23 mamyrda ortalyqtan shalǵaı ornalasqan aımaqtarǵa medıtsınalyq poıyzdar jolǵa shyǵady

NUR-SULTAN. QazAqparat – 23 mamyrda elimizdiń óńirlerindegi shalǵaı jatqan stantsııalar men razez turǵyndaryna medıtsınalyq qyzmet kórsetý úshin arnaıy poıyzdar jolǵa shyǵady, dep habarlaıdy QazAqparat «Qazaqstan temir joly» UQ» aktsıonerlik qoǵamynyń baspasóz qyzmetine silteme jasap.

Baspasóz málimetterine qaraǵanda, dárigerler shalǵaıdaǵy stantsııalar men oǵan jaqyn mańdaǵy kentterdiń turǵyndaryna alǵashqy medıtsınalyq-sanıtarııalyq jáne konsýltatsııalyq-dıagnostıkalyq kómek kórsetedi.

Medbrıgadalar quramynda terapevt, pedıatr, LOR, kardıolog, oftalmolog, stomatolog jáne t.b. mamandar bar.

Poıyzdar 13000 km-den astam qashyqtyqty júrip ótip, shalǵaı ornalasqan Toltyr, Afanasevo, Begimbet, Nıkeltaý sııaqty stantsııalar men razezderge barady.

Bıyl 200-ge jýyq stantsııa men razezdi qamtý josparlanyp otyr.

«Medıtsınalyq poıyzdar» jobasyn júzege asyrýdaǵy maqsat azamattardyń densaýlyǵyna degen qamqorlyq, elimizdiń ortalyqtan shalǵaı ornalasqan aımaqtaryndaǵy turǵyndaryn da tegin medıtsınalyq qyzmettermen qamtamasyz etý.

«Járdem» jáne «Salamatty Qazaqstan» medıtsınalyq poıyzdary arnaıy jabdyqtalǵan 8 mamandandyrylǵan vagonnan turady. Dárigerler kúnine ondaǵan naýqasty tekseredi. Medıtsınalyq poıyzdar jumys istep turǵan stantsııaǵa bilikti mamandardyń tekserýinen ótý úshin ózge eldi mekenderden de turǵyndar keledi»,-delingen «Qazaqstan temir joly» UK» AQ baspasóz qyzmeti taratqan aqparatta.

«Dárigerlerdiń aıtýynsha, «Medıtsınalyq poıyzdar» jobasy halyq úshin maǵyzdy. Óıtkeni ol turǵyndarǵa sapaly medıtsınalyq kómek alýǵa múmkindik beredi.