23 tamyz. Týǵan kún ıeleri

NUR-SULTAN. QazAqparat – QazAqparat 23 tamyzǵa arnalǵan «Týǵan kún ıeleri» kúntizbesin usynady.

ESІMDER

77 jyl buryn (1944) qazaq aqyny, Qazaqstannyń eńbek sińirgen qaıratkeri, Qazaqstan Respýblıkasy Memlekettik syılyǵysynyń laýreaty Aqushtap BAQTYGEREEVA dúnıege keldi.

Batys Qazaqstan oblysy Aqjaıyq aýdany Aqjaıyq aýylynda týǵan. 1966 jyly Qazaq memlekettik qyzdar pedınstıtýtynyń fılologııa fakýltetin támamdaǵan.

Eńbek joly: 1966-1971 jyldary Oral oblystyq «Oral óńiri», Taldyqorǵan oblystyq «Oktıabr týy», respýblıkalyq «Qazaq ádebıeti» gazetterinde ádebı qyzmetker, 1971-1972 jyldary «Qazaqfılm» kınostýdııasynda redaktor, 1972-1975 jyldary «Juldyz» jýrnalynda ádebı qyzmetker, 1975–1981 jyldary «Jazýshy» baspasynyń aýdarma redaktsııasynda redaktor bolǵan. Qazir Qazaqstan Jazýshylar odaǵynyń Batys Qazaqstan oblystyq fılıalynyń dırektory.

Tuńǵysh óleńder jınaǵy «Órimtal» 1967 jyly jaryq kórdi. «Naz» (1969), «Qanyshym – ińkárim» (1971), «Seni oılaımyn» (1973), «Aq qanat» (1975), «Baqyt áni» (1978), «Jaıyq qyzy» (1980), «Belokrylaıa» (1981), «Aqjeleń» (1985), «Súmbile» (1990) atty kitaptary basylyp shyqty. 2001 jyly «Aq shaǵala» atty tańdamaly jyr jınaǵy, 2004 jyly «Lebedınaıa vernost» atty jınaǵy jaryq kórgen. S. Kapýtıkıan, V. Týshnova, A. Ahmatova óleńderin qazaq tiline aýdarǵan. Kóptegen án mátinderiniń avtory.

Qurmet» (2005) ordenimen; «Qazaqstan Respýblıkasynyń táýelsizdigine 10 jyl» (2001), «10 jyl Astana» (2008), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 20 jyl» (2015), «Qazaqstan Respýblıkasynyń táýelsizdigine 25 jyl» (2016), «20 jyl Astana» (2018) medaldarimen; «Til janashyry» (2008), «Qazaqstan Respýblıkasynyń polıtsııasyna 20 jyl» (2015), «Jeltoqsan oqıǵasyna – 30 jyl» (2016) tósbelgilerimen marapattalǵan.

64 jyl buryn (1957) «Abaı atyndaǵy Qazaq ulttyq pedagogıkalyq ýnıversıteti» KEAQ Dırektorlar keńesiniń tóraǵasy Gúlmıra Istaıbekqyzy ISІMBAEVA dúnıege keldi.

Jambyl oblysynda týǵan. Jambyl pedagogıkalyq ınstıtýtynyń fılologııa fakýltetin orys tili men ádebıetiniń muǵalimi mamandyǵy boıynsha, sondaı-aq S.M. Kırov atyndaǵy QazMÝ-dyń zań fakýltetin zańger-quqyqtanýshy mamandyǵy boıynsha bitirgen.

Eńbek jolyn muǵalim, orta mektep dırektorynyń orynbasary bolyp bastaǵan. 1990-1993 jyldary – XII saılanǵan Qazaq SSR Joǵarǵy Keńesiniń depýtaty, on ekinshi saılanǵan Qazaqstan Respýblıkasy Joǵarǵy Keńesiniń Ǵylymdy damytý jáne halyqqa bilim berý máseleleri jónindegi komıtetiniń hatshysy, komıtet tóraǵasynyń orynbasary. 1993-2007 jyldary – Almaty qalasy bilim departamentiniń dırektory. 2007-2011 jyldary – ІV saılanǵan Qazaqstan Respýblıkasy Parlamenti Májilisiniń depýtaty. 2012-2016 jyldary – besinshi saılanǵan Qazaqstan Respýblıkasy Parlamenti Májilisiniń depýtaty. 2016-2021 jyldary – altynshy saılanǵan Qazaqstan Respýblıkasy Parlamenti Májilisiniń depýtaty, Májilis Tóraǵasynyń orynbasary. «Nur Otan» partııasynyń múshesi.

2021 jyldyń qańtarynan bastap qazirgi qyzmetinde.

12 jyldyq bilim berý baǵdarlamasy boıynsha 1-synypqa arnalǵan «Býkvar» oqýlyǵynyń, 11 jyldyq bilim berý baǵdarlamasy boıynsha 1-synypqa arnalǵan «Býkvarenok» oqý quralynyń, «ıAzykovoe samosoznanıe ı motıvatsııa ıazykov» oqýlyǵynyń avtory.

«Qurmet» ordenimen, «Eren eńbegi úshin» medalimen, omyraý belgisi usynyla otyryp, Qazaqstan Respýblıkasy Prezıdentiniń alǵys hatymen, Y. Altynsarın omyraý belgisimen, «M.V. Lomonosov» medalimen, A.S. Pýshkın medalimen, gramotalarmen, Almaty qalasy ákiminiń alǵys hatymen marapattalǵan.

54 jyl buryn (1967) Soltústik Qazaqstan oblysynan saılanǵan Qazaqstan Respýblıkasy Parlamenti Senatynyń depýtaty, Qarjy jáne bıýdjet komıtetiniń tóraǵasy Olga Valentınovna PEREPEChINA dúnıege keldi.

Soltústik Qazaqstan oblysynda týǵan. Qorǵan aýylsharýashylyq ınstıtýtyn ekonomıka jáne aýyl sharýashylyǵyn uıymdastyrý mamandyǵy boıynsha bitirdi (1989).

Eńbek joly: «Novokamenskıı» sovhozynyń ekonomısi (1989-1992); agrofırmanyń bas ekonomısi (1992-1996); Qyzyljar aýdandyq qarjy basqarmasynyń basshysy (1996-2002); Soltústik Qazaqstan oblysyndaǵy statıstıka departamenti basshysynyń orynbasary, basshysy (2011-2014); Qazaqstan Respýblıkasy Parlamenti Senatynyń depýtaty, Qarjy jáne bıýdjet Komıtetiniń múshesi (2014-2020).

2020 jyldyń tamyz aıynan bastap qazirgi qyzmetinde.

«Qurmet» ordeni (2016); «Qazaqstan táýelsizdigine 10 jyl», «Qazaqstan Konstıtýtsııasyna 10 jyl», «Qazaqstan táýelsizdigine 20 jyl» medaldarynyń ıegeri.

48 jyl buryn (1973) Áleýmettik medıtsınalyq saqtandyrý qory Basqarma Tóraǵasynyń orynbasary Ermek Serikuly PІRІMBETOV dúnıege keldi.

Almaty qalasynda týǵan. 1995 jyly Qazaq memlekettik basqarý akademııasyn bitirgen. Mamandyǵy – halyqaralyq ekonomıst.

Eńbek joly: 1995-1997 jyldary kásipkerlikpen aınalysqan; 1997-2000 jyldary «Almaty saýda-qarjy banki» AAQ-da túrli qyzmetter atqarǵan; 2000 jyly «Qazposhta» ulttyq kompanııasy» AQ Basqarma Tóraǵasynyń orynbasary bolyp taǵaıyndalǵan. Osy qyzmetti 2004 jylǵa deıin atqaryp, Basqarma Tóraǵasynyń birinshi orynbasarlyǵyna deıin kóterildi; 2005-2006 jyldary – QR Indýstrııa jáne tehnologııalar mınıstrligine qarasty «Qazınvest»ınvestıtsııalarǵa qoldaý kórsetý ortalyǵy» JAQ prezıdenti; 2006-2009 jyldary – «Eýrazııalyq damý banki» halyqaralyq uıymy jobalaý tobynyń dırektory; 2008-2011 jyldary – «Respýblıka» JZQ» AQ Dırektorlar keńesi múshesi – Táýelsiz dırektor, DK janyndaǵy Іshki baqylaý jáne qarjy komıteti tóraǵasy; 2011-2014 jyldary – «Qazposhta» ulttyq kompanııasy» AQ Basqarma Tóraǵasynyń keńesshisi, keıin Basqarma Tóraǵasynyń birinshi orynbasary, Basqarma Tóraǵasynyń orynbasary, Basqarma Tóraǵasynyń m.a.; 2014-2015 jyldary – «Zerde» ulttyq aqparattyq kommýnıkatsııalar holdıngi» AQ Basqarma Tóraǵasynyń orynbasary; 2015-2017 jyldary – Qazaqstan Respýblıkasynyń Sankt-Peterbýrg qalasyndaǵy (Reseı Federatsııasy) bas konsýly; 2017 jyldan «Lızıng Grýpp» AQ Dırektorlar keńesiniń múshesi – Táýelsiz dırektor, «Halyqaralyq jasyl tehnologııalar jáne ınvestıtsııalyq jobalar ortalyǵy» KEAQ Basqarma Tóraǵasynyń keńesshisi;

2019 jyldan bastap – qazirgi qyzmetinde.