24/7: Koronavırýsqa baılanysty Ulttyq saraptama ortalyǵy úzilissiz isteıdi

NUR-SULTAN. QazAqparat – Densaýlyq saqtaý mınıstrligi Ulttyq saraptama ortalyǵynyń tótenshe jaǵdaı kezindegi jumysy jaıly vıdeorolık jarııalady. Laboratorııa mamandary qazir táýlik boıy jumys isteýdi, dep habarlaıdy QazAqparat tilshisi.

«Ortalyqtyń dárigerleri tumaý jáne tumaýǵa uqsas aýrýlarǵa zertteý júrgizip jatyr. Dál osy jerde koronavırýs ınfektsııasynyń RNQ-syn anyqtaý jumystary atqarylady. Jalpy koronavırýs – RNQ-sy (rıbonýkleın qyshqyly) bar vırýs, ol tumaý ınfektsııasyna jatpaıdy. Biz muryn jáne aýyz qýysynan juǵyndy alyp, tekseremiz. Sebebi ol vırýs joǵary tynys alý joldary arqyly aǵzaǵa enedi», - deıdi Ulttyq saraptama ortalyǵy vırýsologııa laboratorııasynyń meńgerýshisi Aınash Maqysheva.

Búginde zerthana koronavırýs boıynsha epıdemıologııalyq ahýalǵa baılanysty táýlik boıy jumys istep jatyr.

«Laboratorııaǵa analız túsken bette 6-7 saǵattyń ishinde qorytyndysy daıyn bolady», - deıdi ol.