23 maýsymnan bastap Qostanaı oblysynda karantın sharalary kúsheıedi
Qostanaı oblysynyń bas memlekettik sanıtar dárigeri Vladımır Nechıtaılonyń osy jyldyń 23 maýsymynan 30 maýsymyna deıin karantın rejımin kúsheıtý jóninde sheshim qabyldady. Sonymen oblysta kelesi gekteý sharalary engiziledi:
1. Menshik nysanyna qaramastan(kezekshi toptardy qospaǵanda) mektepke deıingi balalar mekemeleriniń qyzmetin toqtata turý;
2. 20 adamnan artyq kelýshi qabyldaıtyn (ashyq aýada jattyǵýdy qospaǵanda) sport keshenderiniń (úıirmelerdiń, sektsııalardyń jáne basqalardyń) jumys isteýine tyıym salý.
3. Qoǵamdyq tamaqtaný obektileriniń jumysyn «tutynýshyǵa deıin jetkizý» jáne «shyǵarý» qaǵıdaty boıynsha shekteý.
«Aǵymdaǵy jylǵy 27 maýsymy (saǵat 00:00-den bastap) men 28 maýsym aralyǵynda Qostanaı, Rýdnyı, Jitiqara, Lısakov, Arqalyq, Tobyl qalalarynyń aýmaǵynda lokdaýn rejımi (tótenshe jaǵdaıǵa baılanysty belgili bir aımaqtan erkin kirýge nemese shyǵýǵa tyıym salý) belgilenedi, ol myna shekteýlerdi kózdeıdi:
1. Turǵyndardyń turǵylyqty jerinen shyǵýy; kelesi jaǵdaılardy qospaǵanda: jumysqa shyǵý; medıtsınalyq kómekke júginý; turatyn nemese jumys isteıtin jerine jaqyn dárihanalar men dúkenderden azyq-túlik taýarlaryn, dárilik preparattardy jáne medıtsınalyq buıymdardy satyp alý; qoqysty shyǵarý; jeke kólikte saıajaıǵa jol júrý; turaqty kútimdi qajet etetin naýqastar men qart adamdardyń kútimi boıynsha jol júrý; janýarlardy serýendetý.
2. Atalǵan qalalardyń aýmaǵynda oıyn jáne oıyn-saýyq qyzmetiniń barlyq túrleri toqtatylady;
3. Qalalyq qoǵamdyq kóliktiń qyzmeti (Rýdnyı qalasy «SSKÓB» AQ-na qyzmet kórsetetin qoǵamdyq kólikten basqa), onyń ishinde saıajaı baǵyttary toqtaıdy;
4. Azyq-túlik ónimderin satatyn saýda obektilerin qospaǵanda, qala aýmaǵyndaǵy barlyq saýda obektileriniń qyzmeti shekteledi.
5. Azyq-túlikti kóterme baǵada satyp alýdy qospaǵanda, barlyq jeke saýda bazarlarynyń jumysy toqtatylady.
6. Skverlerdiń, saıabaqtardyń, jaǵalaýlardyń, onyń ishinde olardyń aýmaqtarynda ornalasqan tamaqtaný jáne saýda núkteleriniń, sondaı-aq jaǵajaılar men demalys bazalarynyń jumys isteýine shekteý qoıylady.
Biz karantındik sharalardy saqtaý monıtorıngin jalǵastyramyz jáne odan ári bosańsýlar(jumsartýlar) sanıtarlyq-epıdemıologııalyq jaǵdaıdyń jaqsarý kezinde ǵana iske asyrylatyn bolady» delingen Vladımır Nechıtaılonyń úndeýinde.