24 aqpan. Tulǵalar týǵan kún
Búgin, 24 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
52 jyl buryn (1971) Qazaqstan Respýblıkasynyń Brazılııa Federatıvtik Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Argentına Respýblıkasyndaǵy, Chılı Respýblıkasyndaǵy Tótenshe jáne Ókiletti Elshisi qyzmetin qosa atqarýshy Bolat Turaruly NÚSІPOV dúnıege keldi.
Almaty qalasynda týǵan. 1993 jyly Qazaq Memlekettik álem tilderi ýnıversıteti nemis tili fakýltetinde, 1995 jyly Venadaǵy dıplomatııalyq akademııada, 2005 jyly Q. Sátbaev atyndaǵy Qazaq Ulttyq tehnıkalyq ýnıversıteti Ekonomıka fakýltetinde bilim alǵan.
Eńbek joly: 1994 jyly qańtar aıynan bastap QR SІM júıesinde qyzmet atqardy. 1994-1995 jyldary QR Syrtqy ister mınıstrligi Eýropa elderi basqarmasynyń referenti, attashesi, úshinshi hatshysy. 1995-2002 jyldary QR Aýstrııa Respýblıkasyndaǵy Elshiliginiń úshinshi hatshysy, ekinshi hatshysy, birinshi hatshysy. 2002-2005 jyldary QR Syrtqy ister mınıstrligi Eýropa jáne Amerıka departamentiniń keńesshisi, bólim bastyǵy. 2005-2010 jyldary QR Germanııa Federatıvtik Respýblıkasyndaǵy Elshiliginiń birinshi hatshysy, keńesshisi, Ekonomıka bólimniń basshysy. 2010-2011 jyldary QR Syrtqy ister mınıstrligi Eýropa departamenti dırektorynyń orynbasary. 2011-2012 jyldary QR Germanııa Federatıvtik Respýblıkasyndaǵy Elshiliginiń keńesshisi, Ekonomıka bólimniń basshysy. 2012-2014 jyldary QR Germanııa Federatıvtik Respýblıkasyndaǵy Elshiliginiń keńesshi-ýákili. 2014 jylǵy shildeden QR Germanııa Federatıvtik Respýblıkasyndaǵy Ýaqytsha-senimdi ókili. 2014-2019 jyldary QR Germanııa Federatıvtik Respýblıkasyndaǵy Tótenshe jáne Ókiletti Elshisi. 2019 jyldan qazirge deıin QR Syrtqy ister mınıstrligi Syrtqy ekonomıkalyq saıasat departamentiniń dırektory, QR Syrtqy ister mınıstrligi Reseı, Kavkaz jáne TMD-nyń Eýropalyq elderi departamentiniń dırektory.
2021 jyldyń aqpan aıynan bastap qazirgi qyzmetinde.
51 jyl buryn (1973) «Astana Opera» Memlekettik opera jáne balet teatrynyń dırektory Ǵalym Alǵauly AHMEDЬıAROV dúnıege keldi.
1995 jyly Qurmanǵazy atyndaǵy Almaty memlekettik konservatorııasyn, 2001 jyly Qurmanǵazy atyndaǵy qazaq ulttyq konservatorııasynyń aspırantýrasyn mýzyka óneri mamandyǵy boıynsha támamdady.
Eibek joly: 1995–1997 jyldary Qurmanǵazy atyndaǵy Almaty memlekettik konservatorııasynda ustazdyq etti. 1998-2007 jyldary QR Respýblıkalyq gvardııasy Prezıdenttik orkestrinde ulttyq aspaptar ansambliniń solısi, jetekshisi, 2007 jyly QR Mádenıet jáne aqparat mınıstrligi Mádenıet komıtetinde Óner basqarmasynyń basshysy boldy. 2008-2012 jyldary QR Mádenıet jáne aqparat mınıstrligi «Qazaq áýenderi» AQ basqardy, 2012-2013 jyldary «Qazaqstan mýzyka qaıratkerleriniń odaǵy» qoǵamdyq birlestiginiń keńesshisi, 2013-2014 jyldary QR Mádenıet mınıstrliginiń «Qazaqstan rýhanı damý qory» AQ-nyń prezıdenti, 2014 jyly QR Mádenıet jáne sport mınıstrligi «Qazaq áýenderi» AQ-nyń prezıdenti boldy. 2014 jyldyń 3 qarashasynan beri Qazaqstan Respýblıkasy Mádenıet jáne sport vıtse-mınıstri qyzmetin atqardy.
2016 jyldyń 28 qyrkúıeginde «Astana Opera» Memlekettik opera jáne balet teatrynyń dırektory bolyp taǵaıyndaldy.
49 jyl buryn (1975) Qazaqstan Respýblıkasy Іshki ister mınıstrligi Sh.Qabylbaev atyndaǵy Qostanaı akademııasy bastyǵynyń orynbasary, polıtsııa polkovnıgi Altaı Bısenuly BAISULTANOV dúnıege keldi.
Atyraý oblysy, Maqat aýdany, Dossor aýylynda týǵan.
1996 jyly Qazaqstan Respýblıkasy Іshki ister mınıstrliginiń Qaraǵandy joǵary mektebin bitirgen.
Eńbek joly: 1996-1999 jyldary QR Memlekettik tergeý komıtetiniń Qaraǵandy joǵary mektebinde oqytýshy, 1999-2003 jyldary QR Іshki ister mınıstrligi Qaraǵandy joǵary mektebiniń adıýnkti, Atyraý oblysy Іshki ister departamenti Oqý ortalyǵynyń bastyǵy, 2003-2016 jyldary QR Іshki ister mınıstrligi Aqtóbe zań ınstıtýtynyń biliktilikti arttyrý fakýltetiniń bastyǵy, 2016-2018 jyldary Atyraý oblysy Іshki ister departamenti Arnaıy daıyndyq basqarmasynyń bastyǵy, 2018-2019 jyldary Atyraý oblysy Memlekettik polıtsııa departamenti Arnaıy daıyndyq bóliminiń bastyǵy, 2019-2020 jyldary Atyraý oblysy TJD Arnaıy jáne jumyldyrý daıyndyǵy basqarmasynyń bastyǵy, 2020-2021 jyldary M.Bókenbaev atyndaǵy QR Іshki ister mınıstrligi Aqtóbe zań ınstıtýty basshysynyń ynbasary, 2021-2023 jyldary QR Іshki ister mınıstrligi M.Bókenbaev atyndaǵy Aqtóbe zań ınstıtýtynyń basshysy qyzmetin atqardy.
2023 jyldyń maýsym aıynan bastap qazirgi qyzmetinde.
48 jyl buryn (1976) Almaty oblysynyń ákimi Marat Eleýsizuly SULTANǴAZIEV dúnıege kelgen.
Almaty oblysynda týǵan. 1997 jyly Abaı atyndaǵy Almaty memlekettik ýnıversıtetin, 2001 jyly Qazaq memlekettik zań akademııasyn, 2010 jyly T.Rysqulov atyndaǵy Qazaq ekonomıkalyq ýnıversıtetin bitirdi.
Eńbek joly: 1997-2002 jyldary salyq organynda maman, salyq ınspektory, aǵa salyq ınspektory, jetekshi salyq ınspektory, bas salyq ınspektory, bólim bastyǵy, Almaty qalasy boıynsha Salyq komıtetiniń basqarma bastyǵy laýazymdarynda qyzmet etti, 2002-2006 jyldary Almaty qalasy Bostandyq aýdany boıynsha Salyq komıtetiniń aýdıt bóliminiń bastyǵy, 2006-2007 jyldary Almaty qalasy boıynsha Salyq komıtetiniń salyq apellıatsııasy, túsindirý jáne quqyqtyq qamtamasyz etý basqarmasynyń bastyǵy, 2007-2008 jyldary Almaty qalasy boıynsha Salyq komıtetiniń salyq aýdıti basqarmasynyń bastyǵy, 2008-2010 jyldary Almaty qalasy boıynsha salyq departamenti bastyǵynyń orynbasary, 2010-2011 jyldary QR Qarjy mınıstrliginiń Salyq jáne keden saıasaty taldaý jáne boljamdaý departamentiniń dırektory, 2011-2012 jyldary QR Qarjy mınıstrliginiń Salyq jáne keden zańnamalary máselelerin úılestirý, kiristerdi taldaý jáne boljamdaý departamentiniń dırektory, 2012-2013 jyldary QR Prezıdent Ákimshiliginiń Áleýmettik-ekonomıkalyq monıtorıng bóliminiń sektor meńgerýshisi, 2013-2014 jyldary QR Prezıdent Ákimshiliginiń Áleýmettik-ekonomıkalyq monıtorıng bóliminiń sektor meńgerýshisi, 2014-2017 jyldary QR Qarjy mınıstrliginiń Memlekettik kirister komıteti Almaty qalasy boıynsha memlekettik kirister departamentiniń basshysy, 2017-2018 jyldary QR Prezıdent Ákimshiliginiń Áleýmettik-ekonomıkalyq monıtorıng bóliminiń sektor meńgerýshisi, 2021-2022 jyldary QR Qarjy mınıstrligi Qazaqstan Respýblıkasy Memlekettik kirister komıtetiniń tóraǵasy, QR Qarjy mınıstrliginiń birinshi vıtse-mınıstri qyzmetin atqardy.
2022 jyldyń maýsym aıynan bastap qazirgi qyzmetinde.
48 jyl buryn (1976) Qazaqstan Respýblıkasynyń Sıngapýr Respýblıkasyndaǵy Tótenshe jáne Ókiletti Elshisi Asqar Seıdahmetuly QUTTYQADAM dúnıege keldi.
Shymkent qalasynda týǵan. 1998 jyly Ál-Farabı atyndaǵy Qazaq memlekettik ulttyq ýnıversıtetin bitirgen.
Eńbek joly: 1998 jyly QR SІM ekijaqty yntymaqtastyq departamenti Eýropa jáne Amerıka basqarmasynyń referenti, 1999-2001 jyldary QR SІM Ekijaqty yntymaqtastyq departamentiniń attashesi, úshinshi hatshy, 2001-2004 jyldary Qazaqstannyń Lıtvadaǵy Elshiliginde attashe, úshinshi hatshy, 2004-2005 jyldary Eýropa jáne Amerıka departamentinde jáne Aqparattyq-taldaý jumysy jáne boljamdy baǵalaý departamentinde birinshi hatshy, 2005-2007 jyldary QR SІM Aqparattyq-taldaý jumysy jáne boljamdy baǵalaý departamentiniń bólim bastyǵy, Qazaqstannyń Malaızııadaǵy Elshiliginiń keńesshisi, 2007-2009 jyldary QR QHR-daǵy Elshiliginiń keńesshisi, 2010-2011 jyldary QR SІM EQYU departamentiniń basqarma bastyǵy, dırektorynyń orynbasary, 2011-2012 jyldary QR SІM Jalpyeýropalyq yntymaqtastyq departamenti dırektorynyń orynbasary, 2012-2013 jyldary Qazaqstannyń Kanadadaǵy elshiliginiń keńesshi-ýákili, 2014-2015 jyldary QR Malaızııadaǵy Elshiliginiń keńesshisi, 2016-2018 jyldary QR SІM Syrtqy saıası taldaý jáne boljaý departamenti dırektorynyń orynbasary, 2018-2019 jyldary Qazaqstannyń Polshadaǵy Elshiliginiń keńesshisi, 2018-2022 jyldary QR Prezıdenti Ákimshiliginiń Syrtqy saıasat jáne halyqaralyq baılanystar bólimi meńgerýshisiniń orynbasary qyzmetin atqardy.
2023 jyldyń maýsym aıynan bastap qazirgi qyzmetinde.
37 jyl buryn (1987) QR Strategııalyq josparlaý jáne reformalar agenttiginiń ulttyq statıstıka bıýrosynyń basshysy Jandos Nurlanuly ShAIMARDANOV dúnıege keldi.
Shyǵys Qazaqstan oblysynda týǵan. 2009 jyly «Bolashaq» stıpendııasy boıynsha Ulybrıtanııadaǵy Iork ýnıversıtetin «Ekonomıka jáne qarjy» mamandyǵy boıynsha bitirgen.
Eńbek joly: 2009-2010 jyldary Ekonomıka jáne josparlaý mınıstrliginde bas sarapshy, 2010-2013 jyldary «Samuryq-Qazyna» AQ menedjeri, 2013-2014 jyldary Ekonomıka jáne bıýdjettik josparlaý mınıstriniń keńesshisi, 2014-2016 jyldary Ulttyq ekonomıka mınıstrliginiń Strategııalyq josparlaý jáne taldaý departamentiniń dırektory, 2016-2019 jyldary «Báıterek» UBH» AQ departament dırektory, basqarýshy dırektory, 2019-2020 jyldary «QazTech Ventures» AQ Basqarma tóraǵasy, 2020-2022 jyldary QR Ulttyq Bankiniń aqsha-kredıt saıasaty departamentiniń dırektory qyzmetin atqardy.
2023 jyldyń qyrkúıek aıynan bastap qazirgi qyzmetinde.
