23 tamyz. Kazinform kúntizbesi. Tulǵalar týǵan kún
Búgin, 23 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
Aqushtap BAQTYGEREEVA, qazaq aqyny, Qazaqstannyń eńbek sińirgen qaıratkeri, Qazaqstan Respýblıkasy Memlekettik syılyǵysynyń laýreaty
1944 jyly Batys Qazaqstan oblysy Aqjaıyq aýdany Aqjaıyq aýylynda týǵan. 1966 jyly Qazaq memlekettik qyzdar pedınstıtýtynyń fılologııa fakýltetin támamdaǵan.
Eńbek joly: 1966-1971 jyldary Oral oblystyq «Oral óńiri», Taldyqorǵan oblystyq «Oktıabr týy», respýblıkalyq «Qazaq ádebıeti» gazetterinde ádebı qyzmetker, 1971-1972 jyldary «Qazaqfılm» kınostýdııasynda redaktor, 1972-1975 jyldary «Juldyz» jýrnalynda ádebı qyzmetker, 1975–1981 jyldary «Jazýshy» baspasynyń aýdarma redaktsııasynda redaktor bolǵan. Qazaqstan Jazýshylar odaǵynyń Batys Qazaqstan oblystyq fılıalynyń dırektory boldy.
Tuńǵysh óleńder jınaǵy «Órimtal» 1967 jyly jaryq kórdi. «Naz» (1969), «Qanyshym — ińkárim» (1971), «Seni oılaımyn» (1973), «Aq qanat» (1975), «Baqyt áni» (1978), «Jaıyq qyzy» (1980), «Belokrylaıa» (1981), «Aqjeleń» (1985), «Súmbile» (1990) atty kitaptary basylyp shyqty. 2001 jyly «Aq shaǵala» atty tańdamaly jyr jınaǵy, 2004 jyly «Lebedınaıa vernost» atty jınaǵy jaryq kórgen. S. Kapýtıkıan, V. Týshnova, A. Ahmatova óleńderin qazaq tiline aýdarǵan. Kóptegen án mátinderiniń avtory.
«Qurmet» (2005) ordenimen, «Qazaqstan Respýblıkasynyń táýelsizdigine 10 jyl» (2001), «10 jyl Astana» (2008), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 20 jyl» (2015), «Qazaqstan Respýblıkasynyń táýelsizdigine 25 jyl» (2016), «20 jyl Astana» (2018) medaldarymen, «Til janashyry» (2008), «Qazaqstan Respýblıkasynyń polıtsııasyna 20 jyl» (2015), «Jeltoqsan oqıǵasyna — 30 jyl» (2016) tósbelgilerimen marapattalǵan.
Aqan BIJANOV, memleket jáne saıasat qaıratkeri
1949 jyly Almaty oblysynda týǵan. Qazaq polıtehnıkalyq ınstıtýtyn, Almaty joǵary partııa mektebin bitirgen. Injener-elektrık, saıasattanýshy. Saıası ǵylymdar doktory. Saıası ǵylymdar akademııasynyń vıtse-prezıdenti.
2000-2005 jyldary Almaty qalasy ákiminiń orynbasary, 2005-2017 jyldary QR Parlamenti Senatynyń depýtaty, 2017-2021 jyldary «Fılosofııa, saıasattaný jáne dintaný ınstıtýty» RMK dırektory qyzmetin atqarǵan. Almaty qalalyq ardagerler keńesiniń tóraǵasy (2021 jyldan beri). QR Parlamenti Senatynyń janyndaǵy Senatorlar keńesiniń múshesi. QR Prezıdentiniń janyndaǵy Ulttyq Keńestiń múshesi.
«Qurmet», «Parasat», TMD PAA «Sodrýjestvo» ordenderimen marapattalǵan.
Asqar JÚSІPBALIEV, Aqtóbe oblysy Aýyl sharýashylyǵy basqarmasynyń basshysy
1963 jyly Aqtóbe oblysy, Oıyl aýdany, Úıil aýylynda týǵan. Batys Qazaqstan aýyl sharýashylyǵy ınstıtýtyn «Agronom» mamandyǵy boıynsha bitirgen. Almaty ekonomıka jáne statıstıka akademııasy, «Ekonomıst» mamandyǵy; Q.Jubanov atyndaǵy Aqtóbe óńirlik memlekettik ýnıversıtetin «Quqyqtaný» mamandyǵy boıynsha bitirgen.
Eńbek joly: 1987-1991 jyldary agronom-tuqymshy, Hobdın aýdandyq partııa komıtetiniń nusqaýshysy, 1991-1998 jyldary Hobdınskıı Reseı aýyl sharýashylyǵy basqarmasynyń bas agronomy, bastyǵynyń orynbasary, 1998-2007 jyldary «Bestaý» JShS dırektory, 2007-2008 jyldary Aqtóbe oblysynyń jer qatynastary basqarmasy basshysynyń orynbasary, 2008-2011 jyldary QR Jer resýrstaryn basqarý agenttiginiń Aqtóbe jáne Batys Qazaqstan oblystary boıynsha óńiraralyq jer ınspektsııasynyń basshysy, 2011-2016 jyldary Aqtóbe oblysy Hobdın aýdanynyń ákimi, 2016-2018 jyldary Aqtóbe oblysy Temir aýdanynyń ákimi qyzmetterin atqardy.
2025 jyldyń qańtar aıynan beri qazirgi qyzmetinde.
Olga PEREPEChINA, qoǵam jáne saıasat qaıratkeri
1967 jyly Soltústik Qazaqstan oblysynda týǵan. 1989 jyly Qorǵan aýyl sharýashylyǵy ınstıtýtyn ekonomıka jáne aýyl sharýashylyǵyn uıymdastyrý mamandyǵy boıynsha bitirdi.
Eńbek joly: 1989-1992 jyldary «Novokamenskıı» keńsharynyń ekonomısi, 1992-1996 jyldary agrofırmanyń bas ekonomısi, 1996-2002 jyldary Qyzyljar aýdandyq qarjy basqarmasynyń basshysy, 2011-2014 jyldary Soltústik Qazaqstan oblysyndaǵy statıstıka departamenti basshysynyń orynbasary, basshysy, 2014-2020 jyldary QR Parlamenti Senatynyń depýtaty, Qarjy jáne bıýdjet Komıtetiniń múshesi, 2017-2022 jyldary QR Parlamenti Senatynyń depýtaty, Qarjy jáne bıýdjet komıtetiniń tóraǵasy qyzmetin atqarǵan. 2022-2026 jyldary QR Parlamenti Senaty Tóraǵasynyń orynbasary qyzmetinde boldy.
«Qurmet» ordeni (2016), «Qazaqstan táýelsizdigine 10 jyl», «Qazaqstan Konstıtýtsııasyna 10 jyl», «Qazaqstan Táýelsizdigine 20 jyl», taǵy basqa medaldar ıegeri.
Faızýlla BAIDÝLLAEV, Túrkistan oblysy ákimi apparatynyń basshysy
1985 jyly Shymkentte týǵan. OQMÝ «bank isi» mamandyǵy boıynsha, Shymkent ýnıversıtetin «zańger» mamandyǵy boıynsha bitirgen.
Eńbek joly: 2005-2009 jyldary «Alıans Bank» júıesinde jumys atqardy. 2009-2016 jyldary «Agrarlyq nesıe korporatsııasy» AQ Ońtústik Qazaqstan oblysy boıynsha keńesshi, bólim basshysy, 2016-2019 jyldary «Agrarlyq nesıe korporatsııasy» AQ Túrkistan oblysy boıynsha fılıaly dırektorynyń orynbasary, 2019-2022 jyldary «Agrarlyq nesıe korporatsııasy» AQ Túrkistan oblysy boıynsha fılıalynyń dırektory, 2022 jyly Ordabasy aýdany ákiminiń keńesshisi, 2022-2025 jyldary «Túrkistan» ÁKK basqarma tóraǵasy, 2025-2026 jyldary Túrkistan oblysy Aýyl sharýashylyǵy basqarmasynyń basshysy laýazymyn atqarǵan.
2026 jyldyń maýsym aıynan bastap qazirgi qyzmetinde.
