23 sáýirde Qazaqstan halqy Assambleıasynyń XXII sessııasy ótkiziledi
Assambleıanyń 20 jyldyǵyna oraı ótetin XXII sessııaǵa 3 000 astam adam qatysady.
Olardyń qatarynda elimizdiń óńirlerindegi Assambleıa músheleri men ardagerleri, respýblıkalyq jáne óńirlik etnomádenı birlestikterdiń jetekshileri, Parlament depýtattary, ortalyq atqarý organdarynyń, saıası partııalardyń, dinı birlestikterdiń, ÚEU basshylary, JOO-lar rektorlary, shetelderdegi dıplomatııalyq mıssııalar, ǵylymı, shyǵarmashylyq zııaly qaýym jáne BAQ ókilderi bar.
Sessııanyń sońynda saltanatty kontsert uıymdastyrylady.
QHA-nyń HHІІ sessııasynyń otyrysy qarsańynda, 2015 jylǵy 22 sáýirde Qazaqstan Respýblıkasynyń Memlekettik hatshysy Gúlshara Ábdiqalyqovanyń qatysýymen QHA jumysynyń birqatar ózekti máseleleri talqylanatyn Assambleıa Keńesiniń keńeıtilgen májilisi ótkiziledi.
Sonymen qatar, XXII sessııa qarsańynda «QHA - 20 izgi is» jáne «Meniń Qazaqstanym» poıyzy» respýblıkalyq aktsııalarynyń qorytyndylary shyǵarylady.
Óńirlerden keletin delegat-qatysýshylarǵa arnalǵan is-sharalar aıasynda ortalyq memlekettik organdar basshylarymen, QR Parlamenti Májilisiniń depýtattarymen kezdesýler, Astana qalasynyń kórikti jerlerine ekskýrsııalar uıymdastyrylady.
* * *
QHA-nyń XXII sessııasy Assambleıanyń 20 jyldyǵy merekelenetin jyly ótkiziledi.
Memleket basshysynyń Jarlyǵymen 2015 jyl QHA jyly bolyp jarııalandy. Qazaqstan halqy Assambleıasynyń jylyn jáne Konstıtýtsııanyń 20 jyldyǵyn uıymdastyrý men ótkizý boıynsha Úkimet qaýlysymen Ulttyq is-sharalar jospary bekitildi.
1995 jylǵy 1 naýryzda jańa ınstıtýt - Qazaqstan halqy Assambleıasyn qurý týraly Qazaqstan Respýblıkasy Prezıdentiniń Jarlyǵyna qol qoıyldy.
Osy tarıhı kún táýelsiz Egemen Qazaqstan qurýda, qazirgi zamanǵa laıyq memleket túzý jolynda, irgeli áleýmettik-ekonomıkalyq ózgeristerdi, beıbitshilik pen birlik ıdeıasyn júzege asyrýda jáne Qazaqstan halqynyń qoǵamdyq kelisimin saqtaýda túbegeıli betburys boldy.
2007 jyly Assambleıa konstıtýtsııalyq organǵa aınalyp, parlamenttik ókildik kepildigin - QR Parlamenti Májilisine 9 depýtat saılaý quqyǵyn ıelendi.
2008 jylǵy 20 qazanda qabyldanǵan «Qazaqstan halqy Assambleıasy týraly» Zań Assambleıa jumysy men qurylymyn normatıvtik-quqyqtyq retteýdi, eldiń qoǵamdyq-saıası júıesindegi onyń orny men rólin aıshyqtap, konstıtýtsııalyq parlamenttik ókildikti zańnamalyq qamtamasyz etti.
Assambleıanyń negizgi strategııalyq qujattary - «Qazaqstannyń el birligi doktrınasy», «Qazaqstan halqy Assambleıasynyń (2020 jylǵa deıingi) damý tujyrymdamasy» qabyldandy.
20 jyl ishinde Assambleıa N.Á.Nazarbaevtyń etnosaralyq toleranttylyq pen qoǵamdyq kelisimniń qazaqstandyq úlgisin qalyptastyrýda bedeldi býynǵa aınaldy.
Ú.j. QHA-nyń aıshyqty is-sharalary ótkizildi. 2015 jylǵy 6 aqpanda Astana qalasynda, oblys jáne aýdan ortalyqtarynda Qazaqstan halqy Assambleıasy jyly resmı saltanatty ashyldy. Saltanatty ashylý rásimi barysynda 9 respýblıkalyq konkýrstar jarııalandy, QHA jylynyń Týy kóterildi. Respýblıkanyń 2 800 eldi mekeninde barlyǵy 1 mln. 375 myń adam qatysqan 4 120 is-shara ótti.
2015 jylǵy 28 aqpanda Qazaqstan halqy Assambleıasyn qurý týraly QR Prezıdentiniń Jarlyǵyna qol qoıylǵanyna 20 jyl tolýyna arnalǵan «Meniń Qazaqstanym» atty Qazaqstan halqynyń forýmy ótkizildi.
Forým aıasynda «Beıbitshilik pen kelisimniń jol kartasy» mega-jobasynyń qorytyndysy shyǵaryldy, óńirlerden kelgen delegattar jastardyń respýblıkalyq «Qamqor» patrıottyq jobasy jáne «Tarıh taǵylymy» atty qazaqstandyq kıno kúnderin jarııalady.
QHA-nyń 20 jyldyq mereıtoıyna arnalǵan aýqymdy is-sharalar elimizdiń barlyq óńirlerinde ótkizildi.
2014 jylǵy 1 naýryzdan bastap «Beıbitshilik pen kelisimniń jol kartasy» mega-jobasynyń aıasynda respýblıka boıynsha 1464 eldi mekende 830 myń adamnyń qatysýymen áleýmettik baǵyttaǵy 2700 is-sharalar ótkizildi. Turǵyndardyń áleýmettik az qamtylǵan bóligine jatatyn 33 myń adamǵa azyq-túlik qorjyny, turmystyq tehnıka, medıtsınalyq jabdyqtar, dári-dármekter, kıim-keshekter jáne t.b. materıaldyq qoldaý kórsetildi.
Elimizde aqpan-sáýir aılarynda «QHA - 20 izgi is» atty respýblıkalyq aktsııa ótkizilýde. Aktsııanyń nyshany - qasıetti Túrkistan qalasynan jetkizilgen, halyqtyń birligi men berekesin beıneleıtin «Taıqazan».
«Taıqazan» óńirden óńirge «qaıyrymdylyq isterge toltyrylyp», QHA-nyń HHІІ sessııasy qarsańynda astanaǵa jol tartady. Aktsııa aıasynda turǵyndardyń áleýmettik az qamtylǵan bóligine, soǵys jáne tyl ardagerlerine, balalar úıleri men ınternattardyń tárbıelenýshilerine ataýly kómekter kórsetiledi.
2015 jylǵy 23 naýryzdan bastap, «Meniń Qazaqstanym» poıyzy» atty áleýmettik aktsııa bastaldy. Aktsııanyń maqsaty - memleket basshysynyń «Máńgilik El» jalpyulttyq ıdeıasynyń, joldaýlarynyń negizgi taraýlaryn halyqqa túsindirý, turǵyndarǵa medıtsınalyq, áleýmettik, quqyqtyq qyzmet kórsetý, kásipkerlikti qoldaý, aýyl sharýashylyǵyn damytý týraly keńester berý, mádenı jáne qoǵamdyq, t.b. is-sharalar ótkizý.
«Meniń Qazaqstanym» poıyzy 30 kún ishinde elimizdiń barlyq óńirindegi 29 eldi mekendi aralap, 22 sáýirde Astana qalasyna qaıta oralady.
Poıyz jumysynda barlyq áleýmettik toptar qamtylady, turǵyndardyń áleýmettik az qamtylǵan bóligine, UOS ardagerlerine, elimizdiń alys aımaqtarynda ornalasqan eldi mekender turǵyndaryna erekshe nazar aýdarylady. Aktsııa aıasynda jeke marshrýtpen alys beketter men aıaldamalar turǵyndaryna medıtsınalyq kómek kórsetetin «densaýlyq poıyzdary» - «Salamatty Qazaqstan», «Densaýlyq» jáne «Járdem» poıyzdary jiberildi.
5-11 sáýir aralyǵynda Shymkent qalasynda Qazaqstannyń etnostyq teatrlarynyń ІІІ respýblıkalyq festıvali ótkizilýde. Festıval aıasynda otandyq jáne qazirgi zaman avtorlarynyń shyǵarmalarynan etnostyq teatrlar ujymdarynyń oryndaýynda qoıylymdar usynylady.
Festıvaldyq spektaklderdiń qoıylymdary 6-9 sáýir aralyǵynda kún saıyn saǵ.11.00-de jáne 19.00-de kórermender nazaryna usynylady. Barlyq spektaklderge kirý tegin.
21 naýryzda Astana jáne Almaty qalalarynda, oblystarda Naýryz meıramyna arnalǵan «Bir el - bir taǵdyr» atty QHA festıvalderi ótkizildi.16 naýryzda jáne 27 naýryzda Kókshetaý men Taraz qalalarynda «Elimniń taǵdyry - meniń taǵdyrym» atty respýblıkalyq forým ótti.
Naýryz jáne mamyr aılarynda QHA «Asar» atty áleýmettik yntymaq aktsııasyn jáne Uly Otan soǵysy ardagerlerine qamqorlyq jasaý aılyǵyn ótkizedi.
QHA jyly aıasyndaǵy túrli baǵyttaǵy is-sharalar 2015 jyl boıy jalǵasady.
Assambleıa jylynyń qorytyndysy 2015 jylǵy jeltoqsan aıynda Qazaqstan halqynyń forýmynda shyǵarylady.
QHA jyly - naqty ister jyly. Birtutas Qazaqstan halqynyń teńdessiz jáne eleýli jetistikterin aıshyqtaıtyn jyl. Assambleıa jyly - Qazaq handyǵy qurylǵanynyń 550 jyldyǵy, Konstıtýtsııanyń 20 jyldyǵy, Uly Jeńistiń 70 jyldyǵy.
Qazaqstan halqynyń birligi men yntymaqtastyǵy, beıbitshilik jyly.
Qazaqstan halqy Assambleıasynyń jyly - N.Á.Nazarbaevtyń etnosaralyq toleranttylyq pen qoǵamdyq kelisimniń qazaqstandyq úlgisiniń saltanat qurý jyly.
