23 naýryz kúni el aýmaqtarynda tuman men jeldiń kúsheıýi saqtalady
ASTANA. QazAqparat - Atmosferalyq fronttardyń ótýine baılanysty 23 naýryz kúni respýblıkanyń batys, ońtústik-shyǵys, shyǵys jáne ońtústik aımaqtarynyń keı jerlerinde jaýyn-shashyn kútiledi.
Jekelegen jerlerde tuman túsip, jeldiń kúsheıýi saqtalady. Batysta jaıaý burqasyn júredi, ońtústiktiń keı jerlerinde shańdy daýyl soǵyp, naızaǵaı kútiledi.
Atap aıtqanda, Jambyl oblysynda 15-20 m/s ekpindegi jeldiń jyldamdyǵy 23 m/s kúsheıedi, túnde keı jerlerde tuman kútiledi.
Ońtústik Qazaqstan oblysynyń keı aýmaqtarynda tuman, naızaǵaı jáne 15-20 m/s jyldamdyqtaǵy jel kútiledi.
Qostanaı, Qaraǵandy oblystarynyń keı jerlerinde jel 15-20 m/s kúsheıip, tuman, kóktaıǵaq bolady.
Batys Qazaqstan, Aqtóbe oblystarynyń keı jerlerinde tuman, kóktaıǵaq kútiledi.
Qyzylorda oblysynyń keı jerlerinde tuman, naızaǵaı baqylanady.
Mańǵystaý, Atyraý, Pavlodar, Shyǵys Qazaqstan oblystarynda, túnde jáne tańerteń Aqmola, Soltústik Qazaqstan oblystarynyń keı jerlerinde tuman boljanady.
