagradamen «Táýelsiz Memleketter Dostastyǵy elderiniń arasyndaǵy yqpaldastyq úderisterdi damytýǵa qosqan úlken úlesi úshin» RF Prezıdenti V.Pýtınniń Jarlyǵymen marapattalyp otyrǵanyn atap kórsetti. S.Pirimbetov óz kezeginde osynaý nagrada úshin alǵysyn bildirdi jáne túrli yqpaldastyq birlestikter aıasynda Dostastyq elderiniń yntymaqtastyǵy ári qaraı damı túsetindigine senim artty.

6 jyl buryn (2008) Elimizde alǵash ret balalar úıi týraly jazylǵan kitap jaryq kórdi. Jýrnalıst Svetlana Býrataıdyń «Aınalaıyn» degen atpen shyǵarǵan týyndysy Taldyqorǵan qalasyndaǵy balalar úıine arnalǵan. Kitap úsh bólimnen turady. Birinshi bólimde osy shańyraqtyń qurylý tarıhy, sol úıde qyzmet jasap júrgen tárbıeshiler haqynda aıtylady.Ekinshi bólimde balalardyń oı-pikirleri, basynan ótken derekti jaǵdaılar baıandalady. Sońǵy bólimde balalarǵa arnalǵan áńgimeler, oıtamshylar oryn alǵan. «Aınalaıyn» kitaby Almaty qalasyndaǵy «Kitap «Dáýir» baspasynan 1000 danamen jaryq kórdi.

6 jyl buryn (2008) Kókshetaýda «Babalar amanaty» atty segiz bettik, eki boıaýly qazaq tilindegi basylymnyń alǵashqy sany jaryq kórdi. Jańa basylymnyń quryltaıshysy «Qazaq tili» jaýapkershiligi shekteýli seriktestigi. Gazettiń negizgi maqsaty memlekettik tildiń damýy, qoldanys aıasynyń keńeıýi, qazaq tilindegi ozyq tájirıbelerdi molynan nasıhattaý, tildiń tarıhy men mádenıeti, jas ǵalymdar men mamandarǵa járdem kórsetý, ulttyq pedagogıka men ulttyq psıhologııa, tanym men tárbıe, oqytý protsesindegi ózekti máselelerdi júzege asyrý bolyp tabylady. Sondaı-aq basylymdaǵy til máselesi týraly tolymdy tolǵanystar, ádistemeler, balǵyndar shyǵarmashylyǵy keńinen qamtylatyn bolady. Muǵalimderge, ata-analarǵa, jalpy kópshilik qaýymǵa arnalǵan gazet elimizdiń soltústik óńirine keńinen taratylmaq.

3 jyl buryn (2011) Memleket basshysy «Qazaqstan Respýblıkasynyń keıbir zań aktilerine mehanıkalyq kólik quraldary men olardyń tirkemelerin mindetti tehnıkalyq baqylaýdan ótkizý máseleleri boıynsha ózgerister men tolyqtyrýlar engizý týraly» Zańǵa qol qoıdy.

408 jyl buryn (1606) Ispanııanyń astanasy Valıadolıdten Madrıdke kóshiriletini jóninde resmı túrde jarııalandy.

30 jyl buryn (1984) birinshi Apple Macintosh jeke kompıýteri shyǵaryldy.

ESІMDER

96 jyl buryn (1918-1944) kompozıtor, Uly Otan soǵysynyń ardageri BAZANOV Álı Orazǵululy dúnıege keldi.

Ol 1932 jyly Máskeý qalasynda jumysshy jastar fakýltetinde oqı júrip, ishekti aspaptar orkestrin uıymdastyrǵan. 1935 jyly Máskeý avıatsııa ınstıtýtyna túsken. 1938-1941 jyldary Máskeý konservatorııasy janynan ashylǵan Qazaq stýdııasynyń kompozıtorlar bóliminde oqyǵan. Ol «Jastar», «Bas alǵa, batyrlar», «Erlerim», «Ana tolǵaýy», «Qyzyl jalaý», «Jámıla qaryndas», t.b. ánder jazǵan. «Jelsiz túnde jaryq aı», «Kerbez sulý», «Láılim», t.b. ánderdi fortepıanoǵa túsirgen. Á.Ábishevtiń «Qyraǵylyq» dramasyna mýzyka jazǵan.

7 1 jyl buryn (1943) Qazaqstannyń eńbek sińirgen qyzmetkeri, Atyraý qalasynyń qurmetti azamaty, Qazaq KSR Memlekettik syılyǵynyń laýreaty, tehnıka ǵylymynyń kandıdaty BATYRBAEV Mahambet Demeshuly dúnıege keldi.

Atyraý qalasynda týǵan. Atyraý munaı tehnıkýmyn bitirgen. 1978-1991 jyldary - «Ózenmunaı» munaı-gaz óndiristik basqarmasynyń bas geology, basqarma bastyǵynyń orynbasary, bastyǵy. 1991-1992 jyldary - «Mańǵyshlaqmunaı» óndiristik birlestigi bas ınjeneriniń orynbasary.1992-1994 jyldary - «Teńizmunaıgaz» óndiristik birlestiginiń bas dırektory, «Munaıgaz» holdıngtik kompanııasynyń basqarma bastyǵy, birinshi vıtse-prezıdenti. 1994-1999 jyldary - «Embimunaıgaz» aktsıonerlik qoǵamynyń prezıdenti. 1999-2002 jyldary «Qazaqoıl-Embi» ashyq aktsıonerlik qoǵamynyń prezıdenti - basqarma tóraǵasy. 2002-2006 jyldary «QazMunaıGaz» Ulttyq kompanııasy» aktsıonerlik qoǵamynyń vıtse-prezıdenti bolǵan. «QazMunaıGaz» Ulttyq kompanııasy» aktsıonerlik qoǵamy batys aımaǵyndaǵy ókildiginiń jetekshisi boldy.

«Qurmet», «Qurmet belgisi» ordenderimen, medaldarmen marapattalǵan.

11 5 jyl buryn (1899-1967) geologııa-mıneralogııa ǵylymdarynyń doktory, professor, Qazaqstan Ǵylym akademııasynyń akademıgi, Qazaqstannyń eńbegi sińirgen ǵylym qaıratkeri, Qazaqstan Memlekettik syılyǵynyń laýreaty BORÝKAEV Ramazan Aslanbekuly dúnıege keldi.

Lenıngrad taý-ken ınstıtýtyn bitirgen. 1931-1938 jyldary - Bozshakól geologııa bóliminiń bastyǵy, Qazaq geologııa tresiniń bas ınjeneri, bastyǵy. 1938-1940 jyldary - KSRO Ǵylym akademııasynyń Qazaqstan fılıaly geologııa sektorynyń meńgerýshisi, geologııa-geografııa bóliminiń bastyǵy. 1941 jyldan Qazaqstan Ǵylym akademııasynyń Geologııa ǵylymdar ınstıtýty dırektorynyń orynbasary, dırektory boldy. Ol Qanysh Sátbaevtiń jaqyn áriptesi ári kómekshisi bolǵan. Borýkaevtyń negizgi ǵylymı-zertteý jumystarynyń baǵyty Qazaqstan paleozoı erasynyń taý jynystarynyń stratıgrafııasyn, tektonıkasyn, paleogeografııasyn jáne ken oryndaryn zertteýge arnalǵan. Ol Bozshakól mys-molıbden kenin ashty. Onyń basshylyǵymen hlorıt, fosforıt, polımetall jáne birneshe kómir keni ashyldy, sýmen qamtamasyz etý máseleleri sheshildi. Ǵalym Qazaqstannyń ár túrleri masshtabtaǵy geologııa kartasynyń avtory jáne redaktory boldy.

«Qyzyl Juldyz» ordenimen jáne medaldermen marapattalǵan.

9 5 jyl buryn (1919-1992) aktrısa, ánshi, Qazaqstannyń halyq ártisi MUSABEKOVA Áıken dúnıege keldi.

Qaraǵandy qalasynda týǵan. Máskeý konservatorııasynyń qazaq opera stýdııasynda oqydy. 1937-1955 jyldary Qaraǵandy oblystyq qazaq drama teatrynyń quramynda qyzmet etti. Alǵashqy oınaǵan róli - M.Áýezovtiń «Túngi saryn» dramasyndaǵy Mórjan. 1956 jyldan Qazaq akademııalyq drama teatrynyń quramynda aktrısa boldy. Alǵashynda mýzykalyq spektaklderge qatysyp, Qyz Jibek, Aqjúnis (E.Brýsılovskıı «Qyz Jibek», «Er Tarǵyn»), Aıman (M.Áýezov «Aıman - Sholpan») t.b. rólderin oınady. Budan keıin dramalyq spektaklderde kóptegen rólderdi oryndaýmen kórermen iltıpatyna bólendi. Oınaǵan negizgi rólderi qatarynda Eńlik, Tekti (M.Áýezov «Eńlik - Kebek», «Qaragóz»), Baıan, Márzııa (Ǵ.Músirepov «Qozy Kórpesh - Baıan sulý», «Aqan seri - Aqtoqty»), Záýre (B.Maılın «Maıdan»), Áıgerim (M.Áýezov, L.Sobolev «Abaı»), Symbat (Á.Ábishev «Armandastar»), Aıbarsha (Á.Tájibaev «Maıra»), Aısha (T.Ahtanov «Sáýle»), Tana (Q.Satybaldın «Qabaǵan ıt»), Shárbáný (Z.Shashkın «Aqyn júregi»), Emılııa (Ý.Shekspır «Otello») t.b. bar. 1958 jyldan kınoǵa túsken.

«Qurmet belgisi» ordenimen, medaldarmen marapattalǵan.

11 4 jyl buryn (1900-1956) rejısser, Qazaq KSR-iniń eńbek sińirgen óner qaıratkeri ShTEIN ıAkov Solomonovıch dúnıege keldi.

Reseıdiń Orynbor qalasynda týǵan.

1943 jyldan Almaty qalasynda turyp, Orystyń memlekettik akademııa drama teatrynda rejısserlikpen aınalysty. Ol orys jazýshylarynyń shyǵarmalary boıynsha kóptegen spektaklderdi osy teatr sahnasyna shyǵardy. Olardyń qatarynda A.Tolstoıdyń «Ivan Groznyı» men «Azapty saparda», V.Vıshnevskııdiń «Umytylmas 1919 jyl», Lope de Veganyń «Qumyraly qyz», K.Trenevtiń «Lıýbov ıArovaıa», A.Gorkııdiń «Egor Býlychov jáne baskalar», A.Shteınniń «Jeke is», A.Stepanov pen I.Popovtyń «Port-Artýr», F.Dostoevskııdiń «Qorlanǵandar men qor bolǵandar», t.b. pesalar bar. Sondaı-aq Kazaqtyń memlekettik akademııa drama teatrynda akter Q.Badyrovpen birlesip, M.Áýezovtiń «Qara qypshaq Qobylandy» jáne Á.Tájibaevtyń «Dýbaı Shýbaevıch» pesalaryn, Sh.Aımanovpen birge Áýezovtiń «Abaı» romanyn sahnaǵa shyǵardy.

N.Anovpen birlesip, «Júrek ámirimen» atty pesasyn jazyp, ony Orys memlekettik akademııa drama teatrynda sahnalady.

10 4 jyl buryn (1910-1971) keńes akteri, rejısser, Reseıdiń eńbek sińirgen ártisi TÝTYShKIN Andreı Petrovıch dúnıege keldi.

Moldova Respýblıkasynyń Kıshınev qalasynda týǵan.

1930 jyly E.Vahtangov atyndaǵy Máskeý teatry janyndaǵy mektepti bitirip, osy teatrda 20 jyldan astam ýaqyt akter jáne rejısser bolyp jumys istegen. Sonymen qatar Lenıngrad mýzykalyq komedııa teatrynyń kórkemdik jetekshisi, Lenındik komsomol atyndaǵy Lenıngrad teatrynyń bas rejısseri bolǵan.

«Volga-Volga», «Devýshka s harakterom», «Serdtsa chetyreh», Karnavalnaıa noch», «Vzroslye detı» atty fılmderde komedııalyq rólderdi somdaǵan. «My s vamı gde-to vstrechalıs» komedııasyn qoıyp, «Volnyı veter», «Svadba v Malınovke» atty operettalardy ekranǵa shyǵarǵan.

68 jyl buryn (1946) «Atameken» odaǵy» halyqaralyq baılanystar departamentiniń dırektory, fızıka-matematıka ǵylymdarynyń kandıdaty, dotsent DVORETsKII Vladımır ıAkovlevıch dúnıege keldi.

Bolgarııanyń Sofııa qalasynda týǵan. V.V.Kýıbyshev atyndaǵy Tomsk memlekettik ýnıversıtetin jáne aspırantýrasyn bitirgen. 1983-1992 jyldary - Pavlodar ındýstraldyq ınstıtýtynyń oqytýshysy, dotsenti, fızıka kafedrasynyń meńgerýshisi. 1992-1999 jyldary - «Spektr» JShS-iniń, «Spektr Ltd.» JShS-iniń bas dırektory, «Novyı TsÝM» JShS-i uıymdastyrýshylar keńesiniń tóraǵasy. 1999-2004 jyldary - QR Parlamenti Májilisiniń depýtaty, Ekonomıkalyq reforma jáne aımaqtyq damý jónindegi komıtetiniń hatshysy boldy. 2004 jyldan «Qaıtalama metallýrgııa ónerkásipshileriniń respýblıkalyq odaǵy» qaýymdastyǵynyń tóraǵasy.

2005 jyldan - «Atameken» Odaǵy» Qazaqstannyń ulttyq ekonomıkalyq palatasy Atqarýshy dırektorynyń orynbasary qyzmetin atqarýda.

«Qurmet» ordenimen jáne medaldarmen marapattalǵan.

6 3 jyl buryn (1951) Qazaqstan Respýblıkasy Prezıdenti Ákimshiligi Іshki saıasat bólimi meńgerýshisiniń orynbasary, Qazaqstannyń eńbek sińirgen qaıratkeri ASQAROV Álibek Asylbaıuly dúnıege keldi. Qazaqstan Respýblıkasy Memlekettik syılyǵynyń laýreaty, Qazaqstan Jazýshylar odaǵynyń múshesi.

Shyǵys Qazaqstan oblysy Qatonqaraǵaı aýdanynda týǵan. Almaty kórkemsýret ýchılışesin, Qazaq memlekettik ýnıversıtetin bitirgen.

1975-1986 jyldary «Bilim jáne eńbek» (qazirgi Zerde) jýrnalynyń kórkemdeýshi redaktory, ádebı qyzmetkeri, bólim meńgerýshisi, jaýapty hatshysy bolǵan. 1986-1991 jyldary - «Óner» baspasynyń bas redaktory, 1991-1993 jyldary - Qazaqstan Respýblıkasy Prezıdenti men Mınıstrler Kabıneti Apparaty ishki saıasat bóliminiń aǵa referenti. 1993-2003 jyldary - Qazaqstan Respýblıkasy Baspasóz jáne buqaralyq aqparat mınıstriniń orynbasary, birinshi orynbasary bolǵan. 1997-2003 jyldary - Qazaqstan Respýblıkasy Aqparat jáne qoǵamdyq kelisim mınıstrligi Memlekettik baspa baǵdarlamalaryn uıymdastyrý departamentiniń dırektory. 2003-2005 jyldary - Qazaqstan Respýblıkasy Aqparat mınıstrligi Baspa jáne polıgrafııa departamentiniń dırektory, Mınsk qalasynda Táýelsiz Memleketter Dostastyǵy elderiniń Merzimdi basylymdar, kitap basý isi, jáne polıgrafııa salasyndaǵy yntymaqtastyq jónindegi Halyqaralyq Keńestiń tóraǵasy, Qazaqstan Respýblıkasy Prezıdenti Ákimshiliginiń Іshki saıasat bóliminiń sektor meńgerýshisi, bas ınspektory qyzmetterin atqarǵan. 2005 jyldan bastap - qazirgi qyzmetinde.

«Qutmeken», «Taıga tolǵaýy», «Jasyl álemge saıahat», «Erte túsken bozqyraý», «Aǵalardyń ázili, qurdastardyń qaljyńy», «Ór Altaı, men qaıteıin bıigińdi», «Rodnıkı rojdaıýtsıa v gorah», «Munar taýdy, muzart shyńdy ańsaımyn», «Nazerkege hat», «Skrıp solenogo serdtsa», «Sotsıalızm áńgimeleri», «Sotsıalızm hıkaıaty», «Ston dıkoı dolıny», «Keshegi kúnniń hıkaıasy», «Shabanbaıdaı jer qaıda», «I smeh, ı slezy, ı lıýbov...», «ALTAI-altyn besik, ata jurt», «Nadeısıa ı jdı!», «Kóńildiń kók dóneni» atty kitaptary jaryq kórgen. Medaldarmen marapattalǵan.

61 jyl buryn (1953) kınorejısser, Qazaqstannyń eńbegi sińgen kaıratkeri ShYNARBAEV Ermek Bektasuly dúnıege keldi. Almatyda týǵan. Búkilodaqtyq kınematografııa ınstıtýtyn akterlik (1974), rejısserlik (1982) bólimderin bitirgen. 1974 - 1977 jyldary "Qazaqfılm" kıno-stýdııasynda akter boldy. 1981 jyly alǵashqy qysqametrajdy "Qaraly sulý" kórkem fılmin túsirip, ol "Bastaý" respýblıkalyq báıgesinde Birinshi júldeni ıelenedi. 90-jyldary Shynarbaev "Qazaqfılm" kınostýdııasynyń "Álem" shyǵarmalyq-birlestiginiń kórkemdik jetekshisi boldy. Qazaq, orys, aǵylshyn jáne frantsýz tilderin biledi. «Ápkem meniń Lıýsıa» (1985), «Ormannan alańǵa shyǵý» (1987), «Kek» (1989), «Sur úsh saıly baskıimdegi oryn» (1992), «Názik júrek» (1993), «Perishtege jazylǵan hattar» (2009) jáne kóptegen taǵy basqa kórkem fılmderdiń; 20-ǵa jýyq derekti fılmniń, onyń ishinde «Roıal janyndaǵy monologtar», «Dýet», «Provans kúndeliginen» fılmderiniń rejısseri. Qazaqstan Kınematografıster odaǵynyń múshesi (1986 jyldan). «Jiger» shyǵarmashylyq jastar baıqaýynyń laýreaty (1983). «Ormannan alańǵa shyǵý» kınofılmi úshin Halyqaralyq kıno baıqaýyndaǵy (Amen qalasy, Frantsııa , 1987) syılyqtyń, A. Langlýa atyndaǵy Halyqaralyq kıno baıqaýyndaǵy (Týr qalasy, Frantsııa, 1992) Halyqaralyq mádenıet, óner men kınonyń damýyna kómek kórsetý uıymy SIDALK syılyǵynyń, Halyqaralyq kıno baıqaýyndaǵy «Altyn qabylan» syılyǵynyń (Lokarno qalasy, Shveıtsarııa , 1993) jáne taǵy basqa júldelerdiń ıegeri.

61 jyl buryn (1953) reseılik altshy, dırıjer, pedagog, KSRO halyq ártisi BAShMET ıÝrıı Abramovıch dúnıege keldi. Rostove-na-Doný qalasynda týǵan. Lvov orta arnaıy mýzyka mektebin támamdaǵan soń 1971 jyly Máskeý konservatorııasynyń alta synybynda oqydy. 1976 -1978 jj Máskeý konservatorııasynyń assıstentýrasynda bilim aldy. Osy kezden-aq onyń talanty baıqala bastaǵan. Onyń jdaryny jaıly san alýan fılmder túsirildi.

48 jyl buryn (1966) Atyraý oblysy ákiminiń orynbasary ÁJІǴALIEVA Aıgúl Temirtasqyzy dúnıege keldi.

Atyraý oblysynda týǵan. Tselınograd qalasynyń Qarjy-ekonomıkalyq tehnıkýmyn, Almaty halyq sharýashylyq ınstıtýtyn (Turar Rysqulov atyndaǵy Qazaq ekonomıkalyq ýnıversıteti) bitirgen. 1985 jyly Atyraý oblystyq qarjy bóliminde kadr jumysy boıynsha aǵa ınspektory laýazymynan bastap, keıinnen Atyraý oblystyq Qarjy basqarmasynda túrli basqarýshylyq laýazymdarda qyzmetter atqardy. 2005-2010 jyldary Atyraý oblystyq Ekonomıka jáne bıýdjettik josparlaý basqarmasy dırektorynyń orynbasary, basqarma bastyǵy qyzmetterin atqarǵan.

2010 jyldyń maýsym aıynan - qazirgi qyzmetinde.

3 1 jyl buryn (1983) QR Ekonomıka jáne bıýdjettik josparlaý vıtse-mınıstri ESKENDІROV Abaı Muqashuly dúnıege keldi.

Jambyl oblysynyń Taraz qalasynda týǵan. 2003 jyly Qazaq gýmanıtarlyq-zań ýnıversıtetin «zań» mamandyǵy boıynsha támamdaǵan jáne 2004-2005 jj. Oxford Brookes University «Halyqaralyq quqyq magıstri» jáne «Halyqaralyq basqarý magıstri» biliktiligi boıynsha aıaqtaǵan. 2005 jyldan bastap Qazaqstan Respýblıkasy Ekonomıka jáne bıýdjettik josparlaý mınıstrliginiń memlekettik aktıvterdi basqarý saıasaty departamentinde qyzmet atqarǵan. 2006 jyldan 2007 jylǵa deıin «Qazyna» Turaqty Damý Qory» AQ júıeli jobalar, korporatıvtik damý departamentteriniń dırektory, ınvestıtsııalar boıynsha departamenttiń dırektory, basqarýshy dırektor qyzmetterin atqarǵan. 2008 jyldyń sáýiri men tamyzy aralyǵynda Qazaqstan Respýblıkasy prezıdenti Ákimshiliginiń ortalyǵy meńgerýshisiniń orynbasary qyzmetinde bolǵan. 2008 jyldyń qarashasynan 2011 jyldyń sáýirine deıin «Samuryq-Qazyna» Ulttyq Ál-aýqat qory» AQ Basqarýshy dırektory qyzmetin atqarǵan.

2011 jyldyń 17 mamyrynda Qazaqstan Respýblıkasy Ekonomıkalyq damý jáne saýda vıtse-mınıstri bolyp taǵaıyndaldy.

«Qurmet» ordenimen marapattalǵan.

61 jyl buryn (1953) QR Parlamenti Májilisiniń Ekologııa jáne tabıǵat paıdalaný máseleleri komıtetiniń qyzmetin qamtamasyz etý bóliminiń meńgerýshisi RAMAZANOV Amanbek Myrzahmetuly dúnıege keldi.

Shyǵys Qazaqstan oblysynda týǵan. Novosibir ınjenerlik-qurylys ınstıtýtyn, Abaı atyndaǵy Almaty memlekettik ınstıtýtyn bitirgen.

1976-1979 jyldary - Shyǵys Qazaqstan oblysynyń Qaratal keńsharynda bas ınjener-gıdrotehnık, «Vostokmashzaýyt» ınjener-konstrýktory. 1979-1981 jyldary - Novosibir ınjenerlik-qurylys ınstıtýtynyń aspıranty, kishi ǵylymı qyzmetkeri. Óskemen qurylys-jol ınstıtýtynda assıstent, aǵa oqytýshy, kafedra dotsenti. 1981-1996 jyldary - Shyǵys Qazaqstan oblysy ákimi apparatynda bólim meńgerýshisi, ekologııa máseleleri jónindegi bas sarapshy. 1996 jyly - birinshi shaqyrylǵan QR Parlamenti Májilisiniń depýtaty, Ekologııa jáne tabıǵat paıdalaný máseleleri komıtetiniń múshesi. 1999-2002 jyldary - QR Tabıǵat resýrstary jáne qorshaǵan ortany qorǵaý mınıstrliginiń Sý resýrstary komıtetiniń tóraǵasy. 2002-2004 jyldary - QR Parlamenti Qarjy jáne bıýdjet komıteti hatshylyǵynyń meńgerýshisi. Qazirgi qyzmetinde - 2004 jylǵy jeltoqsannan beri. «Eren eńbegi úshin» medalimen marapattalǵan.

9 8 jyl buryn (1916-2009) Venesýelanyń 1969-1974 jáne 1994-1999 jyldardaǵy 41-shi prezıdenti Rafael Antonıo Kaldera RODRIGES dúnıege keldi.

7 2 jyl buryn (1942-1997) keńestik estparada ánshisi OBODZINSKII Valerıı Vladımırovıch dúnıege keldi.

5 3 jyl buryn (1961) nemis jáne amerıkan aktrısasy Nastasıa KINSKI dúnıege keldi.