23 jalǵan kásiporyn qurǵan uıymdasqan qylmystyq top ókilderi memleketti 4 mıllıard teńgege shyǵynǵa batyrdy
ASTANA. 18 qańtar. QazAqparat /Aıdar Ospanalıev/ - Astana qalalyq Ekonomıkalyq qylmysqa jáne sybaılas jemqorlyqqa qarsy kúres departamentiniń ókilderi memleketke 4 mlrd teńgeden astam shyǵyn keltirgen uıymdasqan qylmystyq topty áshkereledi.
Bul týraly búgin 2010 jyldyń qorytyndylaryna baılanysty jýrnalıstermen kezdesken atalmysh departamenttiń baspasóz-hatshysy Tolqyn Nábıeva málim etti.
Onyń aıtýynsha, atalmysh qylmystyq top ókilderi 23 jalǵan kásiporyn quryp, salyqtan jaltarǵan. Sot top ókilderiniń barlyǵyn aıypty dep tapty. «Sondaı-aq qylmystyq top quryp, jalǵan kásipkerlikpen aınalysqan Faleı atty azamatsha 4 jylǵa bas bostandyǵynan aıyryldy. Olardyń áreketterinen kelgen shyǵyn 640 mıllıon teńgeni qurady»,- dedi baspasóz-hatshysy.
