23 naýryz kúngi aýa raıy boljamy
NUR-SULTAN. QazAqparat – 23 naýryz kúni respýblıkanyń basym bóliginde qubylmaly kún raıy saqtalady. Keı jerlerde jańbyr men qar túrinde jaýyn-shashyn bolady. Eldiń ortalyǵy men soltústiginde qatty jaýyn-shashyn kútiledi. Antıtsıklon jotasynyń áserinen soltústik-batysta aýa raıy kóbine jaýyn-shashynsyz bolady. Jekelegen óńirlerde tuman, kóktaıǵaq, jaıaý burqasyn, ekpindi jel, ońtústikte naızaǵaı boljanady. QazAqparat bul týraly «Qazgıdromet» RMK-ǵa silteme jasap habarlaıdy.
Atap aıtqanda, Túrkistan oblysynyń keı jerlerinde naızaǵaı, tuman bolady, jeldiń ekpini 23-28 m/s kúsheıedi.
Jambyl oblysynyń kúndiz keı jerlerinde naızaǵaı, tuman boljanady. 15-20 m/s kúshpen soǵatyn jeldiń jyldamdyǵy tańerteń jáne kúndiz 23-28 m/s artady.
Qaraǵandy, Aqmola oblystarynyń keı jerlerinde tuman, kóktaıǵaq, jaıaý burqasyn kútiledi, jeldiń ekpini 15-20 m/s artady. Jeldiń ekpini Aqmola oblysynda 23 m/s, Qaraǵandy oblysynda 23-28 m/s jetedi.
Almaty oblysynyń kúndiz keı jerlerinde 18-23 m/s jyldamdyqta jel, turady. Jalańashkol aýdanynda ekpini 28 m/s kúsheıedi.
Qyzylorda oblysynyń keı jerlerinde tuman, túnde kóktaıǵaq bolady. 15-20 m/s kúshpen jel soǵady.
Mańǵystaý, Atyraý, Aqtóbe oblystarynyń túnde jáne tańerteń keı jerlerinde tuman kútiledi. Mańǵystaý oblysynda jeldiń ekpini yń kúndiz 15-20 m/s kúsheıedi.
Pavlodar, Shyǵys Qazaqstan obllystarynyń keı jerlerinde tuman, kóktaıǵaq boljanady. Kúndiz jeldiń kúshi 15-20 m/s jetedi. Pavlodar oblysynda sondaı-aq jaıaý burqasyn bolady.
Batys Qazaqstan oblysynyń keı jerlerinde tuman, kóktaıǵaq kútiledi.
Qostanaı, Soltústik Qazaqstan oblystarynyń keı jerlerinde tuman bolady.
