23 mamyr kúni Qazaqstanda ótetin mańyzdy oqıǵalarǵa sholý

ASTANA

Saǵat 9.30-da «Nur Otan» partııasy Tóraǵasynyń birinshi orynbasary M.Áshimbaev «Nur Otan» partııasynyń bastamasy boıynsha Astanadaǵy birqatar bilim berý mekemelerine barady.

Saǵat 10.00-de Qazaqstan Respýblıkasy Parlamenti Májilisiniń jalpy otyrysy bolady.

Saǵat 10.00-de Nazarbaev Ýnıversıtetinde VII Halyqaralyq  ýnıversıtet kitaphanasyn damytýdyń jańa jahandyq úrdisteri týraly konferentsııa ótedi.

Saǵat 11.00-de Táýelsizdik saraıynyń májilis zalynda aldaǵy "Kazakhstan Fashion Week Astana" sán aptalyǵy týraly baspasóz máslıhaty ótedi.

Saǵat 11.50-de Astana halyqaralyq áýejaıynyń áskerı bólimi aýmaǵynda V halyqaralyq «KADEX-2018» qarý-jaraq jáne áskerı-tehnıkalar kórmesiniń resmı ashylýy bolady.

Saǵat 12.20-da Ortalyq kommýnıkatsııalar qyzmetinde «Azamattardyń Úkimeti» memlekettik korporatsııasynyń qorytyndysy boıynsha baspasóz máslıhaty ótedi.

Saǵat14.00-de Ortalyq kommýnıkatsııalar qyzmetinde «Bolashaq» korporatıvtik qorynyń «Ózińnen basta» jobasyna arnalǵan baspasóz máslıhaty bolady.

Saǵat 15.00-de Senatta Qazaqstan Respýblıkasynyń Úkimeti men Esep komıtetiniń 2017 jylǵy respýblıkalyq bıýdjettiń oryndalýy týraly esebi tyńdalady.

Saǵat  16.20-da Ortalyq kommýnıkatsııalar qyzmetinde 2018 jyldyń 6 maýsymynan 16 shildesine deıin bolatyn ınnovatsııalyq granttarǵa ótinimderdi berý týraly baspasóz máslıhaty ótedi.

Saǵat 17.00-de «Qazmedıa ortalyǵynda» Qazaqstan Respýblıkasy Investıtsııalar jáne damý mınıstri Jeńis Qasymbektiń turǵyndar aldynda esep berý kezdesýi.

ALMATY

Saǵat 9.00-de "The  Ritz-Carlton"-de 15-shi Eýrazııalyq medıa forýmynyń ashylý saltanaty ótedi.  Halyqaralyq kommýnıkatsııalyq alań 2002 jyly qurylǵan. Jáne jyl saıyn óziniń aqparattyq alańynda álemniń 60 elinen 500 delegattyń basyn biriktiredi.

Saǵat 9.00-de Ortalyq anyqtamalyq zerthanada ashyq kún ótedi. Bul kúni zerthanada ekskýrsııasy uıymdastyrylyp,  zerthananyń maqsat-mindetteri týraly aıtylyp, jumys barysy tanystyrylady.

 Saǵat  10.00-de «Turan»  ýnıversıtetinde «Qazaqstandyq medıtsınalyq týrızm brendin qalyptastyrý jáne  halyqaralyq naryqqa medıtsınalyq qyzmet kórsetýdi damytý» taqyrybynda dóńgelek ústel ótedi.

Saǵat 10.00-de Almaty oblysy, Talǵar aýdany, Kamennoe Plato aýylynda  kontrabandamen kúresý úshin  Keden qyzmeti men quqyq qorǵaý bólimderiniń basshylarynyń kezdesýi bolady.

Saǵat 15.00-de Abaı atyndaǵy QazUPÝ-de Qazaqstan halqy Assambleıasy kafedrasynyń tusaýkeseri jáne Qazaqstan Respýblıkasy Prezıdenti N.Á.Nazarbaevtyń bes áleýmettik bastamasyn iske asyrý boıynsha  Qazaqstan halqy Assambleıasynyń XXVI sessııasy taqyrybynda dóńgelek ústel ótedi.

ATYRAÝ

Saǵat 10.00-18.00-de Sh.Sarıev atyndaǵy sándik-qoldanbaly óner mýzeıinde Astanalyq Táýelsizdik saraıynyń kórmesi ótedi.

Saǵat 19.00-de Sultan Beıbarys alańynda Astana qalasynyń Akademııalyq orkestriniń kontserti ótedi.

QYZYLORDA

Saǵat 11.30-da Qorqyt ata atyndaǵy Qyzylorda memlekettik ýnıversıtetinde «Qazaq tilindegi 100 jańa oqýlyq» jobasy negizinde kórme ótkiziledi. Onda ǵalymdar oqýlyqtarǵa baılanysty oı-pikirlerin bildiredi.

KÓKShETAÝ

 «Rýhanı jańǵyrý» baǵdarlamasynyń aıasynda Kókshetaý qalasy №1 Qurylys tehnıkalyq  kolledjinde bilim berý uıymdary arasynda «Úzdik otbasylyq qarym-qatynas  klýby» taqyrybynda oblystyq  konkýrsy  ótedi.

ÓSKEMEN

Saǵat 18.00-de ShQO oblystyq drama teatrynda (Óskemen qalasy, Sátbaev kóshesi-55) Qazaqstan Jazýshylar odaǵynyń múshesi, Tólegen Aıbergenov atyndaǵy syılyqtyń ıegeri, aqyn Tynyshtyqbek Ábdikákimulynyń «Birtúrli aqyn» atty shyǵarmashylyq keshi bolady.