23 shilde. Jylnama
Kazinform oqyrman nazaryna 23 shildege arnalǵan ataýly kúnder men este qalar oqıǵalar kúntizbesin usynady.
ATAÝLY KÚNDER
Búkilálemdik kıtter men delfınder kúni
Bul kún 200 jylǵa jalǵasqan aıaýsyz qyryp-joıýdan keıin,1986 jyly kıtterdi aýlaýǵa tyıym salǵannan bastap Kıtter qasaphanasy halyqaralyq komıssııasy (International Whaling Commission: IWC) tarapynan bekitildi. Tyıym búgingi kúnge deıin óz kúshinde jáne barlyq álemde kıtterdi aýlaýǵa, sondaı-aq olardyń saýdasyna ruqsat etilmeıtindigin bildiredi.
ESTE QALAR OQIǴALAR
1992 jyly Qazaqstan Respýblıkasy Grýzııa Respýblıkasymen dıplomatııalyq qarym-qatynas ornatty.
1992 jyly Qazaqstan Respýblıkasy Kolýmbııa Respýblıkasymen dıplomatııalyq qarym-qatynas ornatty.
1999 jyly Qazaqstan Respýblıkasynyń «Buqaralyq aqparat quraldary týraly» Zańy qabyldandy.
2004 jyly Qazaqstanda munaı sapasy banki quryldy. Kompanııanyń kómirsýtekti shıkizat bazasy munaıdy tasymaldaý, saqtaýdyń túrli kezeńderinde ony teńestirýge jol ashady.
2010 jyly Frantsııa Senatynyń Qarjy jónindegi komıssııasynyń Astana jáne Almaty qalalaryna sapary barysynda komıssııa tóraǵasy Jan Artıýı Qyzylaǵash aýylyndaǵy sý tasqynynan zardap shekken otbasylarǵa qarjylaı gýmanıtarlyq kómek beriletinin jetkizdi. Frantsııa elshiligi «Jansúgirov qoryna» 30 myń eýro (5,7 mln teńge) mólsherinde qarajat aýdarǵanyn málim etti. Qarjylaı kómek Qyzylaǵash aýylyndaǵy 560 úıdi suıyltylǵan gazben qamtamasyz etý jáne gaz plıtalaryn satyp alýǵa jumsaldy.
2019 jyly Baıqońyr ǵarysh aılaǵyna ushý aldyndaǵy daıyndyq úshin Skybot F-850 antropomorfty roboty jetkizildi. Skybot F-850 adam tektes robotyn «Android tehnıkasy» kompanııasy men TJM tehnıkalyq tapsyrmasy boıynsha Perspektıvalyq zertteýler qory jasaǵan. Ol orbıtada 1,5 apta bolyp, sodan keıin Jerge oraldy.
2019 jyly QR Tsıfrlyq damý, ınnovatsııalar jáne aeroǵarysh ónerkásibi mınıstrligi Aeroǵarysh komıtetiniń «Respýblıkalyq ǵaryshtyq baılanys ortalyǵy» (RǴBO) AQ jáne Intelsat Global Sales & Marketing Ltd (Intelsat GS&M) halyqaralyq spýtnıktik baılanys uıymy yntymaqtastyq týraly kelisimge qol qoıdy. Sondaı-aq, «RǴBO» AQ men Intelsat GS&M ókilderiniń kezdesýi kezinde keleshekte birlesken baılanys spýtnıgin jasaý, sondaı-aq Almaty oblysyndaǵy «Kókterek» ǵaryshtyq baılanys ortalyǵy bazasynda qazaqstandyq teleportty paıdalanýdyń jańa múmkindikteri talqylandy.
2021 jyly qazaqstandyq akter Erkebulan Daıyrov Kanndaǵy World Film festival kınofestıvalinde «Úzdik azııalyq akter» nomınatsııasyn jeńip aldy. Akter qazaqstandyq rejısser Elıa Gılmannyń «Kúnbaǵys» fılmindegi róli úshin marapatqa ıe boldy.
2021 jyly qostanaılyq aǵaıyndy Artem men Aleksandr Kýlık álemniń eń bıik taý shyńdarynyń biri - Elbrýsty baǵyndyrdy.
2021 jyly Kókshetaýda aýyl sharýashylyǵy tehnıkasyn satý jáne qyzmet kórsetý boıynsha TMD-daǵy iri servıstik ortalyq ashyldy. Munda «John Deere» tehnıkasyn jóndeý boıynsha tolyqtaı qyzmet túrleri kórsetiledi. Zamanaýı tehnıka quraldary bar bul servıstik ortalyqta aýyl sharýashylyǵy salasynyń qazirgi zamanǵy talaptary men úrdisterine saı keletin jabdyqtar bar, Qazaqstan boıynsha qosalqy bólshekterdi úzdiksiz jetkizedi, kúrdeli jóndeý júrgizip, buzylǵan tehnıkany qalpyna keltiredi. Sondaı-aq, munda fermerler men jas mamandardy aýyl sharýashylyǵyndaǵy jańa tehnologııalardy ıgerýdi de oqytady.
2023 jyly BAQ jáne týrızmniń 1-shi Halyqaralyq forýmynda Aqparat jáne áleýmettik damý mınıstri Darhan Qydyráli «Úrker» ulttyq syılyǵyna eki jańa nomınatsııa qosylatynyn habarlady: úzdik YouTube arnasy jáne úzdik podkast. Bul salanyń damýyna serpin berip, túrki álemin jaqyndata túsedi.
