23 tamyzda Taıaý Shyǵysta bolǵan oqıǵalarǵa sholý
ASTANA. KAZINFORM — Kazinform agenttiginiń menshikti tilshisi 23 tamyz kúni Taıaý Shyǵysta Gaza sektoryndaǵy soǵys jáne Iran men Izraıl arasyndaǵy óńirlik shıelenis tóńireginde bolǵan oqıǵalarǵa sholý usynady.
AQSh vıtse-prezıdenti jáne Demokratııalyq partııa atynan prezıdenttikke kandıdat Kamala Harrıs Chıkagodaǵy Demokratııalyq partııanyń Ulttyq sezinde sóılegen sózinde kepilge alynǵandardy bosatý jáne atysty toqtatý týraly kelisimge kelý ýaqyty taıaǵanyn málimdedi. Ol sondaı-aq barlyq ýaqytta Izraıldiń ózin-ózi qorǵaý quqyǵyn qoldaýǵa ýáde berdi.
Reuters agenttiginiń habarlaýynsha, Singapore Airlines, British Airways jáne Lufthansa sońǵy aılarda Aýǵanstan ústinen ushý sanyn kóbeıtti, óıtkeni Iran men Izraıl arasyndaǵy áýe keńistigi Aýǵanstannyń áýe keńistigine qaraǵanda qaýiptirek dep sanaıdy.
Oǵan qosa, Germanııanyń Lufthansa áýe kompanııasy Tel-Avıv pen Tegeranǵa ushý úzilisin 2 qyrkúıekke deıin uzartatynyn jáne Beırýtqa reısterdi 30 qyrkúıekke deıin toqtata turatynyn habarlaıdy.
Ótken táýlikte Izraıl áskerı-áýe kúshteri Gaza sektorynda 30-dan astam nysanaǵa soqqy bergen, onda áskerler shaıqas júrgizip, ondaǵan sodyrlardy joıǵan, bul týraly Izraıl qorǵanys armııasynyń tańǵy esebinde aıtylǵan.
Izraıl qorǵanys armııasynyń málimeti boıynsha, búgin Lıvannan Soltústik Izraılge 100-ge jýyq zymyran atylǵan. Sońǵy 40-qa jýyq zymyran atysy Kırıat-Shmona aımaǵyna baǵyttalǵan.
Irannyń jańa syrtqy ister mınıstri Abbas Aragchı EO-nyń syrtqy saıasat jónindegi Joǵarǵy ókili Jozep Borrelmen telefon arqyly sóıleskennen keıin ekijaqty máselelerdi sheshý úshin Eýropalyq Odaqpen dıalog júrgizýge shaqyrdy.
«Iran Islam Respýblıkasy ózara qurmet jaǵdaıynda Eýropalyq odaqpen qarym-qatynastyń damýyn quptaıdy», — delingen Aragchı málimdemesinde.
Óz tarapynan Borrel mundaı «synı dıalog» aımaqtyq shıelenisti jeńildetý úshin qajet dep sanaıdy.
مسيّرة إسرائيلية تغير على منزل وسيارة كانت مركونة بجانبه في بلدة عيتا الجبل (قضاء بنت جبيل) في #جنوب_لبنان pic.twitter.com/W92lXAIktU
— جريدة الأخبار — Al-Akhbar (@AlakhbarNews) August 23, 2024
BUU agenttikteri Gaza sektory halqynyń shamamen 90%-y Izraıl men HAMAS soǵysyna baılanysty qonys aýdarǵanyn málimdedi.
IRNA Iran aqparat agenttigi habarlaǵandaı, Irannyń jańa syrtqy ister mınıstri Abbas Aragchı telefon arqyly óziniń frantsýz jáne brıtandyq áriptesterine óz eliniń ótken aıda Tegeranda HAMAS kóshbasshysy Ismaıl Hanııany óltirgeni úshin Izraılden kek alýǵa quqyly ekenin aıtty.
Lıvandyq BAQ Izraıl drondarynyń Lıvannyń ońtústigindegi Aıta-ál-Djabal qalasyndaǵy turǵyn úıge jáne jaqyn mańdaǵy kólikke soqqy jasaǵanyn habarlady. Málimetterge sáıkes, soqqydan eń kemi eki adam zardap shekken.
طائرة مسيّرة للاحتلال تقصف سيارة عند مفرق بلدة #معركة في جنوب لبنان.#لبنان #جنوب_لبنان #طوفان_الأقصى #إسرائيل #الاحتلال_الإسرائيلي #الحدود_الشمالية #حزب_الله pic.twitter.com/M5qXPTip6Q
— Lebanon Trend (@LebanonTrend_) August 23, 2024
Sondaı-aq, ońtústikte Tır okrýgindegi Maarake qalasynda ızraıldik dron kólikke soǵylǵan.
Izraıl qorǵanys armııasy Gaza qalasynyń Zeıtýn aýdanyndaǵy burynǵy Alı ben Abı Talıb mektebiniń ǵımaratynda ornalasqan HAMAS komandalyq pýnktine áýe shabýylyn jasaǵanyn málimdedi.
Spoke to the new IR FM @aragchi about prospects for renewed engagement on all files of mutual interest, incl. the need for deescalation & restraint, halting military cooperation w/ RU against UA, & nuclear nonproliferation. Critical dialogue essential to defuse regional tensions.
— Josep Borrell Fontelles (@JosepBorrellF) August 22, 2024
Dúnıejúzilik densaýlyq saqtaý uıymynyń habarlaýynsha, Gaza sektoryndaǵy 10 aılyq bala ekinshi tıpti polıomıelıt vırýsymen sal aýrýyna shaldyqqan. Bul osy aýmaqta 25 jyldaǵy alǵashqy jaǵdaı. BUU agenttikteri ár balany shuǵyl vaktsınalaýǵa shaqyrýda.
«Polıomıelıt balalardy palestınalyq nemese ızraıldik dep bólip-jarmaıdy. Gýmanıtarlyq kidiristi keıinge qaldyrý balalar arasynda vırýstyń taralý qaýpin arttyrady», — dedi BUU palestınalyq bosqyndar agenttiginiń (BAPOR) basshysy Fılıpp Lazzarını H áleýmettik jelisinde.
Aq úı AQSh araǵaıyndyq etken Izraıl men HAMAS arasyndaǵy atysty toqtatý týraly kelissózder quldyraý aldynda tur degen habarlardy joqqa shyǵarady. Ulttyq qaýipsizdik keńesiniń ókili Djon Kırbı jýrnalısterge arnalǵan brıfıngte keshe Kaırde kelissózde ilgerileýshilik bolǵanyn aıtty, degenmen bul kelissóz negizinen Izraıl men Egıpet arasynda ótken.
Gaza sektorynan Izraıldiń ońtústigindegi Sderot qalasyna eki zymyran atyldy. Zymyrandardyń birin áýe qorǵanysy ustap úlgerdi, ekinshisi ashyq jerge qulady.
Osydan keıin Izraıl armııasy Atatra aımaǵyndaǵy palestınalyqtardy evakýatsııalaýǵa jáne «Gaza qalasynyń batysyndaǵy panalarǵa» barýǵa shaqyrdy.
Sırııanyń SANA aqparat agenttiginiń habarlaýynsha, Izraıl avıatsııasy Sırııanyń ortalyq bóligindegi birneshe nysanǵa soqqy jasap, jeti beıbit turǵynǵa zııan keltirdi.
Sondaı-aq, Sırııanyń áýe qorǵanysy zymyrandardyń bir bóligin atyp túsirgen.
Sırııa adam quqyqtaryn saqtaýdy baqylaý ortalyǵy (SOHR) Izraıldiń áýe shabýyldary Hamsa jáne Homa provıntsııalarynda bolǵanyn, saldarynan 3 adam qaza taýyp, 10 adam jaraqat alǵanyn jetkizdi.
Halyqaralyq qylmystyq sottyń bas prokýrory Kárim Han sýdıalar alqasyn sottyń premer-mınıstr Bınıamın Netanıahýdy, qorǵanys mınıstri Ioav Gallantty jáne Hamas jetekshisi ıAhıa Sınvardy tutqyndaýǵa order berýge quqyǵy bar-joǵy týraly sheshim qabyldaýǵa shaqyrdy.
