23 sáýir. Tulǵalar týǵan kún
Búgin, 23 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1962) Qazaqstan Respýblıkasy Parlamenti Májilisiniń VIII shaqyrylymynyń depýtaty, Áleýmettik-mádenı damý komıtetiniń múshesi Qazybek Jarylqasynuly ISA dúnıege keldi.
Ońtústik Qazaqstan (qazirgi Túrkistan) oblysynda týǵan. 1984 jyly Abaı atyndaǵy Qazaq memlekettik pedagogıkalyq ınstıtýtynyń kórkemdik-grafıkalyq fakýltetin támamdaǵan.
Eńbek joly: 1984-1991 jyldary Shardara aýdany Qyzylqum aýylynda orta mektep muǵalimi, 1991-1993 jyldary«Jas qazaq» birinshi respýblıkalyq demokratııalyq gazetiniń bólim meńgerýshisi, 1993-1998 jyldary «Órken» gazetiniń bólim redaktory, 1998-2000 jyldary «Qazaqparat» baspa korporatsııasynyń vıtse-prezıdenti, 2000-2002 jyldary «Jas qazaq úni» gazeti birinshi bas redaktory — dırektory, 2009-2012 jyldary «Jas qazaq úni» gazeti redaktorlar keńesi tóraǵasy — bas dırektory, «Juldyzdar qupııasy» jýrnalynyń bas redaktory, «Turan» baspasynyń dırektory qyzmetinde boldy. 2019 jyldan bastap — QR Prezıdenti janyndaǵy Ulttyq qoǵamdyq senim keńesi múshesi.
2023 jyldyń naýryz aıynan bastap qazirgi qyzmetinde.
«Qurmet» (2011), «Parasat» (2018) ordenderimen, «Qazaqstan Respýblıkasynyń táýelsizdigine 20 jyl» (2011), «Sergeı Esenın» (2014) medaldarymen, «Mádenıet qaıratkeri» (2009), «Til janashyry» (2011), «Aqparat salasynyń úzdigi» (2014) tós belgilerimen marapattalǵan. «Tátti shól» kitaby úshin Halyqaralyq «Alash» ádebı syılyǵyn (2008) alǵan.
45 jyl buryn (1981) «Qazaqstannyń avıatsııalyq ákimshiligi» AQ Basqarma múshesi – qoldaý jáne resýrs jónindegi atqarýshy dırektor Ásem Amantaıqyzy SEIІTOVA dúnıege keldi.
«Esep jáne aýdıt» mamandyǵy boıynsha joǵary bilim (2002); Ekonomıka magıstri.
Eńbek joly: QR Memlekettik kiris mınıstrliginde, QR Qarjy mınıstrliginiń Salyq komıtetinde, «KazTransCom» AQ-da, «Samuryq-Qazyna» jyljymaıtyn múlik qory» AQ-da jumys istegen (2002); «Qazaeronavıgatsııa» RMK Ekonomıka jáne tarıfter departamentiniń dırektory QR Avıatsııa ákimshiligi bas dırektorynyń orynbasary (2024-2025).
2025 jyldyń sáýir aıynan bastap qazirgi qyzmetinde.
36 jyl buryn (1990) «Intergaz Ortalyq Azııa» AQ dırektorlar keńesiniń múshesi Mıras Qaparǵalıuly QIıAQOV dúnıege keldi.
Almatyda dúnıege kelgen.
Almaty energetıka jáne telekommýnıkatsııa ýnıversıtetin, elektr energetıkasy ınjeneri, ınjenerııa jáne tehnologııa bakalavry (2012); elektr energetıkasy ınjeneri, ınjenerııa jáne tehnologııa magıstri (2014); Almaty basqarý ýnıversıtetin, ekonomıka jáne bıznes, ekonomıka jáne bıznes bakalavry (2017).
Eńbek joly: «Almaty elektr stantsııalary JEO-2» AQ relelik qorǵanys jáne avtomatıka ınjeneri (2012-2017); «Almaty elektr stantsııalary JEO-2» AQ relelik qorǵanys jáne avtomatıka tobynyń basshysy (2017-2019); «Crystal Management» AQ jetekshi energetıki (2019-2021); «Qazaqstan ınvestıtsııalyq damý qorynyń» aǵa taldaýshysy (2021-2023); «Qazaqstan ınvestıtsııalyq damý qorynyń» ınfraqurylym departamentiniń dırektory (2023-2024); «Samuryq-Qazyna» ulttyq ál-aýqat qorynyń energetıkalyq aktıvter sektorynyń basshysy (2024).
108 jyl buryn (1918-2006) Qazaqstannyń Halyq qaharmany, jazýshy, Ekinshi dúnıejúzilik soǵys ardageri, áıgili partızan Qasym QAISENOV dúnıege kelgen.
Shyǵys Qazaqstan oblysynyń Ulan aýdanynda týǵan. Óskemen saıası-aǵartý tehnıkýmyn bitirgen. 1939-1940 jyldary Pavlodar oblystyq oqý bóliminde ınspektor boldy. 1940 jyly Qyzyl armııa qataryna shaqyrylyp, arnaýly áskerı mektepten ótken. Ekinshi dúnıejúzilik soǵys jyldarynda jaý tylynda partızandyq qozǵalysty uıymdastyrýǵa belsene qatysqan. Partızan qozǵalysynyń alǵashqy jetekshileri retinde Zakarpate, Moldavııa, Rýmynııa, Chehoslovakııa jerin nemis basqynshylarynan azat etýge, kóptegen kúrdeli operatsııalardy júzege asyrýǵa qatysqan. Qasym Qaısenov soǵys jyldarynda ózin ójet, tapqyr jáne uıymdastyrý qabileti zor komandır retinde kórsetti. Ol basshylyq etken otrıad kóptegen operatsııalardy sátti júzege asyryp, jaýǵa dúrkin-dúrkin soqqy bergen. 1945-1953 jyldary Qazaq KSR Joǵarǵy Keńesi tóralqasynda, Jambyl oblysynyń Jýaly, Sverdlov aýdandyq keńesteriniń atqarý komıtetinde jaýapty qyzmette bolǵan. 1953-1970 jyldary Qazaqstan Jazýshylar odaǵynda, «Jazýshy», «Qaınar» baspalarynda redaktor, dırektordyń orynbasary qyzmetterin atqarǵan. UOS kezindegi óziniń partızandyq ómir joly, qarýlas dostarynyń qaharmandyq erlik isteri jaıly syr shertetin «Jas partızandar», «Ilko Vıtrıak» «Pereıaslav partızandary», «Ajal aýzynda», «Partızan soqpaqtary», t. b. áńgime, ocherk, povest jınaqtaryn shyǵarǵan. Shyǵarmalary orys, ýkraın, qyrǵyz, t. b. tilderge aýdarylǵan. Kórkem aýdarma salasynda M. Mýratovtyń «Lomonosovtyń jastyq shaǵy», Nıkolaı Tomannyń «Sabyltqan saǵym», Mamed Kýlızade Jalıldiń «Poshta jáshigi» kitaptaryn qazaq tiline tárjimalaǵan.
3-dárejeli «B. Hmelnıtskıı», 2 márte 1-shi dárejeli «Otan soǵysy» ordenderimen, kóptegen medaldarmen, sondaı-aq «Chehoslovakııa partızany» ordenimen, esimi jazylǵan qarýmen marapattalǵan.