23 mamyr kúngi aýa raıy boljamy
NUR-SULTAN. QazAqparat – 23 mamyr kúni Qazaqstan terrıtorııasynyń basym bóliginde qubylmaly aýa raıy kútiledi. Elimizdiń tek ońtústiginde jáne shyǵysynda atmosferalyq frontaldy bólikterdiń ótýine baılanysty keı jerlerde ótkinshi jańbyr jaýady. Respýblıkanyń jekelegen óńirinde ekpindi jel, ońtústikte naızaǵaı, soltústikte shańdy daýyl boljanady. QazAqparat bul týraly «Qazgıdromet» RMK-ǵa silteme jasap habarlaıdy.
Atap aıtqanda, Qyzylorda oblysynyń keı jerlerinde shańdy daýyl, kúndiz jeldiń kúshi 25 m/s jetýi yqtımal.
Túrkistan oblysynyń keı jerlerinde shańdy daýyl bolady. Jeldiń jyldamdyǵy 23 m/s kúsheıedi. Kúndiz taýly aımaqtarda naızaǵaı kútiledi.
Jambyl oblysynyń keı jerlerinde jel kúsheıip, ekpini 25 m/s artady. Kúndiz taýly aımaqtarda naızaǵaı oınap, burshaq jaýýy yqtımal. Qaraǵandy, Atyraý, kúndiz Mańǵystaý, Batys Qazaqstan, Aqtóbe, Qostanaı, Soltústik Qazaqstan oblystarynda jeldiń ekpini 15-20 m/s jetedi. Atyraý oblysynyń keı jerlerinde shańdy daýyl soǵady. Pavlodar oblysynyń jekelegen aýmaǵynda tuman bolady.
Kúndiz Mańǵystaý, Aqmola, Atyraý, Batys Qazaqstan, Aqtóbe, Qostanaı, Soltústik Qazaqstan oblystarynda qatty ystyq boljanady.
Sondaı-aq Qyzylorda oblysynyń basym bóliginde, Shyǵys Qazaqstan oblysynyń keı jerlerinde, Almaty, Qostanaı, Qaraǵandy, Atyraý oblystarynyń jekelegen aýdandarynda óte joǵary órt qaýpi kútiledi.
