23 mamyrda Qazaqstannyń barlyq óńirlerinde Halyqaralyq Olımpıada kúni atap ótiledi - QR UOK
ASTANA. QazAqparat - 23 mamyrda Halyqaralyq Olımpıada komıtetiniń qoldaýymen Qazaqstannyń barlyq óńirlerinde Olımpıada kúni atap ótiledi. Bul týraly QR Ulttyq Olımpıada komıtetiniń vıtse-prezıdenti Evgenıı Nıkıtınskıı habarlady.
«Biz bul kúndi qatarynan 20 jyl atap ótip kelemiz. Olımpıada kúni Qazaqstannyń barlyq óńirlerinde atalyp ótetinine qýanyshtymyz. Qazir shara baǵdarlamasy ulǵaıdy, klassıkalyq sport túrlerinen basqa ulttyq sport túrleri paıda boldy. Kontsertter men sporttyq oıyndar ótedi, oǵan Astanadaǵy barlyq sport alańdary jumyldyrylady. Munyń barlyǵy Halyqaralyq Olımpıada kúnin ótkizý tujyrymdamasyna sáıkes keledi», - dedi E.Nıkıtınskıı. Sondaı-aq ol merekelik sharalar arnalyp otyrǵan negizgi sebepke toqtaldy. «Bıylǵy jyl erekshe. Almatynyń 2022 jylǵy qysqy Olımpıada oıyndaryna qatysý quqyǵyna baq synasýyna múmkindik beretin uıymdastyrý komıteti jaqsy jumys jasady, mereke osyǵan arnalady», - dedi E.Nıkıtınskıı. Elordalyq shara baǵdarlamasy aıasynda 800 jáne 1200 metrge jeke júgirý saıysy, asfaltta «Olımpıada jarystary» sýret baıqaýy, múmkindigi shekteýli sportshylar arasynda jarys, ákim Á.Jaqsybekovtyń qatysýymen velosaıys ótetinin atap ótken jón.
