23 jyl túrme: Astanada balany óltirgen kútýshi áıel men kóńildesi sottaldy
Astanada kútýshi áıel men onymen birge turatyn er adam balany uryp-soǵyp óltirgen. Ekeýi de uzaq jylǵa túrmege qamaldy, dep habarlaıdy QazAqparat qala prokýratýrasyna silteme jasap.
Ótken jyly elordada bala kútýshi áıel men onymen birge turatyn adam kishkentaı balaǵa fızıkalyq kúsh qoldanyp, saldarynan ol kóz jumǵan.
«Qala prokýratýrasynyń úılestirýimen shuǵyl-tergeý toby qurylǵan. Іsti jedel ári obektıvti tergeý qamtamasyz etildi. Sotta memlekettik aıyptaýshylar atalǵan tulǵalardyń kinásin dáleldeıtin bultartpas aıǵaqtardy usyndy. Sot úkimimen olar sáıkesinshe 17 jáne 23 jylǵa bas bostandyqtarynan aıyryldy. Úkim zańdy kúshine endi», - delingen prokýratýra málimetinde.
