23 tamyzda qansha saılaý ýchaskesi jumys isteıdi
ASTANA. KAZINFORM — Ortalyq saılaý komıssııasynyń múshesi Azamat Aımanaqumov QR Quryltaıynyń depýtattaryn saılaýda daýys berý tártibin aıtyp berdi.
— Daýys berý 10423 saılaý ýchaskesinde ótedi. Onyń ishinde 61 shet memleketterdegi Qazaqstan Respýblıkasynyń ókilettikteri janynda qurylǵan 79 saılaý ýchaskesi bar, — dedi ol Ortalyq saılaý komıssııasynyń otyrysynda.
Sonymen birge, saılaýshylardyń tirkelgen orny boıynsha qurylǵan saılaý ýchaskelerinde daýys berý tańǵy 07:00–den keshki 20:00–ge deıin júrgiziledi. Alaıda keı ýchaskelerde ózgeshelikter bolýy múmkin.
— Áskerı bólimderde, shalǵaı jáne qatynasý qıyn aýdandarda, shalǵaıdaǵy mal sharýashylyǵy ýchaskelerinde, úzdiksiz jumys isteıtin óndirisi bar uıymdarda, demalys úılerinde, sanatorıılik-kýrorttyq uıymdarda, statsıonarlyq jaǵdaıda emdelip jatqan, jumysty vahtalyq ádispen uıymdastyrý oryndarynda qoǵamnan ýaqytsha oqshaýlaýdy qamtamasyz etetin arnaýly mekemelerde, QR shet memleketterdegi ókilettikteri janynda qurylǵan saılaý ýchaskelerinde eger tizimge engizilgen barlyq saılaýshy daýys berse, ýchaskelik saılaý komıssııasy kez kelgen ýaqytta daýys berýdi aıaqtaldy dep jarııalaı alady. Mundaı ýchaskelerdiń sany — 625, — dedi QR Ortalyq saılaý komıssııasynyń múshesi.
Aıta keteıik, buǵan deıin Quryltaı saılaýyn 777 halyqaralyq baıqaýshy baqylaıtynyn jazǵanbyz.
