24-25 qarashada Densaýlyq saqtaý mınıstrligi «Ulttyq dári-dármek saıasaty. Damý perspektıvalary» atty halyqaralyq konferentsııa ótkizedi
ASTANA. 24 qarasha. QazAqparat - «24-25 qarashada Qazaqstan Respýblıkasy Densaýlyq saqtaý mınıstrligi «Ulttyq dári-dármek saıasaty. Damý perspektıvalary» atty halyqaralyq konferentsııa ótkizedi», dep habarlaıdy Densaýlyq saqtaý mınıstrliginiń baspasóz qyzmeti.
Baspasóz málimetterine qaraǵanda, konferentsııada 2012-2016 jyldarǵa arnalǵan Ulttyq dári-dármek saıasatynyń jańa tujyrymdamasynyń jobasy jáne ony júzege asyrýdyń ári qaraıǵy damý joldary talqylanady. Ondaǵy maqsat - azamattardyń qaýipsiz, tıimdi jáne sapaly dárilik kómek alý quqyǵyn qamtamasyz etý. Sonymen birge, jıynda ambýlatorııalyq dárilik qamsyzdandyrý júıesin damytý strategııasy, formýlıarlyq júıe, dárilik quraldarmen jabdyqtaý júıesi, dárilik quraldardy tirkeý máseleleri barlyq múddeli taraptardyń qatysýymen qarastyrylady. Konferentsııaǵa buǵan qosa Qazaqstandaǵy farmatsevtıkalyq bilimniń jáne klınıkalyq farmakologııa qyzmetiniń jaǵdaıy men damý perspektıvalaryn talqyǵa salady.
Atalmysh sharaǵa medıtsınalyq uıymdar, kásibı qoǵamdyq birlestikter, medıtsınalyq jáne farmatsevtıkalyq bilim berý salasyndaǵy uıymdar, farmatsevtıkalyq kompanııalar, Halyqaralyq qaıta qurý jáne damý banki, Dúnıejúzilik densaýlyq saqtaý uıymy jáne ıÝNISEF ókilderi qatysady.
