23 sáýirde Qazaqstanda naızaǵaı oınap, jel kúsheıedi - aýa raıy
ASTANA. 22 sáýir. QazAqparat - 23 sáýirde Qazaqstan aýmaǵynyń basym bóligi atmosferalyq aǵyndardyń yqpalynda bolyp, keı jerlerde jańbyr jaýady, jel kúsheıedi, respýblıkanyń soltústik jáne shyǵys bóliginde ǵana antıtsıklonnyń áserinen kún ashyq bolady.
Bul týraly TJM baspasóz qyzmeti Qazgıdrometke silteme jasap habarlaıdy.
Ońtústik Qazaqstan, Qyzylorda, Qaraǵandy, Atyraý oblystarynda keı jerlerde naızaǵaı oınap, jeldiń kúshi 15-20 m/s-ke deıin kúsheıedi.
Aqmola, Mańǵystaý oblystarynda keı jerlerde jeldiń ekpini 15-20 m/s bolyp, kúndiz naızaǵaı oınaıdy.
Jambyl, Batys Qazaqstan oblystarynda keı jerlerde naızaǵaı oınaýy, kúndiz jeldiń 15-20 m/s-ke deıin kúsheıýi kútiledi.
Qostanaı oblysynda kúndiz keı jerlerde naızaǵaı oınap, jeldiń ekpini 15-20 m/s-ke jetedi, túnde jáne tańerteń tuman túsedi.
Shyǵys Qazaqstan, kúndiz Soltústik Qazaqstan oblystarynda keı jerlerde jeldiń 15-20 m/s-ke deıin kúsheıýi kútiledi.
Almaty oblysynda túnde Jalańashkól aýdanynda jeldiń 15-20 m/s-ke deıin jetýi kútiledi.
Taıaýdaǵy táýlikterde respýblıkanyń ońtústigindegi, ońtústik-shyǵysyndaǵy jáne shyǵysyndaǵy taý ózenderinde sýdyń deńgeıi qubylady. Pavlodar oblysynyń sheginde Ertis ózeninde Shúlbi sý qoımasyna sý jiberilýiniń artýyna baılanysty sý deńgeıiniń kóterilýi jalǵasady.
