230 myń dollar jymqyrǵan alaıaq grek aralynda ustaldy

ALMATY. KAZINFORM -  ІІM izdeýde júrgen alaıaqtyń grek aralynda ustalǵanyn málimdedi.

«Gretsııa aýmaǵynda ornalasqan Hıos aralynda Qazaqstan ІІM Interpoly sheteldik áriptesterimen ózara is-qımyl nátıjesinde halyqaralyq izdeýge jarııalanǵan alaıaqty ustady.

2021 jyly Almatydaǵy JShS-niń biriniń býhgalteri bolyp jumys istegen áıel óziniń jeke shotyna 230 myń AQSh dollary mólsherinde qarajatty zańsyz aýdarǵan», — dep jazdy ІІM baspasóz qyzmetinen.

Qazirgi ýaqytta ustalǵan adamdy Qazaqstanǵa berý týraly másele sheshilip jatyr.

Aıta keteıik, buǵan deıin joǵary oqý ornyna túsirýge ýáde etken aqtóbelik alaıaqtyǵy úshin sottalǵan bolatyn.