23 tamyzda saılaý ýchaskelerinde onlaın tirkeý servısteri iske qosylady
ASTANA. KAZINFORM — Saılaý kúni 5 myńnan astam ýchaskede tirkeýdi tekserý servısi qoljetimdi bolady, dep habarlaıdy Ortalyq saılaý komıssııasynyń baspasóz qyzmeti.
23 tamyzda saılaý ýchaskelerinde arnaıy onlaın servıster iske qosylady. Atalǵan servısterdi engizý saılaýshylardy tolyq esepke alýdy qamtamasyz etýge jáne azamattardyń konstıtýtsııalyq saılaý quqyǵyn iske asyrýy úshin qosymsha jaǵdaılar jasaýǵa baǵyttalǵan.
Birinshi servıs saılaý ýchaskesiniń ózinde azamattyń turǵylyqty jeri boıynsha tirkelýiniń bar-joǵyn tekserýge múmkindik beredi.
Ekinshisi — saılaý ýchaskesiniń mekenjaıy boıynsha ýaqytsha tirkeýdi júzege asyrady. Atap aıtqanda, tirkeýdi tekserý servısin saılaý komıssııalarynyń músheleri saılaýshylar tizimine engizilmegen azamat ótinish bildirgen kezde paıdalanady.
— Eger tekserý nátıjesinde azamattyń saılaý ýchaskesiniń shekarasyndaǵy mekenjaı boıynsha turaqty tirkeýi bar ekeni anyqtalsa, saılaý komıssııasy ony saılaýshylar tizimine engizip, oǵan bıýlleten beredi. Osydan keıin azamat daýys bere alady. Bul servıs búkil el boıynsha 5 106 saılaý ýchaskesinde qoljetimdi bolady. Eger Qazaqstanda turǵylyqty jerińiz boıynsha tirkeýińiz bolmasa, «Ýaqytsha tirkeý» servısin paıdalanýǵa bolady, — deıdi komıssııa músheleri.
Bul kúni 221 saılaý ýchaskesinde «shaǵyn HQKO» jumys isteıdi. Olardyń qyzmetkerleri azamattardy saılaý ýchaskesiniń mekenjaıy boıynsha ýaqytsha tirkeı alady. Tirkeýden ótip, derekter tekserilgennen keıin azamat saılaýshylar tizimine engizilip, oǵan daýys berý úshin bıýlleten beriledi.
Buǵan deıin Quryltaı saılaýy kúni 16 saǵattyq jalpyulttyq online-marafon ótetini anyqtaldy.
