23 naýryz. QazAqparat kúntizbesi
ATAÝLY KÚNDER
Búkilálemdik meteorologııa kúni
1950 jylǵy naýryzdyń 23-de BUU-nyń arnaıy mekemesi Búkildúnıejúzilik meteorologııa uıymynyń konventsııasy kúshine endi. 1961 jyldan bastap atap ótiledi.
ESTE QALAR OQIǴALAR
1992 jyly Qazaqstan Respýblıkasy men Majarstan arasynda dıplomatııalyq qarym-qatynastyń ornaýy týraly notalar almasýy boldy. Vengrııa Qazaqstannyń táýelsizdigin moıyndaǵan alǵashqy elderdiń biri boldy.
2010 jyly Máskeý qalasyndaǵy №229 orta mektepke Keńes Odaǵynyń Batyry Baýyrjan Momyshulynyń aty berildi.
2016 jyly ıÝNESKO-nyń «Adam jáne bıosfera» halyqaralyq úılestirý keńesiniń baǵdarlamasy Búkilálemdik bıosferalyq qoryqtar jelisine 20 jańa nysan engizdi. Olardyń arasynda «Barsakelmes» qoryǵy da bar.
2016 jyly Perýdiń Lıma qalasynda ótken Búkilálemdik bıosferalyq qoryqtar kongresinde Reseı men Qazaqstannyń transshekaralyq bıosferalyq rezervatynyń «Úlken Altaı» atty jobasy tanystyryldy.
2017 jyly Beıjińdegi Shanhaı yntymaqtastyq uıymynyń (ShYU) Jýrnalıst-dostar kúninde «QazAqparat» HAA men ShYU Hatshylyǵy arasynda yntymaqtastyq týraly kelisimshart jasaldy. «QazAqparat» HAA-nyń Qytaıdaǵy menshikti tilshisi Sadyq Ákijanov Shanhaı yntymaqtastyq uıymy (ShYU) baspasóz klýbynyń vıtse-prezıdenti bolyp saılandy.
2019 jylyMemleket basshysynyń 23 naýryzdaǵy № 6 Jarlyǵymen Qazaqstan astanasy Astana qalasy Nur-Cultan qalasy bolyp ózgertildi.
2021 jyly qazaqstandyq ǵalymdar hırýrgııalyq operatsııalarda qan ketýdi toqtatý úshin qoldanylatyn amınokapron qyshqyly negizindegi alǵashqy sáýlege qarsy preparat shyǵardy. Ǵalymdar bul hımııalyq qosylystyń radıatsııalyq áserge ushyramaıtynyn anyqtady.
Qazaqstandyq ǵalymdar dárige patent alyp úlgerdi. Ony atom elektr stantsııasynyń jumysshylary nemese radıatsııaǵa ushyraǵan adamdar profılaktıka retinde paıdalana alady.
2022 jyly Oral halyqaralyq áýejaıyna Keńes Odaǵynyń Batyry Mánshúk Mámetovanyń esimi berildi. Mánshúk Mámetova – Oral oblysynyń týmasy (qazirgi BQO), Uly Otan soǵysynyń qatysýshysy. Ol Qyzyl Armııada pýlemetshi bolyp, 1943 jyldyń kúzinde qaza tapty. Sońǵy shaıqasynda 70-ten astam qarsylasyn joıǵan. Oǵan qaıtys bolǵannan keıin Keńes Odaǵynyń Batyry ataǵy berildi.
2022 jyly Túrkııada kórnekti balýan, qazaq chempıony jáne Almaty oblysynan shyqqan eńbek qaharmany Jaqsylyq Úshkempirovtiń ómiri men sporttyq mansaby týraly egjeı-tegjeıli baıandalǵan kitap jaryq kórdi. Túrik jýrnalısti jáne aýdarmashysy Ýfýk Týzman «uly sportshy Jaqsylyq Úshkempirovtiń ómirbaıany búkil túrki álemine úlgi, sondyqtan túrik jastary bul týraly bilýi kerek» dep atap ótti. «Biz úshin kitapta Jaqsylyq Úshkempirovtiń ómirindegi sol sátterdi sýretteý úlken baqyt, onda jas ári talantty sportshy qazaq halqynyń ar-namysy men qadir-qasıetin halyqaralyq deńgeıde qorǵaı otyryp, ózine taǵdyr daıyndaǵan barlyq qıyndyqty jeńdi», - dep qosty Ýfýk Týzman.
