23 mamyr kúni QR-nyń birqatar óńirinde aýa raıy turaqsyz, naızaǵaıly jáne jańbyrly bolady
ASTANA. 22 mamyr. QazAqparat - Qazaqstannyń soltústik aýdandarynda, ortalyǵynda jáne shyǵysyndaǵy turaqsyz aýa raıy saldarynan 23 mamyr kúni ótkinshi jańbyrlar men ekpindi jel bolady, dep habarlaıdy Qazgıdrometke silteme jasaǵan TJM-nen.
Respýblıkanyń batysy men ońtústiginde shýaqty ystyq aýa raıy kútilýde.
Kúndiz Mańǵystaý, Qyzylorda oblystarynda keıbir jerlerde 15-20 m/s jyldamldyqpen jel soǵady, jekelegen aýdandarda - shańdy daýyl bolady.
Qostanaı, Soltústik Qazaqstan, Aqmola, Pavlodar, kúndiz Qaraǵandy, Ońtústik Qazaqstan, Shyǵys Qazaqstan oblystarynda keıbir jerlerde 15-20 m/s jyldamdyqpen jel soǵady.
Mańǵystaý, Atyraý, Batys Qazaqstan, Qyzylorda, Ońtústik Qazaqstan oblystarynda tótenshe joǵary órt qaýiptiligi saqtalýda.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýlary kútilýde.
