23 jeltoqsanda «Innovatsııalyq Qazaqstan» respýblıkalyq konkýrsynyń komıssııasy úzdik 30 ótinimdi iriktep aldy
ASTANA. 26 jeltoqsan. QazAqparat -«23 jeltoqsanda «Samuryq-Qazyna» aktsıonerlik qoǵamy jastar arasynda uıymdastyrylǵan «Innovatsııalyq Qazaqstan» respýblıkalyq konkýrsynyń komıssııasy úzdik 30 ótinimdi iriktep aldy», - dep habarlaıdy aktsıonerlik qoǵamnyń baspasóz qyzmeti.
Іriktelip alynǵan jumystardy konkýrs komıssııasynyń quramyna kirgen iri ulttyq kompanııalardyń basshylary, sondaı-aq sarapshylar muqııat qarap, talqylaǵan. «Samuryq-Qazyna» qory basshylyǵynyń pikirinshe, «Innovatsııalyq Qazaqstan» konkýrsy bizdiń jastar jańashyl, progressıvti jáne qalypty emes oılanýǵa úırengendigin dáleldep shyqty. Jas avtorlar (qatysýshylardyń kópshiligi 19-25 jas aralyǵynda ekendigin eske sala keteıik) elimizdiń ındýstrııalyq damýyna yqpal ete alatyn jańa tehnologııalar usynǵan.
Kóptegen jobalar ekonomıkalyq turǵydan da, iske asyrý aýqymy jaǵynan da keshendi, tolyq pysyqtalǵan. Jekelegen jumystar, shyn máninde, munaı-gaz salasy úshin qyzyqty bolyp kórinedi. Ǵalymdar olardy tájirıbede iske asyrý jaǵyn qarastyrýy múmkin, - dep atap ótti «Qazaq munaı jáne gaz ınstıtýty» aktsıonerlik qoǵamynyń basqarma tóraǵasy Uzaqbaı Qarabalın.
Jalpy alǵanda, konkýrstyń uıymdastyrý komıtetine 2 myń 313 ıdeıa-usynys kelip tústi. Іriktelip alynǵan úzdik jumystar respýblıkamyzdyń túrli óńirlerinen kelgen, biraq basym kópshiligi Astana, Almaty jáne Shymkent qalalarynan jiberilgen. Jalpy alǵanda, ásirese QBTÝ, Nazarbaev Ýnıversıteti men OQMÝ stýdentterinen kelgen ótinimder sany basym. Bul otyz jobany daıyndaý barysynda aýqymdy ǵylymı jumys júrgizilgenin atap ótkim keledi, keıbir qatysýshylar tutas eksperıment te júrgizgen. Kóptegen jobalardy búgingi kúnniń ózinde bizdiń ulttyq kompanııalarda engizip, naqty bızneske taratýǵa bolady. Jekelegen ótinimderdi «Qazaqtelekom», «KEGOC», «QazMunaıGaz» ultyq kompanııasy sııaqty aktsıonerlik qoǵamdarǵa jiberdik, - deıdi «Samuryq-Qazyna» qorynyń basqarma tóraǵasy Qýandyq Bıshimbaev.
Buǵan deıin habarlanǵandaı, «Innovatsııalyq Qazaqstan» konkýrs komıssııasynyń quramyna «QazaqstanTemir Joly» kompanııasynyń prezıdenti Asqar Mamın, «Qazaqtelekom» kompanııasynyń basqarma tóraǵasy Qýanyshbek Esekeev, «KEGOC» kompanııasynyń basqarma tóraǵasy Baqytjan Qajıev, «QazTransOıl» kompanııasynyń basqarýshy dırektory Alekseı Pırogov, «Ulttyq ınnovatsııalyq qor» AQ basqarma tóraǵasy Aıdyn Qulseıitov, «Qazaq munaı jáne gaz ınstıtýty» AQ basqarma tóraǵasy Uzaqbaı Qarabalın, Qazaqstan-Brıtan tehnıkalyq ýnıversıtetiniń rektory Iskander Beısembetov jáne basqalar kirgen.
Otyz úzdik jumystyń ishinen on fınalshy iriktelip alynady, olardyń esimderi aldaǵy jyldyń basynda belgili bolady. Konkýrstyń ár atalymynda bir-birden eki jeńimpaz bas júlde - bilim berý grantyn ıelenedi.
