230 myń dollar urlaǵan: kúdikti áıel Grekııadan elge ekstradıtsııalandy
ASTANA. KAZINFORM – Qazaqstan Respýblıkasy Bas prokýratýrasy men Іshki ister mınıstrliginiń Interpol qyzmetkerleri Grekııadaǵy Qazaqstan Elshiliginiń kómegimen asa iri kólemde alaıaqtyq jasaǵany úshin Qazaqstan azamatyn ekstradıtsııalady.
2021 jyly Almatydaǵy tasymaldaý kompanııasynda býhgalter bolyp jumys istegen kúdikti basshysynan 230 000 AQSh dollaryn banktik seıfte saqtaý maqsatynda alyp, ıemdengen dep aıyptalyp otyr.
Qylmys jasalǵannan keıin kúdikti jasyrynǵan jáne halyqaralyq izdeýde bolǵan.
2024 jylǵy maýsym aıynda Grekııa jerinde ustalyp, Qazaqstan tarapynan túsken ótinish negizinde elge jetkizildi.
Qazaqstan men Grekııa arasynda tikeleı áýe qatynasy joq bolǵandyqtan, ekstradıtsııa Serbııa arqyly tranzıttik tasymaldaý jolymen júzege asyryldy. Bul protseste Qazaqstannyń Serbııadaǵy Elshiligi kómek kórsetti.
Qazirgi ýaqytta kúdikti Astana qalasyndaǵy tergeý ızolıatoryna qamaldy.
Oǵan qatysty qylmystyq is qozǵalǵan. Zań boıynsha, múlki tárkilenip, belgili laýazymdardy atqarý nemese qyzmetpen aınalysý quqyǵynan 10 jylǵa deıin aıyrý jáne 10 jylǵa deıin bas bostandyǵynan aıyrý jazalary qarastyrylǵan.
