23 jastaǵy qazaqstandyq Álisher Ápsálámov «Kardıff Sıtı» fýtbol klýbynyń menedjeri boldy
ASTANA. 9 qazan. QazAqparat - 23 jastaǵy qazaqstandyq Álisher Ápsálámov Anglııa premer lıgasynyń «Kardıff Sıtı» fýtbol klýbynyń menedjeri boldy, dep habarlaıdy sports.kz metro.co.uk portalyna silteme jasap.
«Komandanyń burynǵy menedjeri Molkı Makaı qyzmetinen shettetilip, ornyna 23 jastaǵy qazaqstandyq Álisher Ápsálámov turdy. Ulybrıtanııa halqy bul jańalyqqa ań-tań bolýda, óıtkeni «Kardıff Sıtıdiń» jańa menedjeriniń ne tıisti bilimi, ne fýtbol klýbtaryndaǵy jumys tájirıbesi joq. Atalǵan mindetti Ápsálámovqa júkteýge muryndyq bolǵan «Sııtıdiń» ıesi Vınsent Tan ekeni habarlanýda», - dep aıtylǵan habarlamada.
Eske sala keteıik, «Kardıff Sıtı» fýtbol klýby (aǵyl. Cardiff City Association Football Club) - Kardıff qalasyndaǵy kásibı fýtbol klýby. 1899 jyly 9 qazanda negizi qalanǵan klýb - Anglııa Kýbogyn jeńip alǵan anglııalyq emes eki klýbtyń biri.
Á.Ápsálámovtyń áleýmettik jelilerdegi betterine silteme jasaǵan vesti.kz saıtynyń aqparaty boıynsha, ol Tan ulynyń dosy bolyp tabylady.
