23 jastaǵy belgili qazaqstandyq sportshy qaıtys boldy
ASTANA. QazAqparat - 7 maýsym kúni qazirgi zamanǵy bessaıys boıynsha aǵa jattyqtyrýshy, QR qazirgi zamanǵy bessaıys federatsııasynyń Qyzylorda fılıalynyń burynǵy dırektory Ilıa Belyh mezgilsiz dúnıeden ozdy. Onyń ólimine júrek aqaýy sebep bolǵan.
Ilıa Belyh 1992 jyly 5 mamyr kúni Almaty qalasynda dúnıege kelgen. Sportpen jeti jasynan bastap shuǵyldandy. Júzýge belsendi qatysyp, 2006 jyly sport sheberiniń normatıvin oryndaǵan.
2009 jyly Sıngapýrda ótken jasóspirimder arasyndaǵy birinshi Azııa oıyndarynda kúmis medaldi jeńip aldy.
2009 jyldyń jazynda Japonııada jasóspirimder arasynda júzýden ótken Azııa oıyndarynda eki altyn medaldi ıelenip, jarystyń rekordyn ornatty.
2009 jyldyń qyrkúıek aıynda Vetnamda jabyq keshendegi úshinshi Azııa oıyndarynda estafetalyq komandalar quramynda altyn medaldiń úsh dúrkin ıegeri atandy.
2010 jyldyń jeltoqsan aıynda Gýanchjoýda ótken jazǵy Azııa oıyndarynda qola júldeni jeńip alyp, sonymen birge júzýden halyqaralyq klastaǵy sport sheberiniń normatıvin oryndaǵan.
2012 jyldyń qyrkúıek aıynda Qyzylorda qalasyna jiberilip, onda 10-12 jas aralyǵyndaǵy 80 balany jınap, qazirgi zamanǵy bessaıys federatsııasynyń negizin qalady. Jattyqtyrýshy bolyp jumys istegen ýaqytta, Ilıanyń oqýshylary jeńil atletıkadan jarystardyń júldegerleri atanǵan.
