23 naýryz. Tulǵalar týǵan kún
Búgin, 23 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
60 jyl buryn (1966) QR Parlamenti Májilisiniń VIII shaqyrylymdaǵy depýtaty Edil Terekbaıuly JAŃBYRShIN dúnıege keldi.
Gýrev (qazirgi Atyraý) oblysynda týǵan. 1990 jyly Almaty energetıkalyq ınstıtýtyn bitirgen.
Eńbek joly: 1990-1992 jyldary Almaty energetıka ınstıtýtynda assıstent, 1992 -1993 jyldary QR Bilim mınıstriliginiń jetekshi mamany, 1993 -1995 jyldary Aqtaý polıtehnıkalyq ınstıtýtynda aǵa oqytýshy, dotsent, ǵylymı hatshy bolyp qyzmet atqarǵan. 1995-1999 jyldary Sh. Esenov atyndaǵy Aqtaý ýnıversıtetiniń munaı-hımııa fakýltetiniń dekany, 1999-2000 jyldary Ortalyq-Azııa ýnıversıteti Aqtaý fılıaly dırektorynyń oqý isi jónindegi orynbasary, 2000-2007 jyldary E.A. Bóketov atyndaǵy Qaraǵandy memlekettik ýnıversıteti Aqtaý fılıalynyń dırektory, 2007-2010 jyldary «Nur Otan» Halyqtyq-demokratııalyq partııasynyń Mańǵystaý oblystyq fılıaly tóraǵasynyń birinshi orynbasary, 2012-2015 jyldary Aqtaý qalasynyń ákimi, 2015-2021 jyldary «Azııa Tehno Servıs» JShS dırektorynyń orynbasary qyzmetinde boldy. 2021-2023 jyldary QR Parlament Májilisiniń VII shaqyrylym depýtaty, Ekologııa máseleleri jáne tabıǵat paıdalaný komıtetiniń múshesi.
2023 jyldyń naýryz aıynan bastap qazirgi qyzmetinde.
60 jyl buryn (1966) Petropavl qalasy ákiminiń orynbasary Qalııa Battalqyzy TÓRENOVA dúnıege keldi.
Omby oblysy Esilkól aýdany Boevoe aýylynda dúnıege kelgen. 1988 jyly Ýshınskıı atyndaǵy Petropavl pedagogıkalyq ınstıtýtyn «Orys tili jáne ádebıeti pániniń muǵalimi» mamandyǵy boıynsha, 2021 jyly QR Prezıdenti janyndaǵy Memlekettik basqarý akademııasyn «Óńirlik damý magıstri» mamandyǵy boıynsha aıaqtaǵan.
Eńbek jolyn 1983 jyly SQO Býlaev aýdany Molodejnaıa OM pıoner jetekshisi bolyp bastady. 1988-1993 jyldary SQO Býlaev OM orys tili jáne ádebıeti pániniń muǵalimi bolyp qyzmet etti. 1993-1998 jyldary SQO Býlaev aýdandyq ákimshiliginiń tilder jónindegi bóliminiń meńgerýshisi boldy. 1998-2003 jyldary SQO M. Jumabaev aýdany ákimi apparatynyń ishki saıasat jáne áleýmettik-mádenı sala bóliminiń meńgerýshisi bolyp eńbek etti. 2003-2006 jyldary SQO M. Jumabaev aýdany ákiminiń orynbasary bolyp qyzmet atqardy. 2007-2009 jyldary «Saryarqa» SPK» NK» AQ Aqmola oblysy boıynsha departamentiniń menedjeri, bas menedjeri boldy. 2009-2011 jyldary «Qazaqstan ınjınırıng Astana q.» Ulttyq kompanııasy» AQ ákimshilik departamentiniń kadrlar bóliminiń bas menedjeri bolyp eńbek etti. 2011-2015 jyldary Astana qalasyndaǵy «Evrokopter Qazaqstan Injınırıng» JShS adamı resýrstardy basqarý bóliminiń basshysy bolyp eńbek etti. 2017-2019 jyldary Astana qalasyndaǵy «Myrza-Han» JShS personalmen jumys bóliminiń bastyǵy boldy. 2019-2023 jyldary «Petropavl qalasy ákimi apparaty» basshysy qyzmetin atqardy.
2023 jyldyń sáýir aıynan bastap qazirgi qyzmetinde.
54 jyl buryn (1972) «Qazaqstan Azamattyq avıatsııa qaýymdastyǵy» zańdy tulǵalar qaýymdastyǵynyń prezıdenti, VIII shaqyrylymdaǵy Astana qalalyq máslıhatynyń depýtaty Ǵabıt Qalıuly TÁJІMURATOV dúnıege keldi.
Kýngrad qalasynda (Qaraqalpaq AKSR) dúnıege kelgen. 1997 jyly Máskeý memlekettik azamattyq avıatsııa tehnıkalyq ýnıversıtetin «Ushý apparattary men avıatsııalyq qozǵaltqyshtardy tehnıkalyq paıdalaný» mamandyǵy boıynsha, 2000 jyly Ál-Farabı atyndaǵy Qazaq memlekettik ulttyq ýnıversıtetin «Quqyqtaný» mamandyǵy boıynsha, 2018 jyly «IBS Astana» jáne «EU» Halyqaralyq Bıznes Mektebin bitirdi (iskerlik ákimshilendirý magıstri).
Eńbek joly: 1987-1989 jyldary Kýngrad aýdany Hlopkovoe sovhozynyń slesari, 1993-1994 jyldary REQ-5 jumysshysy, 1993-1995 jyldary № 19 Sý 1-razrıadty jumysshy, Mosınjstroı MMK, 1998-1999 jyldary QR KKM memlekettik avıatsııa tirkelimi ÁK paıdalanýshylaryn sertıfıkattaý bóliminiń jetekshi sarapshysy qyzmetin atqarǵan. 1999-2001 jyldary «Qazavıasertıfıkatsııa» JAQ kommertsııalyq áýe kóligi jáne jalpy maqsattaǵy avıatsııa paıdalanýshylarynyń tehnıkalyq aýdıti bóliminiń bas sarapshy-aýdıtory, bastyǵy, 2001 jyly QR KKM Kólik Zań departamenti organdar júıesiniń qyzmetin quqyqtyq qamtamasyz etý bóliminiń bas mamany, 2001-2003 jyldary QR KKM Azamattyq avıatsııa komıtetiniń avıakompanııalar qyzmetin retteý bóliminiń bastyǵy, 2003-2008 jyldary QR KKM Azamattyq avıatsııa komıtetiniń avıakompanııa qyzmetin retteý, áýe keńistigin paıdalaný, Ekonomıka jáne qarjy basqarmasynyń bastyǵy, 2008-2010 jyldary QR KKM Kólik-kommýnıkatsııalyq keshenin strategııalyq josparlaý jáne damytý departamenti azamattyq avıatsııany damytý basqarmasynyń bastyǵy qyzmetin atqarǵan. 2010-2014 jyldary QR Prezıdentiniń Іs basqarmasy resmı is-sharalar jáne syrtqy baılanystar bóliminiń kóliktik qamtamasyz etý sektorynyń meńgerýshisi, 2014-2015 jyldary «Airport Management Group» JShS bas dırektorynyń orynbasary (Qazaqstan Respýblıkasynyń áýejaılary boıynsha basqarýshy kompanııa), 2015-2018 jyldary «Astana halyqaralyq áýejaıy» AQ Basqarma tóraǵasynyń orynbasary, operatsııalyq qyzmet jónindegi basqarýshy dırektory boldy. 2019 jyldan bastap Nursultan Nazarbaev halyqaralyq áýejaıynyń ınfraqurylymdyq qamtamasyz etý jónindegi basqarma tóraǵasynyń orynbasary, 2019-2022 jyldary «Nursultan Nazarbaev halyqaralyq áýejaıy» Basqarma tóraǵasy laýazymyn atqarǵan. 2022 jyldan bastap — «Qazaqstannyń Azamattyq avıatsııa qaýymdastyǵy» ZTB prezıdenti.
«Qazaqstan Táýelsizdigine 20 jyl» medalimen, «Eren eńbegi úshin» medalimen (2021), «Qurmetti avıator» tósbelgisimen (2015) marapattalǵan.
53 jyl buryn (1973) Abaı oblysy ákiminiń birinshi orynbasary Erbol Ábilhaıyruly SADYR dúnıege keldi.
Túrkistan oblysy, Sozaq aýdany, Tasty aýylynda dúnıege kelgen. Qazaq memlekettik basqarý akademııasyn (1994) ekonomıka mamandyǵy boıynsha bitirgen.
Eńbek joly: Sozaq aýdandyq aýrýhanasynda bas dárigerdiń ekonomıka jónindegi orynbasary (1994-1995); Sozaq aýdanynyń ekonomıka, ekonomıka jáne shaǵyn jáne orta bıznesti qoldaý, kásipkerlikti qoldaý jáne damytý bólimderiniń bas mamany, meńgerýshisi (1995-2002); Ońtústik Qazaqstan oblysynyń kásipkerlikti qoldaý departamenti basshysynyń orynbasary (2002-2005); Ońtústik Qazaqstan oblysynyń ınvestıtsııalyq saıasat departamentiniń basshysy (2005-2009); Ońtústik Qazaqstan oblysynyń ekonomıka jáne bıýdjettik josparlaý departamentiniń basshysy (2009-2013); Ońtústik Qazaqstan oblysy ákiminiń orynbasary (2013 jylǵy mamyr - 2017 jylǵy qyrkúıek); Túrkistan oblysy ákiminiń orynbasary (2017 jylǵy 14 qyrkúıek - 2019 jylǵy tamyz); Shymkent qalasy ákiminiń orynbasary (2019 jylǵy tamyz - 2020 jylǵy aqpan); Shymkent qalasy ákiminiń birinshi orynbasary (2020).
2025 jyldyń sáýir aıynan bastap qazirgi qyzmetinde.
40 jyl buryn (1986) Almaty qalasy, Almaly aýdany ákiminiń orynbasary Oljas Qurmanbekuly QURMANBEK dúnıege keldi.
Shyǵys Qazaqstan oblysy Óskemen qalasynda dúnıege kelgen. KazGıÝÝ Almaty zań akademııasyn «Quqyqtaný» mamandyǵy boıynsha (2008); Abaı atyndaǵy Qazaq ulttyq ýnıversıtetin «Menedjment» mamandyǵy boıynsha (2011); QR Prezıdenti janyndaǵy Memlekettik basqarý akademııasynda «Quqyqtaný» mamandyǵy boıynsha magıstratýrany (2013) bitirgen, zań ǵylymdarynyń magıstri akademııalyq dárejesi berilgen, Frantsııada, Parıj qalasynda taǵylymdamadan ótken.
Eńbek joly: QR Básekelestikti qorǵaý agenttiginiń is júrgizý jónindegi ınspektory (2008); sarapshy, QR Ulttyq ǵarysh agenttiginiń Zań basqarmasynyń bas sarapshysy; ár jyldary «Samuryq-Qazyna „ulttyq ál-aýqat qory“ AQ-da ártúrli laýazymdarda jumys istedi; Almaty qalasy ákimi apparatynyń biryńǵaı personaldy damytý qyzmetiniń bas ınspektory (2021-2022); Almaty qalasy ákimi apparatynyń Abaı oblysy ákimi apparatynyń basshysy (2022-2024).
2025 jyldyń qarasha aıynan bastap qazirgi qyzmetinde.
101 jyl buryn (1925-1983) qazaqtan shyqqan hımık-metallýrg, tehnıka ǵylymdarynyń doktory, professor, Qazaqstan Ǵylym Akademııasynyń akademıgi, Jazýshylar odaǵynyń múshesi Evneı Arystanuly BÓKETOV dúnıege keldi.
Soltústik Qazaqstan oblysy Sergeevka aýdanynda (qazirgi Shal aqyn aýdany) týǵan. Qazaq metallýrgııalyq ınstıtýtyn (Q.Sátbaev atyndaǵy Qazaq ulttyq tehnıkalyq ýnıversıteti) bitirgen.
E.Bóketov hımııa salasyna jańa lep qosqan — halkogender men halkogenıdter tehnologııasynyń negizin qalaǵan. Mys quramynan tellýr men selen sııaqty zııandy qaldyqtardy tazartýdyń gıdrohımııalyq jolyn tapqan. Ǵylym men mádenıet salasyndaǵy 50-den astam eńbektiń avtory. Qaraǵandy memlekettik ýnıversıtetiniń rektory bolyp, osy oqý ornyna daryndy ǵalymdardy toptastyrýǵa kóp eńbek sińirdi. Klassıkalyq ádebı shyǵarmalardy da tárjimalaýmen aınalysqan. Eńbek Qyzyl Tý ordenimen jáne medaldarmen marapattalǵan. 1992 jyly akademık E.Bóketov esimi Qaraǵandy memlekettik ýnıversıtetine berildi.
99 jyl buryn (1927-2021) Qazaqstan Respýblıkasy Memlekettik syılyǵynyń ıegeri, fılologııa ǵylymynyń doktory, KSRO pedagogıka ǵylymdary akademııasynyń korespondent-múshesi, kórnekti ǵalym, ádebıet synshysy Serik QIRABAEV dúnıege keldi.
Qaraǵandy oblysy, Jańaarqa aýdany, Atasý aýylynda týǵan. 1951 jyly Qazaqtyń Abaı atyndaǵy pedagogıkalyq ınstıtýtynyń fılologııa fakýltetin bitirgen.
Instıtýtty bitirgennen keıin, aspırantýrada oqı júrip, qazaq kórkem ádebıet baspasynyń aǵa redaktory, «Ádebıet jáne óner» jýrnaly redaktsııasynyń bólim meńgerýshisi bolyp istegen. 1952 jyldan 1955 jylǵa deıin S.Qırabaev — «Pıoner» jýrnalynyń redaktory, odan keıin «Sotsıalıstik Qazaqstan» gazeti redaktsııasynyń ádebıet jáne óner bóliminiń meńgerýshisi bolǵan. 1957 jyly kandıdattyq dıssertatsııa, al 1964 jyly fılologııa ǵylymynyń doktory ǵylymı ataǵyna dıssertatsııa qorǵaǵan. Keıin Pedagogıka ǵylymdary akademııasynyń korrespondent-múshesi bolyp, Qazaqtyń Abaı atyndaǵy memlekettik ýnıversıtetinde kóp jyldar boıy dáris oqyp, qazaq ádebıeti kafedrasyn basqarǵan. 1988-1995 jyldary M.Áýezov atyndaǵy Ádebıet jáne óner ınstıtýtynyń dırektory bolyp qyzmet atqarǵan. S.Qırabaevtyń shyǵarmashylyq qyzmeti stýdenttik jyldarynan bastalǵan. 1948 jyldan bastap baspasózde onyń syn maqalalary jıi basyldy. 1956 jyly «Ǵabıden Mustafın» atty monografııasy jaryq kórdi, eki jyldan keıin bul kitap orys tilinde shyqty. Sodan keıin «Spandııar Kóbeev» (1958), «Óner órisi» (1968), «Sáken Seıfýllın» (1973), «Ádebıet jáne dáýir talaby» (1976), «Revolıýtsııa jáne ádebıet» (eki tomdyq, 1977), «Shyndyq jáne shyǵarma» (1981), «Shyndyq jáne sheberlik» (1983), «Ádebıetimizdiń aqtańdaq betteri», «Júsipbek Aımaýytov» (1990) jáne taǵy basqa kóptegen zertteýler men monografııalardyń, ádebı protsestiń ártúrli jaqtaryn áralýan qyrynan sóz etetin kóptegen maqalalardyń, ásirese, birtalaı mektep okýlyqtarynyń avtory retinde qalyń oqyrman qaýymǵa, ádebı-mádenı qoǵamdyq jurtshylyqqa keńinen tanyldy. Ol — qazaq ádebıettaný ǵylymy salasyndaǵy jetekshi ǵalymnyń biri.
S.Qırabaev «Eńbek Qyzyl tý», «Halyqtar dostyǵy» ordenderimen, «Eńbektegi erligi úshin», t. b. medaldarmen marapattalǵan. 1996 jyly Qazaqstan Respýblıkasy Memlekettik syılyǵynyń ıegeri boldy.