23 jeltoqsan. QazAqparat kúntizbesi
ESTE QALAR OQIǴALAR
1994 jyly Bishkekte Qazaqstan Respýblıkasynyń Elshiligi resmı ashyldy.
1994 jyly Almatydaǵy №12 qazaq orta mektebine Shoqan Ýálıhanovtyń esimi berildi.
1995 jyly Qazaqstan Respýblıkasynyń Prezıdenti N.Á.Nazarbaevtyń zańdyq kúshi bar «Jekeshelendirý týraly» Jarlyǵy shyqty.
2002 jyly Qazaqstan men Qytaı arasynda tatý kórshilik qarym-qatynas, dostastyq jáne seriktestik týraly Kelisimge qol qoıyldy.
2005 jyly Qazaqstannyń jerústi ǵarysh ınfraqurylymynyń birinshi nysany – «Aqkól» ǵaryshtyq baılanys ortalyǵy (ǴQO) paıdalanýǵa berildi.
Aýmaǵy 8 gektardan asatyn «Aqkól» OKQ rekordtyq 9 aıda salyndy. «Aqkól» UQK qurylymyna ǵarysh apparattarynyń ushýyn basqarý ortalyǵy (ǴBO), komandalyq-ólsheý júıelerine arnalǵan radıoapparatýra, baılanys monıtorıngi júıesi (SMS), baılanys jáne derekterdi berý júıesi kiredi.
2008 jyly «Qazaqstan halqynyń rýhanı damytý qory» AQ quryldy. Onyń negizgi maqsaty – Qazaqstan halqynyń dástúri men mádenı qundylyqtaryn damytýdy qoldaý jáne turaqty baqylaý.
2009 jyly el Prezıdenti Nursultan Nazarbaev «Egemen Qazaqstan» gazetiniń bas keńsesine baryp, gazettiń ujymyn basylymnyń 90 jyldyǵymen quttyqtady. «Egemen Qazaqstan – respýblıkamyzda qazaq tilinde shyǵatyn kóne gazet. Ár jyldary ony Júsipbek Aımaýytov, Beıimbet Maılın, Muhtar Áýezov, Sáken Seıfýllın, Oraz Jandosov, Ǵabıt Músirepov, Sherhan Murtaza, Ábish Kekilbaev sııaqty tanymal tulǵalar basqarǵan.
2010 jyly Japonııanyń Fýkýoka qalasynda Qazaqstan Respýblıkasynyń Japonııanyń damyǵan ónerkásip jáne ǵylymı-tehnıkalyq ortalyqtarynyń biri – Kıýshıý aımaǵynda Qurmetti konsýldyǵynyń ashylý saltanaty bolyp ótti.
2010 jyly Petropavlda Gýmınatarlyq kolledj ǵımaratyna Alash qozǵalysynyń qaıratkeri, aqyn, qazaq ádebıetiniń jarqyn juldyzy Maǵjan Jumabaevqa arnalǵan eskertkish taqta ornatyldy.
2013 jyly Qazaqstanda «Kitap mádenıetin damytýǵa qosqan úlesi úshin» atty jańa nagrada bekitildi. Medaldi Qazaqstannyń Ulttyq memlekettik kitap palatasy, Jazýshylar odaǵy, kitaphana, polıgrafshylar, baspagerler jáne kitap taratýshylar qaýymdastyǵy taǵaıyndady. Alǵashqy nagradalar Almaty qalasynda tabystaldy.
2014 jyly Máskeýde Nursultan Nazarbaev pen Vladımır Pýtınniń kezdesýi barysynda 2013 jylǵy 11 qarashadaǵy XXI ǵasyrdaǵy tatý kórshilik jáne odaqtastyq týraly QR men RF arasyndaǵy Shartty ratıfıkatsııalaý týraly gramota almasý týraly hattamaǵa qol qoıyldy.
2015 jyly QR Syrtqy ister mınıstrligi qazaq, orys jáne aǵylshyn tilderinde «Qazaqstan – Uly Dala eli» mýltımedııalyq qosymshasyn shyǵardy. Bul qosymshada kóptegen sýretter, rolıkter, beınesıýjetter, bizdiń tarıhymyz, mádenıetimiz týraly aqparattar bar.
2016 jyly Qazaqstan Respýblıkasy men Iran Islam Respýblıkasy birlesken toptyq týrıstik saparlardy jeńildetý boıynsha kelisimge qol qoıdy. Bul qujat 5-ten 50 adamǵa deıingi týrıstik toptar úshin vızalyq rejımdi jeńildetedi. Vıza toptaǵy bir adamǵa beriledi. Eki eldiń týrıstik bıligi Qazaqstannan Iranǵa jol júretin týrıstik toptaryn qalyptastyrýǵa jaýapty jergilikti týroperatorlardyń tizimimen bólisedi.
2020 jylyJaponııadaǵy eń bedeldi joǵary oqý oryndarynyń biri - Tsýkýba ýnıversıtetinde Ábý Nasyr ál-Farabı ortalyǵy ashyldy. Atalǵan ortalyq gýmanıtarlyq, áleýmettik jáne jaratylystaný ǵylymdary salasyndaǵy birlesken ǵylym-bilim jobalaryn iske asyrý, kórnekti ǵalym jáne fılosof ál Farabıdiń altyn entsıklopedııalyq murasyn ilgeriletýdiń biregeı halyqaralyq alańyna aınalýy tıis.
2021 jyly orta salmaqtaǵy qazaqstandyq Jánibek Álimhanuly (11-0, 7 KO) álemdik boksta sırek kezdesetin jetistikke qol jetkizdi. Ol óz salmaǵynda AVS tıtýldyq uıymdarynyń eń myqty15 boksshy reıtıngindegi ekinshi boksshy boldy.
ABC (Boks komıssııalarynyń qaýymdastyǵy) uıymdarynyń árqaısynyń orta salmaqta top-15 reıtıngine kiretin eki boksshy ǵana bar: olar Haıme Mýngııa jáne Jánibek Álimhanuly.
