23 jeltoqsanǵa arnalǵan aýa raıy boljamy
ASTANA. QazAqparat - 23 jeltoqsan kúni Qazaqstan aımaqtarynyń basym bóliginde atmosferalyq frontaldy bólikterdiń ótýine baılanysty turaqsyz aýa raıy saqtalady, jaýyn-shashyn kútiledi, ońtústiktiń keı jerlerinde jaýyn-shashyn qatty bolatyny boljanady.
Jekelegen óńirlerde burqasyn, tuman, kóktaıǵaq bolyp, jel kúsheıedi.
Aqmola oblysynyń keı jerlerinde burqasyn turyp, 15-20 m/s jyldamdyqpen jel soǵady.
Batys Qazaqstan, Soltústik Qazaqstan oblystarynyń jekelegen jerlerinde jaıaý burqasyn bolady.
Jambyl, Ońtústik Qazaqstan, Qyzylorda oblystarynyń jekelegen aýmaqtarynda burqasyn, tuman, kóktaıǵaq kútiledi, jeldiń ekpini 15-28 m/s-qa deıin kúsheıedi.
Atyraý oblysynyń keı jerlerinde tuman boljanady.
Qostanaı, Qaraǵandy, Shyǵys Qazaqstan oblystarynyń keı aýmaqtarynda burqasyn, tuman bolyp, jeldiń jyldamdyǵy 15-20 m/s-qa jetýi múmkin.
Almaty oblysynyń keı jerlerinde tuman, kóktaıǵaq bolyp, kúndiz jel 15-20 m/s kúsheıedi.
Túnde Soltústik Qazaqstan oblysynda, Mańǵystaý oblystarynyń keı jerlerinde qatty aıaz bolýy yqtımal.
