23 shildede Qazaqstanda jaýyn-shashyndy aýa raıy saqtalady
ASTANA. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen naızaǵaı oınap, jeldiń uıtqýymen jaýyn-shashyndy aýa raıy saqtalady, keı jerlerde tuman túsip, burshaq jaýýy kútiledi, dep habarlady Qazgıdromet.
Mańǵystaý, Atyraý, Aqtóbe, Qaraǵandy, túnde Almaty oblystarynda keı jerlerde jeldiń ekpini 15-22 m/s-qa deıin kúsheıedi. Jambyl, Atyraý, Batys Qazaqstan oblystarynda da jel 15-20 m/s-qa deıin kúsheıedi.
Pavlodar oblysynda keı jerlerde burshaq túsedi. Soltústik Qazaqstan, Qostanaı oblystarynda keı jerlerde tuman túsedi.
Aqmola oblysynda keı jerlerde tuman túsedi, jeldiń kúshi 15-20 m/s, kúndiz burshaq jaýýy yqtımal. Shyǵys Qazaqstan oblysynda tumandy bolyp, jel 15-20 m/s-qa deıin kúsheıedi, kúndiz burshaq túsýi múmkin.
Mańǵystaý, Qaraǵandy oblystarynda aptap ystyq saqtalady.
Qyzylorda, Ońtústik Qazaqstan oblystarynda, Jambyl, Almaty, Qaraǵandy, Aqtóbe oblystarynyń keı jerlerinde tótenshe órt qaýpi bar.
