23 jastaǵy almatylyq koronavırýs juqtyrǵan naýqastarǵa mýzykalyq terapııa uıymdastyrady

ALMATY. QazAqparat - 23 jastaǵy Baqytbek Ámirhan Almatydaǵy juqpaly aýrýlar aýrýhanasynda 3 aıdan beri jumys isteıdi. Aýrýhanada oǵan «Dımash» degen laqap at qoıǵan. Jas sanıtar naýqastarǵa jıi-jıi án salyp beredi, dep habarlaıdy QazAqparat tilshisi.

Baqytbek Ámirhan karantınge deıin meıramhanalarda án aıtyp, akterlik sheberlik boıynsha sabaq bergen. Eldegi karantın rejimine baılanysty ol jumyssyz qaldy. Sodan keıin, koronavırýsqa shaldyqqan naýqastardy emdeıtin aýrýhanaǵa volonter retinde jumysqa ornalasty.

« Aýrýhanaǵa volonter retinde jumys isteý týraly sheshim qabyldadym. Ata-anam bul týraly bir aıdan keıin bildi, sebebi , otbasymnyń men úshin alańdaǵanyn qalamadym. Gospıtalda jumys istep júrip men kóptegen medıtsınalyq daǵdylardy úırenip qana qoımaı, ómirdi, týystarymdy qadirleýdi ári baǵalaýdy úırendim», - deıdi Almaty turǵyny.

Jumys barysynda jas sanıtar naýqastardy óz ónerimen tánti etti.

«Men kóptegen naýqastarmen birden til tabysyp kettim. Palatalaryna kelgenimde qatty qýanady. Olarǵa eki tilde óleń oqyp berem. Meniń ánderim olardy shabyttandyrady jáne rýhtaryn kóteredi», - dep bólisti Ámirhan.

Karantın aıaqtalǵannan keıin jas jigit shyǵarmashylyǵyn shyńdaýdy josparlap otyr.

«Men sheteldik án baıqaýlaryna qatysýdy armandaımyn. Sondaı-aq, daryndy balalardy oqytatyn mektep ashqym keledi»- dep sózin aıaqtady Baqytbek Ámirhan.