24 balaǵa 1 mln. 680 myń teńge mólsherinde qaıyrymdylyq kómek kórsetildi
ASTANA. 20 tamyz. QazAqparat /Qanat Mámetqazyuly/ - Kúnkórisi tómen otbasylardyń balalaryna kómek kórsetý úshin 2011 jylǵy 1 tamyz ben 30 qyrkúıek aralyǵynda «Mektepke jol» respýblıkalyq aktsııasy jalǵasýda.
Bul týraly bilim mınıstrliginiń baspasóz qyzmetinen habarlandy.
Esterińizge sala keteıik, aktsııanyń maqsaty - kómekke muqtaj kúnkórisi tómen otbasylardyń balalaryna qoldaý kórsetý. Sonymen qatar, aǵymdaǵy jyly el tarıhyndaǵy mańyzdy oqıǵa - Qazaqstan Táýelsizdiginiń 20 jyldyǵyna oraı ákimdikterdi, maslıhattardy, bilim berý organdaryn, demeýshiler men metsenattardy, buqaralyq aqparat quraldaryn keńinen qatystyra otyryp, «Balalyq shaqty qorǵaýǵa 20 qadam» atty qaıyrymdylyq marafony da ótkizilýde. Budan bólek, aǵymdaǵy jylǵy 18 tamyzda QR Bilim jáne ǵylym mınıstrligi Balalardyń quqyqtaryn qorǵaý komıteti «Altyn qyran» Halyqaralyq qaıyrymdylyq qorynyń qatysýymen qaıyrymdylyq is-sharasyn ótkizdi. Bul rette kúnkórisi tómen otbasylardan shyqqan 24 balaǵa 1 mln. 680 myń teńge mólsherinde qaıyrymdylyq kómek kórsetilgen. Mekteptik qural-jabdyqtary, mektep kıim úlgisi, sport kıimderin jáne maýsymdyq kıimderdi satyp alý úshin ár ata-anaǵa 70 myń teńgeden tapsyryldy. Al «Arman PV» baspasy balalarǵa somasy 63 myń teńgege oqýlyq ádebıetterdi syıǵa tartty.
